ਸਪੋਰਟਸ ਡੈਸਕ- ਇੰਡੀਅਨ ਪ੍ਰੀਮੀਅਰ ਲੀਗ (IPL) ਦੇ 19ਵੇਂ ਸੀਜ਼ਨ ਦੇ ਸ਼ੁਰੂ ਹੋਣ ਤੋਂ ਪਹਿਲਾਂ ਕ੍ਰਿਕਟ ਜਗਤ ਵਿੱਚ ਇੱਕ ਵੱਡਾ ਉਲਟਫੇਰ ਦੇਖਣ ਨੂੰ ਮਿਲਿਆ ਹੈ। ਆਈਪੀਐਲ ਫਰੈਂਚਾਈਜ਼ੀ ਰਾਜਸਥਾਨ ਰਾਇਲਜ਼ ਦੇ ਮਾਲਕੀ ਹੱਕਾਂ ਨੂੰ ਲੈ ਕੇ ਚੱਲ ਰਹੀ ਦੌੜ ਹੁਣ ਖ਼ਤਮ ਹੋ ਗਈ ਹੈ ਅਤੇ ਅਮਰੀਕਾ ਦੇ ਦਿੱਗਜ ਕਾਰੋਬਾਰੀ ਕਾਲ ਸੋਮਾਨੀ ਨੇ ਇਸ ਟੀਮ ਨੂੰ ਖਰੀਦ ਲਿਆ ਹੈ।
ਬਣੀ ਦੁਨੀਆ ਦੀ ਸਭ ਤੋਂ ਮਹਿੰਗੀ ਫਰੈਂਚਾਈਜ਼ੀ
ਰਿਪੋਰਟਾਂ ਅਨੁਸਾਰ, ਕਾਲ ਸੋਮਾਨੀ ਦੇ ਕੰਸੋਰਟੀਅਮ ਨੇ ਰਾਜਸਥਾਨ ਰਾਇਲਜ਼ ਦੀ 100 ਫੀਸਦੀ ਹਿੱਸੇਦਾਰੀ ਲਗਭਗ 1.63 ਬਿਲੀਅਨ ਡਾਲਰ (ਕਰੀਬ 1,52,81,60,86,000 ਰੁਪਏ) ਦੀ ਭਾਰੀ ਕੀਮਤ 'ਤੇ ਖਰੀਦੀ ਹੈ। ਇਸ ਇਤਿਹਾਸਕ ਸੌਦੇ ਦੇ ਨਾਲ ਹੀ ਰਾਜਸਥਾਨ ਰਾਇਲਜ਼ ਹੁਣ ਦੁਨੀਆ ਦੀ ਸਭ ਤੋਂ ਮਹਿੰਗੀ ਫਰੈਂਚਾਈਜ਼ੀ ਬਣ ਗਈ ਹੈ।
ਇਹ ਵੀ ਪੜ੍ਹੋ- 'ਪਾਕਿਸਤਾਨ 'ਚ ਖੇਡਣ ਆਏ ਤਾਂ ਜਾਨੋਂ ਮਾਰ ਦੇਵਾਂਗੇ', PSL ਤੋਂ ਪਹਿਲਾਂ ਇਨ੍ਹਾਂ ਦਿੱਗਜਾਂ ਨੂੰ ਮਿਲੀ ਖੁੱਲ੍ਹੀ ਧਮਕੀ
ਦੱਸ ਦੇਈਏ ਕਿ ਕਾਲ ਸੋਮਾਨੀ IntraEdge, Academian ਅਤੇ Truyo.AI ਦੇ ਸੰਸਥਾਪਕ ਹਨ ਅਤੇ ਇਸ ਖਰੀਦ ਵਿੱਚ ਉਨ੍ਹਾਂ ਨੂੰ ਵਾਲਮਾਰਟ ਫੈਮਲੀ ਨਾਲ ਜੁੜੇ ਰੌਬ ਵਾਲਟਨ ਅਤੇ ਹੈਂਪ ਪਰਿਵਾਰ (ਡੀਟ੍ਰਾਯਟ ਲਾਇਨਜ਼ ਦੇ ਮਾਲਕ) ਦਾ ਵੀ ਸਮਰਥਨ ਹਾਸਲ ਹੈ।
ਨਵੀਂ ਮਾਲਕੀ ਦੇ ਜਸ਼ਨਾਂ ਦੇ ਵਿਚਕਾਰ ਟੀਮ ਨੂੰ ਮੈਦਾਨੀ ਮੋਰਚੇ 'ਤੇ ਇੱਕ ਵੱਡਾ ਝਟਕਾ ਲੱਗਾ ਹੈ। ਇੰਗਲੈਂਡ ਦੇ ਸਟਾਰ ਆਲਰਾਊਂਡਰ ਸੈਮ ਕਰਨ ਸੱਟ ਕਾਰਨ IPL 2026 ਤੋਂ ਬਾਹਰ ਹੋ ਗਏ ਹਨ। ਉਨ੍ਹਾਂ ਦੀ ਜਗ੍ਹਾ ਸ਼੍ਰੀਲੰਕਾ ਦੇ ਟੀ-20 ਕਪਤਾਨ ਦਾਸੁਨ ਸ਼ਨਾਕਾ ਨੂੰ 2 ਕਰੋੜ ਰੁਪਏ ਵਿੱਚ ਰਿਪਲੇਸਮੈਂਟ ਵਜੋਂ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਹੈੱਡ ਕੋਚ ਕੁਮਾਰ ਸੰਗਾਕਾਰਾ ਨੇ ਕਿਹਾ ਕਿ ਸੈਮ ਕਰਨ ਦਾ ਬਾਹਰ ਹੋਣਾ ਟੀਮ ਲਈ ਵੱਡਾ ਨੁਕਸਾਨ ਹੈ ਪਰ ਸ਼ਨਾਕਾ ਟੀਮ ਦਾ ਸੰਤੁਲਨ ਬਣਾਉਣ ਵਿੱਚ ਮਦਦ ਕਰਨਗੇ।
ਇਹ ਵੀ ਪੜ੍ਹੋ- BCCI ਤੋਂ ਨਾਰਾਜ਼ ਹੋ ਕੇ ਦਿੱਗਜ ਕ੍ਰਿਕਟਰ ਨੇ ਛੱਡੀ ਕਮੈਂਟਰੀ, ਲਾਏ ਗੰਭੀਰ ਦੋਸ਼
ਇਹ ਵੀ ਪੜ੍ਹੋ- IPL ਸ਼ੁਰੂ ਹੋਣ ਤੋਂ ਪਹਿਲਾਂ ਬਦਲ ਗਿਆ ਕਪਤਾਨ, ਧਾਕੜ ਖਿਡਾਰੀ ਨੂੰ ਸੌਂਪੀ ਗਈ ਟੀਮ ਦੀ ਕਮਾਨ
ਨਵੇਂ ਕਪਤਾਨ ਰਿਆਨ ਪਰਾਗ ਦੀ ਅਗਵਾਈ 'ਚ ਉਤਰੇਗੀ ਟੀਮ
ਰਾਜਸਥਾਨ ਰਾਇਲਜ਼ ਇਸ ਸੀਜ਼ਨ ਵਿੱਚ ਆਪਣੇ ਨਵੇਂ ਕਪਤਾਨ ਰਿਆਨ ਪਰਾਗ ਦੀ ਅਗਵਾਈ ਵਿੱਚ ਮੈਦਾਨ ਵਿੱਚ ਉਤਰੇਗੀ। ਹਾਲਾਂਕਿ ਮਾਲਕੀ ਵਿੱਚ ਬਦਲਾਅ ਦਾ ਅਸਰ IPL 2026 ਤੋਂ ਬਾਅਦ ਦੇਖਣ ਨੂੰ ਮਿਲੇਗਾ ਪਰ ਟੀਮ ਦਾ ਪੂਰਾ ਧਿਆਨ ਇਸ ਵੇਲੇ ਪ੍ਰਦਰਸ਼ਨ 'ਤੇ ਹੈ। ਟੀਮ ਆਪਣਾ ਪਹਿਲਾ ਮੁਕਾਬਲਾ 30 ਮਾਰਚ ਨੂੰ ਗੁਵਾਹਾਟੀ ਵਿੱਚ ਚੇਨਈ ਸੁਪਰ ਕਿੰਗਜ਼ (CSK) ਵਿਰੁੱਧ ਖੇਡੇਗੀ।
ਜ਼ਿਕਰਯੋਗ ਹੈ ਕਿ ਰਾਜਸਥਾਨ ਰਾਇਲਜ਼ ਨੇ ਸਾਲ 2008 ਵਿੱਚ ਸ਼ੇਨ ਵਾਰਨ ਦੀ ਕਪਤਾਨੀ ਵਿੱਚ ਪਹਿਲਾ IPL ਖਿਤਾਬ ਜਿੱਤਿਆ ਸੀ ਅਤੇ 2022 ਵਿੱਚ ਟੀਮ ਫਾਈਨਲ ਤੱਕ ਪਹੁੰਚੀ ਸੀ।
ਇਹ ਵੀ ਪੜ੍ਹੋ- T20 ਵਿਸ਼ਵ ਕੱਪ ਜਿੱਤਣ ਵਾਲੀ TEAM INDIA ਦੇ ਖਿਡਾਰੀਆਂ ਦਾ ICC ਨੇ ਕੀਤਾ 'ਅਪਮਾਨ'!
ਇੰਗਲੈਂਡ ਦੀ ਫੁੱਟਬਾਲ ਟੀਮ 'ਚ ਹਾਰਵੇ ਬਾਰਨਜ਼ ਦੀ ਵਾਪਸੀ, ਜ਼ਖ਼ਮੀ ਏਜ਼ੇ ਦੀ ਲੈਣਗੇ ਜਗ੍ਹਾ
NEXT STORY 
