ਵੈੱਬ ਡੈਸਕ- ਦੁਨੀਆ ਭਰ ਦੇ ਸਾਰੇ ਦੇਸ਼ਾਂ ਦੇ ਨਾਗਰਿਕਤਾ ਪ੍ਰਾਪਤ ਕਰਨ ਲਈ ਆਪਣੇ ਨਿਯਮ ਹਨ। ਅਮਰੀਕਾ, ਬ੍ਰਿਟੇਨ ਵਰਗੇ ਕਈ ਦੇਸ਼ਾਂ ’ਚ ਬਹੁਤ ਸਖ਼ਤ ਨਿਯਮ ਹਨ ਅਤੇ ਨਾਗਰਿਕਤਾ ਪ੍ਰਾਪਤ ਕਰਨ ਲਈ ਪੈਸਾ ਖਰਚ ਕਰਨਾ ਪੈਂਦਾ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਦੁਨੀਆ ਭਰ ’ਚ ਬਹੁਤ ਸਾਰੇ ਦੇਸ਼ ਹਨ ਜੋ ਮੁਫਤ ’ਚ ਨਾਗਰਿਕਤਾ ਪ੍ਰਦਾਨ ਕਰਦੇ ਹਨ ਅਤੇ ਇਸ ਦੇ ਨਾਲ ਪੈਸੇ ਵੀ ਦਿੰਦੇ ਹਨ। ਅੱਜ ਅਸੀਂ ਤੁਹਾਨੂੰ ਇਕ ਅਜਿਹੇ ਦੇਸ਼ ਬਾਰੇ ਦੱਸਣ ਜਾ ਰਹੇ ਹਾਂ।
ਅਮਰੀਕੀ ਨਾਗਰਿਕਤਾ?
ਅਮਰੀਕਾ ’ਚ ਨਾਗਰਿਕਤਾ ਪ੍ਰਾਪਤ ਕਰਨਾ ਦੁਨੀਆ ਦਾ ਸਭ ਤੋਂ ਔਖਾ ਕੰਮ ਮੰਨਿਆ ਜਾਂਦਾ ਹੈ ਪਰ ਹੁਣ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਅਮੀਰਾਂ ਲਈ ਅਮਰੀਕਾ ਦੇ ਦਰਵਾਜ਼ੇ ਖੋਲ੍ਹ ਦਿੱਤੇ ਹਨ। ਦਰਅਸਲ, ਟਰੰਪ ਨੇ ‘ਟਰੰਪ ਗੋਲਡ ਕਾਰਡ’ (Trump Gold Card) ਜਾਰੀ ਕੀਤਾ ਹੈ, ਜਿਸ ਰਾਹੀਂ ਕੋਈ ਵੀ ਨਾਗਰਿਕ 50 ਲੱਖ ਡਾਲਰ ਯਾਨੀ 43 ਕਰੋੜ ਰੁਪਏ ਦਾ ਭੁਗਤਾਨ ਕਰਕੇ ਅਮਰੀਕੀ ਨਾਗਰਿਕਤਾ ਪ੍ਰਾਪਤ ਕਰ ਸਕਦਾ ਹੈ। ਹਾਲਾਂਕਿ, ਇਹ ਅਮਰੀਕਾ ’ਚ ਪਹਿਲੀ ਵਾਰ ਨਹੀਂ ਹੋ ਰਿਹਾ ਹੈ। ਪਹਿਲਾਂ ਵੀ ਅਮਰੀਕਾ ’ਚ ਪੈਸੇ ਦੇ ਕੇ ਨਾਗਰਿਕਤਾ ਖਰੀਦਣ ਦਾ ਇਕ ਸਿਸਟਮ ਸੀ, ਜਿਸਨੂੰ EB-5 ਵੀਜ਼ਾ ਕਿਹਾ ਜਾਂਦਾ ਸੀ। ਪਹਿਲਾਂ ਘੱਟੋ-ਘੱਟ 10 ਲੱਖ ਡਾਲਰ ਦੇ ਕੇ ਨਾਗਰਿਕਤਾ ਪ੍ਰਾਪਤ ਕੀਤੀ ਜਾਂਦੀ ਸੀ ਪਰ ਹੁਣ ਗੋਲਡ ਕਾਰਡ ਦੇ ਆਉਣ ਤੋਂ ਬਾਅਦ, ਸਰਕਾਰ ਇਸਨੂੰ ਖਤਮ ਕਰ ਸਕਦੀ ਹੈ। ਰਿਪੋਰਟਾਂ ਅਨੁਸਾਰ, ਗੋਲਡ ਕਾਰਡ ਯੋਜਨਾ ਅਪ੍ਰੈਲ ਤੋਂ ਸ਼ੁਰੂ ਹੋਵੇਗੀ।
ਇਨ੍ਹਾਂ ਦੇਸ਼ਾਂ ’ਚ ਨਾਗਰਿਕਤਾ ਮੁਫ਼ਤ ਮਿਲਦੀ ਹੈ
ਟੁਲਸਾ, ਓਕਲਾਹੋਮਾ ’ਚ, ਨਾਗਰਿਕ ਮੁਫ਼ਤ ’ਚ ਨਾਗਰਿਕਤਾ ਪ੍ਰਾਪਤ ਕਰ ਸਕਦੇ ਹਨ ਕਿਉਂਕਿ ਟੁਲਸਾਸ਼ਹਿਰ ਦੂਰ-ਦੁਰਾਡੇ ਕਾਮਿਆਂ ਦੀ ਭਾਲ ਕਰ ਰਿਹਾ ਹੈ। ਇੰਨਾ ਹੀ ਨਹੀਂ, ਇਹ ਆਪਣੇ ਭਾਈਚਾਰੇ ’ਚ ਸ਼ਾਮਲ ਹੋਣ ਲਈ 10 ਹਜ਼ਾਰ ਡਾਲਰ ਯਾਨੀ 8 ਲੱਖ ਰੁਪਏ ਵੀ ਦੇ ਰਿਹਾ ਹੈ ਪਰ ਇਸਦੇ ਲਈ ਕੁਝ ਸ਼ਰਤਾਂ ਹਨ, ਜਿਨ੍ਹਾਂ ਅਨੁਸਾਰ ਉਮਰ ਘੱਟੋ-ਘੱਟ 18 ਸਾਲ ਹੋਣੀ ਚਾਹੀਦੀ ਹੈ। ਇਸ ਤੋਂ ਇਲਾਵਾ, ਤੁਹਾਡੇ ਕੋਲ ਓਕਲਾਹੋਮਾ ਤੋਂ ਬਾਹਰ ਇਕ ਪੂਰਾ ਸਮਾਂ ਨੌਕਰੀ ਜਾਂ ਕਾਰੋਬਾਰ ਹੋਣਾ ਚਾਹੀਦਾ ਹੈ। ਅਮਰੀਕਾ ’ਚ ਕੰਮ ਕਰਨ ਲਈ ਯੋਗਤਾ ਹੋਣੀ ਚਾਹੀਦੀ ਹੈ। ਸਵਿਟਜ਼ਰਲੈਂਡ ਦਾ ਅਲਬਾਨੀਆ ਸ਼ਹਿਰ ਲੋਕਾਂ ਨੂੰ ਉੱਥੇ ਵਸਣ ਲਈ ਸੱਦਾ ਦੇ ਰਿਹਾ ਹੈ। ਇੰਨਾ ਹੀ ਨਹੀਂ, ਇੱਥੇ ਵਸਣ ਵਾਲੇ ਨੌਜਵਾਨਾਂ ਨੂੰ 20 ਹਜ਼ਾਰ ਫਰੈਂਕ ਯਾਨੀ 20 ਲੱਖ ਰੁਪਏ ਦਿੱਤੇ ਜਾ ਰਹੇ ਹਨ। ਇਸ ਤੋਂ ਇਲਾਵਾ ਬੱਚਿਆਂ ਨੂੰ 10 ਹਜ਼ਾਰ ਫਰੈਂਕ ਯਾਨੀ 8 ਲੱਖ ਰੁਪਏ ਦਿੱਤੇ ਜਾ ਰਹੇ ਹਨ। ਪਰ ਇੱਥੇ ਰਹਿਣ ਲਈ ਵੀ ਸ਼ਰਤਾਂ ਹਨ। ਸ਼ਰਤ ਅਨੁਸਾਰ, ਤੁਹਾਨੂੰ ਇੱਥੇ 10 ਸਾਲ ਰਹਿਣਾ ਪਵੇਗਾ।
ਕੈਨੇਡਾ 'ਚ ਪੰਜਾਬੀਆਂ ਦੀ ਬੱਲੇ-ਬੱਲੇ, ਓਂਟਾਰੀਓ ਅਸੈਂਬਲੀ ਚੋਣਾਂ 'ਚ ਦਰਜ ਕੀਤੀ ਜਿੱਤ
NEXT STORY 
