ਬੀਜਿੰਗ (ਭਾਸ਼ਾ)- ਚੀਨ ਨੇ ਅੰਟਾਰਕਟਿਕਾ ਵਿੱਚ ਇੱਕ ਨਵਾਂ ਟੈਲੀਸਕੋਪ ਸਥਾਪਤ ਕੀਤਾ ਹੈ ਜਿੱਥੇ ਇਸਦੇ ਪੰਜ ਖੋਜ ਕੇਂਦਰ ਹਨ। ਇਸ ਨਾਲ ਇਸ ਬਰਫੀਲੇ ਅਤੇ ਸਰੋਤਾਂ ਨਾਲ ਭਰਪੂਰ ਦੱਖਣੀ ਮਹਾਂਦੀਪ ਵਿੱਚ ਚੀਨ ਦੀ ਮੌਜੂਦਗੀ ਮਜ਼ਬੂਤ ਹੋਈ ਹੈ। ਸਰਕਾਰੀ ਸ਼ਿਨਹੂਆ ਸਮਾਚਾਰ ਏਜੰਸੀ ਨੇ ਸੋਮਵਾਰ ਨੂੰ ਦੱਸਿਆ ਕਿ ਅੰਟਾਰਕਟਿਕਾ ਸਥਿਤ ਇੱਕ ਵਿਗਿਆਨਕ ਖੋਜ ਕੇਂਦਰ ਵਿਚ 3.2 ਮੀਟਰ ਅਪਰਚਰ ਰੇਡੀਓ/ਮਿਲੀਮੀਟਰ-ਵੇਵ ਟੈਲੀਸਕੋਪ 'ਥ੍ਰੀ ਗੋਰਜਸ ਅੰਟਾਰਕਟਿਕ ਆਈ ਦਾ ਉਦਘਾਟਨ ਕੀਤਾ ਗਿਆ।
ਪੜ੍ਹੋ ਇਹ ਅਹਿਮ ਖ਼ਬਰ-ਚੀਨ ਨੇ ਅਮਰੀਕਾ 'ਤੇ ਆਰਥਿਕ ਧੱਕੇਸ਼ਾਹੀ ਕਰਨ ਦਾ ਲਗਾਇਆ ਦੋਸ਼
ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਚਾਈਨਾ ਥ੍ਰੀ ਗੋਰਜਸ ਯੂਨੀਵਰਸਿਟੀ (ਸੀ.ਟੀ.ਜੀ.ਯੂ) ਅਤੇ ਸ਼ੰਘਾਈ ਨਾਰਮਲ ਯੂਨੀਵਰਸਿਟੀ (ਐਸ.ਐਚ.ਐਨ.ਯੂ) ਦੁਆਰਾ ਸਾਂਝੇ ਤੌਰ 'ਤੇ ਵਿਕਸਤ ਕੀਤੇ ਗਏ ਟੈਲੀਸਕੋਪ ਨੇ ਅੰਟਾਰਕਟਿਕ ਖਗੋਲ ਵਿਗਿਆਨ ਵਿੱਚ ਚੀਨ ਦੀ ਤਰੱਕੀ ਨੂੰ ਹੋਰ ਮਜ਼ਬੂਤ ਕੀਤਾ ਹੈ। ਅਧਿਕਾਰਤ ਰਿਪੋਰਟਾਂ ਅਨੁਸਾਰ ਪਿਛਲੇ ਸਾਲ ਚੀਨ ਨੇ ਅੰਟਾਰਕਟਿਕ ਵਿੱਚ ਆਪਣਾ ਪੰਜਵਾਂ ਖੋਜ ਸਟੇਸ਼ਨ ਚਲਾਉਣਾ ਸ਼ੁਰੂ ਕੀਤਾ, ਜੋ ਕਿ 5,244 ਵਰਗ ਮੀਟਰ ਦੇ ਖੇਤਰ ਨੂੰ ਕਵਰ ਕਰਦਾ ਹੈ ਅਤੇ ਗਰਮੀਆਂ ਦੌਰਾਨ 80 ਮੁਹਿੰਮ ਮੈਂਬਰਾਂ ਅਤੇ ਸਰਦੀਆਂ ਵਿੱਚ 30 ਮੈਂਬਰਾਂ ਦੀ ਸਹਾਇਤਾ ਲਈ ਸਹੂਲਤਾਂ ਰੱਖਦਾ ਹੈ। ਵਰਤਮਾਨ ਵਿੱਚ ਅੰਟਾਰਕਟਿਕ ਵਿੱਚ 70 ਸਥਾਈ ਖੋਜ ਸਟੇਸ਼ਨ ਹਨ, ਜੋ ਧਰਤੀ ਦੇ ਹਰ ਮਹਾਂਦੀਪ ਦੇ 29 ਦੇਸ਼ਾਂ ਦੀ ਨੁਮਾਇੰਦਗੀ ਕਰਦੇ ਹਨ। ਭਾਰਤ ਦੇ ਅੰਟਾਰਕਟਿਕਾ ਵਿੱਚ ਦੋ ਸਰਗਰਮ ਖੋਜ ਸਟੇਸ਼ਨ- 'ਮੈਤਰੀ' ਅਤੇ 'ਭਾਰਤੀ' ਹਨ। ਇਸ ਖੇਤਰ ਵਿੱਚ ਅਮਰੀਕਾ ਦੇ ਛੇ ਅਤੇ ਆਸਟ੍ਰੇਲੀਆ ਦੇ ਤਿੰਨ ਸਟੇਸ਼ਨ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।
ਸਾਊਦੀ ਸਰਕਾਰ ਦੀ ਵੱਡੀ ਕਾਰਵਾਈ, 18 ਹਜ਼ਾਰ ਵਿਦੇਸ਼ੀਆਂ ਨੂੰ ਕੀਤਾ ਗ੍ਰਿਫ਼ਤਾਰ
NEXT STORY 
