ਇੰਟਰਨੈਸ਼ਨਲ ਡੈਸਕ- ਸਕਾਟਲੈਂਡ ਦੇ ਮੁੱਖ ਸ਼ਹਿਰ ਗਲਾਸਗੋ, ਜਿੱਥੇ 2026 ਦੀਆਂ ਕਾਮਨਵੈਲਥ ਖੇਡਾਂ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ, ਉੱਥੇ ਹੀ ਇੱਥੋਂ ਦੇ ਅਸਮਾਨ 'ਚ ਇਕ ਅਜਿਹਾ ਨਜ਼ਾਰਾ ਦਿਖਿਆ ਹੈ, ਜਿਸ ਨੂੰ ਦੇਖ ਕੇ ਹਰ ਕੋਈ ਦੰਗ ਰਹਿ ਗਿਆ। ਸ਼ਹਿਰ ਦੇ ਅਸਮਾਨ 'ਚ ਉੱਡਦੇ 8 ਮੀਟਰ ਲੰਬੇ ਡ੍ਰੈਗਨ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਨੂੰ ਦੇਖ ਕੇ ਹਰ ਕੋਈ 'ਗੇਮ ਆਫ਼ ਥ੍ਰੋਨਜ਼' ਦੀ ਜਾਦੂਈ ਦੁਨੀਆ 'ਚ ਖੋ ਗਿਆ ਹੈ।
ਇਹ ਕੋਈ ਅਸਲੀ ਡ੍ਰੈਗਨ ਨਹੀਂ ਸੀ, ਸਗੋਂ ਗਲਾਸਗੋ 'ਚ ਹੋਣ ਵਾਲੀਆਂ 2026 ਕਾਮਨਵੈਲਥ ਖੇਡਾਂ ਦੇ ਉਦਘਾਟਨੀ ਸਮਾਰੋਹ ਦੀਆਂ ਤਿਆਰੀਆਂ ਦਾ ਹਿੱਸਾ ਸੀ। 8 ਮੀਟਰ ਲੰਬਾ ਇਹ ਵਿਸ਼ਾਲ ਅਤੇ ਅਸਲੀ ਵਰਗਾ ਦਿਸਣ ਵਾਲਾ 'ਡ੍ਰੈਗਨ' OVO ਹਾਈਡ੍ਰੋ ਅਤੇ SEC ਅਰਮਾਡਿਲੋ ਦੇ ਉੱਪਰੋਂ ਲੰਘਿਆ, ਜਿਸ ਨੂੰ ਦੇਖ ਕੇ ਹਰ ਕੋਈ ਆਪਣੇ ਫ਼ੋਨ ਦੇ ਕੈਮਰੇ 'ਚ ਕੈਦ ਕਰਨ ਲੱਗ ਪਿਆ।
ਇਹ ਵੀ ਪੜ੍ਹੋ- ''ਰਿਸ਼ਤੇਦਾਰਾਂ ਨੂੰ ਬੁਲਾਓ, ਮੋਟਾ ਇਨਾਮ ਪਾਓ..!'' ਦੁਬਈ 'ਚ ਰਹਿੰਦੇ ਲੋਕਾਂ ਲਈ ਸਰਕਾਰ ਦਾ Golden Offer
ਇਹ ਕੋਈ ਡਿਜੀਟਲ ਇਫੈਕਟ ਜਾਂ ਆਮ ਡ੍ਰੋਨ ਨਹੀਂ, ਸਗੋਂ HBO ਦੀ ਬੇਹੱਦ ਮਸ਼ਹੂਰ ਵੈੱਬ ਸੀਰੀਜ਼ 'House of the Dragon' ਦੇ 'ਸਾਇਰੈਕਸ' ਨਾਂ ਦੇ ਡ੍ਰੈਗਨ ਦਾ 8 ਮੀਟਰ ਲੰਬਾ ਮਾਡਲ ਹੈ। ਇਹ ਹੁਣ ਤੱਕ ਦਾ ਸਭ ਤੋਂ ਵੱਡਾ ਉੱਡਣ ਵਾਲਾ ਡ੍ਰੈਗਨ ਮਾਡਲ ਹੈ, ਜਿਸ ਨੂੰ ਬਣਾਉਣ ਲਈ 14 ਮਾਹਿਰਾਂ ਦੀ ਟੀਮ ਨੇ 3 ਮਹੀਨਿਆਂ 'ਚ 3,000 ਘੰਟੇ ਤੱਕ ਮਿਹਨਤ ਕੀਤੀ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ 8 ਮੀਟਰ ਲੰਬਾ ਹੋਣ ਦੇ ਬਾਅਦ ਵੀ ਇਸ ਦਾ ਵਜ਼ਨ ਸਿਰਫ਼ 13 ਕਿੱਲੋਗ੍ਰਾਮ ਹੈ। ਇਹ ਕਾਰਬਨ ਫਾਈਬਰ, ਐਲੂਮੀਨੀਅਮ ਅਤੇ ਫੋਮ ਤੋਂ ਤਿਆਰ ਕੀਤਾ ਗਿਆ ਹੈ, ਜਿਸ ਕਾਰਨ ਇਹ ਵੱਡਾ ਹੋਣ ਦੇ ਬਾਵਜੂਦ ਵੀ ਕਾਫ਼ੀ ਹਲਕਾ ਹੈ।
ਡ੍ਰੈਗਨ ਦੇ ਇਸ ਮਾਡਲ 'ਚ 23 ਮੂਵਿੰਗ ਪਾਰਟਸ ਲਗਾਏ ਗਏ ਹਨ ਅਤੇ ਲੱਤਾਂ ਵਿੱਚ ਲੱਗੇ ਇੰਪੈਲਰ ਇਸ ਨੂੰ ਅਸਲੀ ਵਾਂਗ ਉੱਡਣ ਅਤੇ ਹਿੱਲਣ-ਜੁਲਣ 'ਚ ਮਦਦ ਕਰਦੇ ਹਨ। ਇਸ ਮਾਡਲ ਨੂੰ ਤਿਆਰ ਕਰਨ ਤੋਂ ਬਾਅਦ ਇਸ ਦੀ ਡਿਜ਼ਾਈਨਿੰਗ ਇੰਨੀ ਸ਼ਾਨਦਾਰ ਕੀਤੀ ਗਈ ਹੈ ਕਿ ਇਸ ਨੂੰ ਦੇਖ ਕੇ ਹਰ ਕੋਈ ਇਸ ਨੂੰ ਅਸਲੀ ਡ੍ਰੈਗਨ ਸਮਝ ਰਿਹਾ ਹੈ।
ਜ਼ਿਕਰਯੋਗ ਹੈ ਕਿ 2026 ਦੀਆਂ ਕਾਮਨਵੈਲਥ ਖੇਡਾਂ ਇਸ ਵਾਰ ਸਕਾਟਲੈਂਡ ਦੇ ਸ਼ਹਿਰ ਗਲਾਸਗੋ 'ਚ ਹੋ ਰਹੀਆਂ ਹਨ, ਜਿਨ੍ਹਾਂ ਨੂੰ ਲੈ ਕੇ ਦੁਨੀਆ ਭਰ ਦੇ ਖੇਡ ਪ੍ਰੇਮੀਆਂ 'ਚ ਕਾਫ਼ੀ ਉਤਸ਼ਾਹ ਦੇਖਿਆ ਜਾ ਰਿਹਾ ਹੈ। ਉੱਥੇ ਹੀ ਇਸ ਉੱਡਦੇ ਹੋਏ ਡ੍ਰੈਗਨ ਨੇ ਕਾਮਨਵੈਲਥ ਖੇਡਾਂ ਦੇ ਉਤਸ਼ਾਹ ਨੂੰ ਹੋਰ ਵਧਾ ਦਿੱਤਾ ਹੈ।
ਇਹ ਵੀ ਪੜ੍ਹੋ- ਭਾਰਤੀ ਮੁੰਡੇ ਨੂੰ ਆਸਟ੍ਰੇਲਿਆ ਨੇ ਤੋਹਫੇ 'ਚ ਦਿੱਤੀ PR ! ਵਰ੍ਹਦੀਆਂ ਗੋਲ਼ੀਆਂ 'ਚ ਬਚਾਈ ਸੀ 20 ਲੋਕਾਂ ਦੀ ਜਾਨ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਪ੍ਰਾਪਰਟੀ ਮਾਰਕਿਟ 'ਚ ਗਿਰਾਵਟ ਤੇ ਘੱਟ ਖਪਤ ਕਾਰਨ ਸਾਲਾਨਾ ਗ੍ਰੋਥ ਹਾਸਲ ਨਹੀਂ ਕਰ ਪਾਇਆ ਚੀਨ
NEXT STORY 
