ਬੀਜਿੰਗ: ਚੀਨ ਨੇ 58 ਬਿਲੀਅਨ ਡਾਲਰ ਦੀ ਰੇਲ ਪ੍ਰਣਾਲੀ ਦੇ ਨਾਲ ਹੁਣ ਤੱਕ ਦਾ ਸਭ ਤੋਂ ਮਹਿੰਗਾ ਬੈਲਟ ਐਂਡ ਰੋਡ ਇਨੀਸ਼ੀਏਟਿਵ ਦਾ ਪ੍ਰਸਤਾਵ ਪੇਸ਼ ਕੀਤਾ ਹੈ। ਇਹ ਰੇਲਵੇ ਸਿਸਟਮ ਪਾਕਿਸਤਾਨ ਨੂੰ ਪੱਛਮੀ ਚੀਨ ਨਾਲ ਜੋੜੇਗਾ। ਵੀਰਵਾਰ ਨੂੰ ਇਕ ਰਿਪੋਰਟ 'ਚ ਇਹ ਜਾਣਕਾਰੀ ਦਿੱਤੀ ਗਈ। ਚੀਨ ਦੇ ਇਸ ਪ੍ਰਸਤਾਵ ਦਾ ਉਦੇਸ਼ ਪੱਛਮੀ ਵਪਾਰ 'ਤੇ ਨਿਰਭਰਤਾ ਨੂੰ ਹੋਰ ਘੱਟ ਕਰਨਾ ਹੈ। ਇਹ ਪ੍ਰਾਜੈਕਟ ਨਾ ਸਿਰਫ਼ ਵਪਾਰ ਨੂੰ ਸਗੋਂ ਭੂ-ਰਾਜਨੀਤੀ ਨੂੰ ਵੀ ਨਵਾਂ ਰੂਪ ਦੇ ਸਕਦਾ ਹੈ। ਚੀਨ ਇਸਦੀ 58 ਬਿਲੀਅਨ ਡਾਲਰ ਦੀ ਲਾਗਤ ਦਾ ਸਭ ਤੋਂ ਵੱਧ ਖਰਚਾ ਚੁੱਕੇਗਾ ਕਿਉਂਕਿ ਪਾਕਿਸਤਾਨ ਗੰਭੀਰ ਆਰਥਿਕ ਸੰਕਟ ਦਾ ਸਾਹਮਣਾ ਕਰ ਰਿਹਾ ਹੈ। ਇਸ ਪ੍ਰਾਜੈਕਟ ਵਿਚ ਇੰਨਾ ਖਰਚ ਇਸ ਲਈ ਆ ਰਿਹਾ ਹੈ ਕਿਉਂਕਿ ਇੱਥੇ ਕੁਝ ਖੇਤਰ ਪਹਾੜੀ ਅਤੇ ਬਹੁਤ ਹੀ ਉੱਚੇ-ਨੀਵੇਂ ਹਨ।
ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਨੇ ਰਿਪੋਰਟ ਦਿੱਤੀ ਕਿ 57.7 ਬਿਲੀਅਨ ਡਾਲਰ ਦੀ ਯੋਜਨਾ ਦੀ ਸਮੀਖਿਆ ਚੀਨ ਦੀ ਸਰਕਾਰੀ ਮਾਲਕੀ ਵਾਲੀ ਚਾਈਨਾ ਰੇਲਵੇ ਫਸਟ ਸਰਵੇ ਐਂਡ ਡਿਜ਼ਾਈਨ ਇੰਸਟੀਚਿਊਟ ਗਰੁੱਪ ਕਾਰਪੋਰੇਸ਼ਨ ਲਿਮਟਿਡ ਦੇ ਵਿਸ਼ਲੇਸ਼ਕਾਂ ਦੁਆਰਾ ਕੀਤੀ ਗਈ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਉੱਚ ਲਾਗਤ ਦੇ ਬਾਵਜੂਦ ਇਹ ਪ੍ਰੋਜੈਕਟ ਨਿਵੇਸ਼ ਦੇ ਯੋਗ ਹੈ। ਪ੍ਰਸਤਾਵ ਦੇ ਸਮੀਖਿਆ ਬੋਰਡ ਦੇ ਅਨੁਸਾਰ 2993 ਕਿਲੋਮੀਟਰ ਰੇਲ ਪ੍ਰਣਾਲੀ ਪਾਕਿਸਤਾਨ ਦੇ ਗਵਾਦਰ ਬੰਦਰਗਾਹ ਨੂੰ ਸ਼ਿਨਜਿਆਂਗ ਉਇਗਰ ਆਟੋਨੋਮਸ ਖੇਤਰ ਦੇ ਚੀਨੀ ਸ਼ਹਿਰ ਕਸ਼ਗਰ ਨਾਲ ਜੋੜ ਦੇਵੇਗੀ।
ਪੜ੍ਹੋ ਇਹ ਅਹਿਮ ਖ਼ਬਰ-ਆਸਟ੍ਰੇਲੀਆ 'ਚ ਭਾਰਤੀਆਂ ਲਈ ਨਵੀਂ ਮੁਸੀਬਤ, ਸਖ਼ਤ ਨਿਯਮਾਂ ਦਾ ਕਰਨਾ ਪਵੇਗਾ ਸਾਹਮਣਾ
ਵਿਸ਼ਲੇਸ਼ਕਾਂ ਨੇ ਮੰਗਿਆ ਸਮਰਥਨ
ਚੀਨੀ ਵਿਸ਼ਲੇਸ਼ਕਾਂ ਦੀ ਟੀਮ ਨੇ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਚੀਨੀ ਮੈਗਜ਼ੀਨ ਰੇਲਵੇ ਟ੍ਰਾਂਸਪੋਰਟ ਅਤੇ ਆਰਥਿਕਤਾ ਵਿੱਚ ਇੱਕ ਰਿਪੋਰਟ ਪ੍ਰਕਾਸ਼ਿਤ ਕੀਤੀ ਸੀ। ਇਸ ਰਿਪੋਰਟ ਵਿੱਚ ਕਿਹਾ ਗਿਆ ਕਿ 'ਸਰਕਾਰ ਅਤੇ ਵਿੱਤੀ ਸੰਸਥਾਵਾਂ ਨੂੰ ਇਸ ਪ੍ਰੋਜੈਕਟ ਲਈ ਮਜ਼ਬੂਤ ਸਹਿਯੋਗ ਦੇਣਾ ਚਾਹੀਦਾ ਹੈ।' ਰਿਪੋਰਟ ਵਿੱਚ ਰੇਲਵੇ ਪ੍ਰੋਜੈਕਟ ਲਈ ਘਰੇਲੂ ਵਿਭਾਗਾਂ ਵਿਚਕਾਰ ਤਾਲਮੇਲ ਅਤੇ ਸਹਿਯੋਗ ਵਧਾਉਣ, ਫੰਡ ਦੇਣ ਲਈ ਯਤਨ ਤੇਜ਼ ਕਰਨ ਅਤੇ ਇਸ ਦੇ ਨਿਰਮਾਣ ਲਈ ਮਜ਼ਬੂਤ ਨੀਤੀਗਤ ਸਹਾਇਤਾ ਅਤੇ ਗਾਰੰਟੀ ਪ੍ਰਦਾਨ ਕਰਨ ਲਈ ਕਿਹਾ ਗਿਆ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਈਰਾਨ ਨੇ ਓਮਾਨ ਨੇੜੇ ਤੇਲ ਟੈਂਕਰ ਕੀਤਾ ਜ਼ਬਤ, ਚਾਲਕ ਦਲ ਦੇ ਸਾਰੇ 24 ਮੈਂਬਰ ਭਾਰਤੀ
ਤੁਰਕੀ ਅਤੇ ਈਰਾਨ ਪਹੁੰਚ ਸਕਦੀ ਹੈ ਚੀਨ ਦੀ ਰੇਲਗੱਡੀ
ਇਹ ਰੇਲਵੇ ਸਿਸਟਮ ਚੀਨ ਨੂੰ ਅਰਬ ਸਾਗਰ ਨਾਲ ਜੋੜੇਗਾ ਅਤੇ ਇਸ ਲਈ ਹੋਰ ਵਪਾਰਕ ਰਸਤੇ ਖੋਲ੍ਹੇਗਾ। ਜਿਵੇਂ ਕਿ ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਦੀ ਰਿਪੋਰਟ ਹੈ, ਇਹ ਭਵਿੱਖ ਵਿੱਚ ਕਈ ਹੋਰ ਰੇਲਵੇ ਪ੍ਰਣਾਲੀਆਂ ਨੂੰ ਉਤਸ਼ਾਹਿਤ ਕਰ ਸਕਦਾ ਹੈ ਜੋ ਚੀਨ ਨੂੰ ਤੁਰਕੀ ਅਤੇ ਈਰਾਨ ਨਾਲ ਜੋੜ ਸਕਦੇ ਹਨ। ਵਪਾਰ ਮਾਰਗ ਚੀਨ ਦੀ ਬੈਲਟ ਐਂਡ ਰੋਡ ਇਨੀਸ਼ੀਏਟਿਵ ਦਾ ਸਿਰਫ਼ ਇੱਕ ਛੋਟਾ ਜਿਹਾ ਹਿੱਸਾ ਹੈ, ਜਿਸਦਾ ਉਦੇਸ਼ ਚੀਨ ਨੂੰ 'ਵਿਸ਼ਵ ਮਹਾਂਸ਼ਕਤੀ' ਅਤੇ ਵਪਾਰ ਵਿੱਚ ਵਿਸ਼ਵ ਸਰਵਉੱਚਤਾ ਦੇ ਰੂਪ ਵਿੱਚ ਮਜ਼ਬੂਤ ਕਰਨਾ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਪਰਬਤਾਰੋਹੀ ਅਰਜੁਨ ਵਾਜਪਾਈ ਨੇ ਚਮਕਾਇਆ ਭਾਰਤ ਦਾ ਨਾਂ, ਕਾਇਮ ਕੀਤੀ ਹੌਂਸਲੇ ਦੀ ਮਿਸਾਲ
NEXT STORY 
