ਵਾਸ਼ਿੰਗਟਨ/ਤੇਹਰਾਨ (ਏ.ਐੱਨ.ਆਈ): ਅਮਰੀਕਾ, ਈਰਾਨ ਅਤੇ ਇਜ਼ਰਾਈਲ ਵਿਚਾਲੇ ਹੋਈ ਅਸਥਿਰ ਜੰਗਬੰਦੀ ਦੇ ਐਲਾਨ ਦੇ ਬਾਵਜੂਦ ਡਿਜੀਟਲ ਮੋਰਚੇ 'ਤੇ ਤਣਾਅ ਘੱਟ ਹੁੰਦਾ ਨਜ਼ਰ ਨਹੀਂ ਆ ਰਿਹਾ। ਈਰਾਨ ਨਾਲ ਸਬੰਧਤ ਹੈਕਰਾਂ ਨੇ ਚੇਤਾਵਨੀ ਦਿੱਤੀ ਹੈ ਕਿ ਉਹ ਆਪਣੇ ਜਵਾਬੀ ਸਾਈਬਰ ਹਮਲੇ ਜਾਰੀ ਰੱਖਣਗੇ ਅਤੇ ਇਹ ਜੰਗਬੰਦੀ ਉਨ੍ਹਾਂ ਦੀਆਂ ਗਤੀਵਿਧੀਆਂ ਨੂੰ ਰੋਕਣ ਵਿੱਚ ਅਸਫਲ ਰਹੇਗੀ।
'ਹੰਡਾਲਾ' ਦਾ ਇਜ਼ਰਾਈਲ 'ਤੇ ਨਿਸ਼ਾਨਾ
'ਹੰਡਾਲਾ' ਨਾਮਕ ਇੱਕ ਪ੍ਰਮੁੱਖ ਹੈਕਰ ਸਮੂਹ, ਜੋ ਈਰਾਨ ਪੱਖੀ ਨੈੱਟਵਰਕ ਵਜੋਂ ਸੁਤੰਤਰ ਤੌਰ 'ਤੇ ਕੰਮ ਕਰਦਾ ਹੈ, ਨੇ ਐਲਾਨ ਕੀਤਾ ਹੈ ਕਿ ਉਹ ਅਮਰੀਕਾ 'ਤੇ ਹਮਲੇ ਕੁਝ ਸਮੇਂ ਲਈ ਮੁਲਤਵੀ ਕਰ ਰਿਹਾ ਹੈ ਪਰ ਇਜ਼ਰਾਈਲ ਨੂੰ ਨਿਸ਼ਾਨਾ ਬਣਾਉਣਾ ਜਾਰੀ ਰੱਖੇਗਾ। ਸਮੂਹ ਨੇ ਸੋਸ਼ਲ ਮੀਡੀਆ 'ਤੇ ਲਿਖਿਆ ਹੈ ਕਿ ਸਾਈਬਰ ਜੰਗ ਫੌਜੀ ਟਕਰਾਅ ਦੇ ਨਾਲ ਸ਼ੁਰੂ ਨਹੀਂ ਹੋਈ ਸੀ ਅਤੇ ਨਾ ਹੀ ਇਹ ਕਿਸੇ ਫੌਜੀ ਜੰਗਬੰਦੀ ਨਾਲ ਖ਼ਤਮ ਹੋਵੇਗੀ। ਹੰਡਾਲਾ ਨੇ ਪਿਛਲੇ ਮਹੀਨੇ ਮਿਸ਼ੀਗਨ ਵਿੱਚ ਸਥਿਤ ਇੱਕ ਪ੍ਰਮੁੱਖ ਮੈਡੀਕਲ ਉਪਕਰਣ ਸਪਲਾਈ ਕੰਪਨੀ, ਸਟ੍ਰਾਈਕਰ ਨੂੰ ਹੈਕ ਕਰਨ ਦੀ ਜ਼ਿੰਮੇਵਾਰੀ ਲਈ ਸੀ। ਹੰਡਾਲਾ ਨੇ ਦਾਅਵਾ ਕੀਤਾ ਕਿ ਹੈਕ ਈਰਾਨੀ ਸਕੂਲੀ ਬੱਚਿਆਂ ਨੂੰ ਮਾਰਨ ਵਾਲੇ ਹਮਲਿਆਂ ਦਾ ਬਦਲਾ ਲੈਣ ਲਈ ਸੀ।
ਅਮਰੀਕੀ ਏਜੰਸੀਆਂ ਨੇ ਜਾਰੀ ਕੀਤਾ ਅਲਰਟ
FBI, ਰਾਸ਼ਟਰੀ ਸੁਰੱਖਿਆ ਏਜੰਸੀ (NSA) ਅਤੇ ਸਾਈਬਰ ਸੁਰੱਖਿਆ ਏਜੰਸੀ (CISA) ਨੇ ਇੱਕ ਸਾਂਝੀ ਐਡਵਾਈਜ਼ਰੀ ਜਾਰੀ ਕਰਦਿਆਂ ਦੱਸਿਆ ਹੈ ਕਿ ਹੈਕਰਾਂ ਨੇ ਬੰਦਰਗਾਹਾਂ, ਬਿਜਲੀ ਘਰਾਂ ਅਤੇ ਪਾਣੀ ਦੇ ਪਲਾਂਟਾਂ ਵਰਗੇ ਮਹੱਤਵਪੂਰਨ ਉਦਯੋਗਿਕ ਖੇਤਰਾਂ ਦੇ ਕੰਪਿਊਟਰ ਸਿਸਟਮਾਂ ਵਿੱਚ ਸੰਨ੍ਹ ਲਗਾ ਲਈ ਹੈ। ਸਾਈਬਰ ਸੁਰੱਖਿਆ ਮਾਹਰਾਂ ਅਨੁਸਾਰ ਜੰਗਬੰਦੀ ਤੋਂ ਬਾਅਦ ਅਮਰੀਕੀ ਸੰਗਠਨਾਂ 'ਤੇ ਹਮਲਿਆਂ ਵਿੱਚ ਕਮੀ ਆਉਣ ਦੀ ਬਜਾਏ ਵਾਧਾ ਹੋ ਸਕਦਾ ਹੈ, ਕਿਉਂਕਿ ਹੈਕਰ ਹੁਣ ਖੇਤਰੀ ਨਿਸ਼ਾਨਿਆਂ ਤੋਂ ਹਟ ਕੇ ਅਮਰੀਕੀ ਡਾਟਾ ਸੈਂਟਰਾਂ, ਤਕਨੀਕੀ ਕੰਪਨੀਆਂ ਅਤੇ ਰੱਖਿਆ ਠੇਕੇਦਾਰਾਂ ਵੱਲ ਧਿਆਨ ਮੋੜ ਸਕਦੇ ਹਨ।
FBI ਡਾਇਰੈਕਟਰ ਦਾ ਨਿੱਜੀ ਈਮੇਲ ਵੀ ਹੋ ਚੁੱਕਾ ਹੈ ਹੈਕ
ਹੰਡਾਲਾ ਸਮੂਹ ਪਹਿਲਾਂ ਵੀ ਅਮਰੀਕੀ ਮੈਡੀਕਲ ਨਿਰਮਾਤਾ 'ਸਟ੍ਰਾਈਕਰ' (Stryker) ਦੇ ਕੰਮਕਾਜ ਵਿੱਚ ਵਿਘਨ ਪਾਉਣ ਅਤੇ FBI ਡਾਇਰੈਕਟਰ ਕਾਸ਼ ਪਟੇਲ ਦੇ ਨਿੱਜੀ ਈਮੇਲ ਖਾਤੇ ਨੂੰ ਹੈਕ ਕਰਨ ਦਾ ਦਾਅਵਾ ਕਰ ਚੁੱਕਾ ਹੈ। ਈਰਾਨ-ਪੱਖੀ ਹੋਰ ਹੈਕਰਾਂ ਨੂੰ ਇਜ਼ਰਾਈਲੀਆਂ ਦੇ ਫੋਨਾਂ 'ਤੇ ਮਾਲਵੇਅਰ ਸਥਾਪਤ ਕਰਨ, ਮੱਧ ਪੂਰਬੀ ਦੇਸ਼ਾਂ ਵਿੱਚ ਕੈਮਰਿਆਂ ਵਿਚ ਸੰਨ੍ਹ ਲਗਾ ਕੇ ਈਰਾਨ ਦੇ ਮਿਜ਼ਾਈਲ ਨਿਸ਼ਾਨਾ ਬਣਾਉਣ ਨੂੰ ਬਿਹਤਰ ਬਣਾਉਣ ਲਈ ਅਤੇ ਇਜ਼ਰਾਈਲ, ਸਾਊਦੀ ਅਰਬ ਅਤੇ ਕੁਵੈਤ ਵਿੱਚ ਡੇਟਾ ਸੈਂਟਰਾਂ ਅਤੇ ਉਦਯੋਗਿਕ ਸਹੂਲਤਾਂ ਨੂੰ ਨਿਸ਼ਾਨਾ ਬਣਾਉਣ ਦੀਆਂ ਕੋਸ਼ਿਸ਼ਾਂ ਨਾਲ ਜੋੜਿਆ ਗਿਆ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਜੰਗਬੰਦੀ ਹੁੰਦਿਆਂ ਹੀ ਬਦਲ ਗਏ ਟਰੰਪ ਦੇ ਤੇਵਰ ! ਹੁਣ NATO ਨੂੰ ਦਿਖਾਉਣ ਲੱਗੇ 'ਅੱਖਾਂ'
NEXT STORY 
