ਇੰਟਰਨੈਸ਼ਨਲ ਡੈਸਕ- ਮਿਡਲ ਈਸਟ ਤਣਾਅ ਕਾਰਨ ਜਦੋਂ ਪੂਰੀ ਦੁਨੀਆ 'ਚ ਤੇਲ-ਗੈਸ ਦੀਆਂ ਕੀਮਤਾਂ ਤੇਜ਼ੀ ਨਾਲ ਵਧਦੀਆਂ ਜਾ ਰਹੀਆਂ ਹਨ, ਉੱਥੇ ਹੀ ਰੂਸ-ਯੂਕ੍ਰੇਨ ਜੰਗ ਕਾਰਨ ਦੁਨੀਆ ਦੇ ਕਈ ਦੇਸ਼ਾਂ ਨੂੰ ਤੇਲ ਸਪਲਾਈ ਕਰਨ ਵਾਲਾ ਰੂਸ ਹੁਣ ਖ਼ੁਦ ਤੇਲ ਦੀ ਕਮੀ ਨਾਲ ਜੂਝ ਰਿਹਾ ਹੈ।
ਰੂਸ ਦੀਆਂ ਕਈ ਰਿਫਾਇਨਰੀਆਂ 'ਤੇ ਹੋਏ ਯੂਕ੍ਰੇਨੀ ਹਮਲਿਆਂ ਕਾਰਨ ਤੇਲ ਦਾ ਉਤਪਾਦਨ ਵੱਡੇ ਪੱਧਰ 'ਤੇ ਪ੍ਰਭਾਵਿਤ ਹੋਇਆ ਹੈ, ਜਿਸ ਕਾਰਨ ਦੇਸ਼ 'ਚ ਤੇਲ ਦੀ ਕਿੱਲਤ ਹੋ ਗਈ ਹੈ। ਇਸ ਔਖੇ ਸਮੇਂ ਰੂਸ ਤੋਂ ਤੇਲ ਖਰੀਦਣ ਵਾਲਾ ਭਾਰਤ ਹੁਣ ਰੂਸ ਦੇ ਤੇਲ ਸਪਲਾਈ ਨੂੰ ਸੁਚਾਰੂ ਰੱਖਣ ਲਈ ਤੇਲ ਭੇਜ ਰਿਹਾ ਹੈ। ਭਾਰਤ ਰੂਸ ਨੂੰ ਪੈਟਰੋਲ ਸਪਲਾਈ ਕਰਨ ਵਾਲੇ ਪ੍ਰਮੁੱਖ ਦੇਸ਼ਾਂ 'ਚ ਸ਼ਾਮਲ ਹੋ ਗਿਆ ਹੈ। ਪਿਛਲੇ 2 ਮਹੀਨਿਆਂ 'ਚ ਭਾਰਤ ਨੇ ਰੂਸ ਨੂੰ ਲਗਭਗ 10 ਲੱਖ ਬੈਰਲ ਪੈਟਰੋਲ ਭੇਜਿਆ ਹੈ।
ਇਹ ਵੀ ਪੜ੍ਹੋ- ਤੁਸੀਂ ਵੀ ਵਰਤਦੇ ਹੋ ਇਸ ਕੰਪਨੀ ਦੇ ਮਸਾਲੇ ਤਾਂ ਹੋ ਜਾਓ ਸਾਵਧਾਨ ! FSSAI ਨੇ ਲਾ'ਤਾ ਬੈਨ
ਜੁਲਾਈ ਅਤੇ ਅਗਸਤ ਦੌਰਾਨ ਰੂਸੀ ਰਿਫਾਇਨਰੀਆਂ 'ਤੇ ਲਗਭਗ 32 ਡਰੋਨ ਹਮਲੇ ਹੋਏ, ਜਿਸ ਨਾਲ ਰੂਸ ਦੇ ਘਰੇਲੂ ਈਂਧਨ ਉਤਪਾਦਨ 'ਚ 70 ਫੀਸਦੀ ਤੱਕ ਦੀ ਗਿਰਾਵਟ ਆਈ ਹੈ। ਰੂਸ ਨੇ ਅਗਸਤ 'ਚ ਰਿਕਾਰਡ 4,70,000 ਟਨ ਪੈਟਰੋਲ ਸਮੁੰਦਰੀ ਰਸਤੇ ਆਯਾਤ ਕੀਤਾ ਅਤੇ ਆਪਣੇ ਦੇਸ਼ ਵਿੱਚ ਪੈਟਰੋਲ-ਡੀਜ਼ਲ ਦੀ ਬਰਾਮਦ 'ਤੇ ਰੋਕ ਲਗਾ ਦਿੱਤੀ ਹੈ। ਭਾਰਤ ਦੇ ਗੁਜਰਾਤ ਸਥਿਤ ਨਾਇਰਾ ਐਨਰਜੀ ਦੀ ਵਾਦੀਨਾਰ ਰਿਫਾਇਨਰੀ, ਜਿਸ 'ਚ ਰੂਸ ਦੀ ਰੋਸਨੇਫਟ ਦਾ ਹਿੱਸਾ ਹੈ, ਤੋਂ ਮੁੱਖ ਤੌਰ 'ਤੇ ਇਹ ਸਪਲਾਈ ਭੇਜੀ ਗਈ ਹੈ।
ਜ਼ਿਕਰਯੋਗ ਹੈ ਕਿ ਭਾਰਤ ਆਪਣੀਆਂ ਊਰਜਾ ਲੋੜਾਂ ਦਾ 85 ਫੀਸਦੀ ਤੋਂ ਵੱਧ ਕੱਚਾ ਤੇਲ ਬਾਹਰਲੇ ਦੇਸ਼ਾਂ ਤੋਂ ਮੰਗਵਾਉਂਦਾ ਹੈ, ਜਿਨ੍ਹਾਂ 'ਚੋਂ ਰੂਸ ਸਭ ਤੋਂ ਵੱਡਾ ਤੇਲ ਸਪਲਾਇਰ ਦੇਸ਼ ਹੈ। ਪਰ ਹੁਣ ਜਦੋਂ ਰੂਸ ਪੈਟਰੋਲ ਦੀ ਕਿੱਲਤ ਨਾਲ ਜੂਝ ਰਿਹਾ ਹੈ ਤਾਂ ਭਾਰਤ ਨੇ ਇਸ ਔਖ਼ੇ ਸਮੇਂ ਰੂਸ ਦਾ ਹੱਥ ਫੜਿਆ ਹੈ ਤੇ ਪੈਟਰੋਲ ਦੀ ਸਪਲਾਈ ਕੀਤੀ ਹੈ।
ਇਹ ਵੀ ਪੜ੍ਹੋ- ਭਾਰਤ ਦੀ ਸਰਹੱਦ 'ਤੇ Water Bomb ! ਵੱਡਾ ਖ਼ਤਰਾ ਬਣਿਆ ਗੁਆਂਢੀ ਮੁਲਕ ਦਾ ਇਹ ਪ੍ਰੋਜੈਕਟ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਦਿੱਲੀ ਦੇ ਲਗਜ਼ਰੀ ਹੋਟਲਾਂ 'ਚ ਨਹੀਂ ਮਿਲ ਰਹੇ ਕਮਰੇ! BRICS ਸਿਖਰ ਸੰਮੇਲਨ ਤੋਂ ਪਹਿਲਾਂ ਅਸਮਾਨੀਂ ਪੁੱਜੀਆਂ ਕੀਮਤਾਂ
NEXT STORY 
