ਬੀਜਿੰਗ- ਚੀਨ ਦੀ ਸਰਕਾਰ ਸੋਸ਼ਲ ਮੀਡੀਆ ਐਪ TikTok ਨੂੰ ਅਮਰੀਕੀ ਅਰਬਪਤੀ ਕਾਰੋਬਾਰੀ ਐਲੋਨ ਮਸਕ ਨੂੰ ਵੇਚਣ 'ਤੇ ਵਿਚਾਰ ਕਰ ਰਹੀ ਹੈ। ਮੀਡੀਆ ਰਿਪੋਰਟਾਂ ਵਿਚ ਇਹ ਖ਼ਬਰ ਚਰਚਾ ਵਿਚ ਹੈ। ਦਰਅਸਲ ਅਮਰੀਕਾ ਵਿੱਚ TikTok 'ਤੇ ਪਾਬੰਦੀ ਦਾ ਖ਼ਤਰਾ ਹੈ। ਅਜਿਹੀ ਸਥਿਤੀ ਵਿੱਚ ਚੀਨ ਦੀ ਸਰਕਾਰ ਇਸ ਪਾਬੰਦੀ ਤੋਂ ਬਚਣ ਲਈ ਇਹ ਕਦਮ ਚੁੱਕਣ 'ਤੇ ਵਿਚਾਰ ਕਰ ਰਹੀ ਹੈ। ਰਿਪੋਰਟਾਂ ਅਨੁਸਾਰ ਚੀਨੀ ਅਧਿਕਾਰੀ ਚਾਹੁੰਦੇ ਹਨ ਕਿ TikTok ਦਾ ਕੰਟਰੋਲ ਇਸਦੀ ਮੂਲ ਕੰਪਨੀ ByteDance ਕੋਲ ਹੀ ਰਹੇ। ਹਾਲਾਂਕਿ ਕੰਪਨੀ ਨੇ ਸੰਭਾਵਿਤ ਪਾਬੰਦੀ ਖ਼ਿਲਾਫ਼ ਅਮਰੀਕੀ ਸੁਪਰੀਮ ਕੋਰਟ ਵਿੱਚ ਅਪੀਲ ਕੀਤੀ ਹੈ। ਫਿਲਹਾਲ ਅਜੇ ਤੱਕ ਕੋਈ ਅੰਤਿਮ ਫ਼ੈਸਲਾ ਨਹੀਂ ਲਿਆ ਗਿਆ ਹੈ ਅਤੇ ਇਸ 'ਤੇ ਸਿਰਫ਼ ਵਿਚਾਰ ਕੀਤਾ ਜਾ ਰਿਹਾ ਹੈ।
ਮਸਕ ਦੇ ਨਾਮ 'ਤੇ ਕਿਉਂ ਵਿਚਾਰ
ਮੀਡੀਆ ਰਿਪੋਰਟਾਂ ਅਨੁਸਾਰ ਆਉਣ ਵਾਲੀ ਟਰੰਪ ਸਰਕਾਰ ਵਿੱਚ ਮਸਕ ਦੀ ਚੰਗੀ ਪਕੜ ਹੈ। ਨਾਲ ਹੀ ਚੀਨ ਵਿੱਚ ਵੀ ਅਜਿਹੇ ਲੋਕ ਹਨ ਜੋ ਮਸਕ ਨੂੰ ਪਸੰਦ ਕਰਦੇ ਹਨ। ਇਹੀ ਕਾਰਨ ਹੈ ਕਿ ਮਸਕ ਦੀ ਕੰਪਨੀ X ਨੂੰ TikTok ਵੇਚਣ 'ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ। ਜਾਣਕਾਰੀ ਮੁਤਾਬਕ ਅਮਰੀਕਾ ਵਿੱਚ TikTok ਦੇ 17 ਕਰੋੜ ਯੂਜ਼ਰ ਹਨ ਅਤੇ ਜੇਕਰ X TikTok ਨੂੰ ਖਰੀਦਦਾ ਹੈ ਤਾਂ ਇਸਦਾ X ਨੂੰ ਬਹੁਤ ਫਾਇਦਾ ਹੋ ਸਕਦਾ ਹੈ। ਮਸਕ ਨੇ XAI ਨਾਮਕ ਇੱਕ AI ਕੰਪਨੀ ਵੀ ਸ਼ੁਰੂ ਕੀਤੀ ਹੈ। ਮਸਕ ਦੀ ਕੰਪਨੀ TikTok ਨਾਲ ਹੋਏ ਸੌਦੇ ਤੋਂ ਵੱਡੀ ਮਾਤਰਾ ਵਿੱਚ ਡੇਟਾ ਪ੍ਰਾਪਤ ਕਰ ਸਕਦੀ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਯੂ.ਕੇ ਦੇ ਪ੍ਰਧਾਨ ਮੰਤਰੀ AI 'ਤੇ ਮਸਕ ਨਾਲ ਕੰਮ ਕਰਨ ਲਈ ਤਿਆਰ
ਬਾਈਟਡੈਂਸ ਵਿੱਚ ਚੀਨ ਸਰਕਾਰ ਦੀ ਵੱਡੀ ਹਿੱਸੇਦਾਰੀ
ਹੁਣ ਤੱਕ ਨਾ ਤਾਂ TikTok ਅਤੇ ਨਾ ਹੀ X ਨੇ ਇਨ੍ਹਾਂ ਰਿਪੋਰਟਾਂ ਦਾ ਜਵਾਬ ਦਿੱਤਾ ਹੈ। ਚੀਨੀ ਸਰਕਾਰ ਦੀ TikTok ਦੀ ਮੂਲ ਕੰਪਨੀ Bytedance ਵਿੱਚ ਵੱਡੀ ਹਿੱਸੇਦਾਰੀ ਹੈ। ਇਹੀ ਕਾਰਨ ਹੈ ਕਿ ਚੀਨ ਸਰਕਾਰ ਦੇ ਸਾਈਬਰਸਪੇਸ ਪ੍ਰਸ਼ਾਸਨ ਅਤੇ ਚੀਨ ਦੇ ਵਣਜ ਮੰਤਰਾਲੇ ਵੱਲੋਂ, ਸਰਕਾਰੀ ਏਜੰਸੀਆਂ TikTok ਦੇ ਭਵਿੱਖ ਬਾਰੇ ਫ਼ੈਸਲਾ ਲੈਣਗੀਆਂ। TikTok ਦੀ ਕੀਮਤ ਅੰਦਾਜ਼ਨ 40-50 ਬਿਲੀਅਨ ਡਾਲਰ (3.45 ਲੱਖ ਕਰੋੜ ਰੁਪਏ ਤੋਂ 4.32 ਲੱਖ ਕਰੋੜ ਰੁਪਏ) ਹੋ ਸਕਦੀ ਹੈ। ਮਸਕ ਨੇ 2022 ਵਿੱਚ ਹੀ ਟਵਿੱਟਰ ਨੂੰ 44 ਬਿਲੀਅਨ ਡਾਲਰ ਵਿੱਚ ਹਾਸਲ ਕਰ ਲਿਆ ਸੀ। ਜਿਸਦਾ ਨਾਮ ਉਸਨੇ ਬਾਅਦ ਵਿੱਚ ਬਦਲ ਕੇ X ਰੱਖ ਦਿੱਤਾ। ਹੁਣ ਫਿਰ ਮਸਕ ਲਈ ਵੱਡੀ ਲਾਗਤ ਵਾਲਾ ਸੌਦਾ ਕਰਨਾ ਆਸਾਨ ਨਹੀਂ ਹੋਵੇਗਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਲਾਸ ਏਂਜਲਸ 'ਚ ਤੇਜ਼ ਹਵਾਵਾਂ ਦੀ ਭਵਿੱਖਬਾਣੀ, ਅੱਗ ਦਾ ਖ਼ਤਰਾ ਬਰਕਰਾਰ
NEXT STORY 
