ਕੋਪੇਨਹੇਗਨ- ਜੇਲ੍ਹ ਸ਼ਬਦ ਸੁਣਦੇ ਹੀ ਇਕ ਅਜਿਹੇ ਸਥਾਨ ਦਾ ਨਜ਼ਾਰਾ ਸਾਹਮਣੇ ਆਉਂਦਾ ਹੈ ਜਿੱਥੇ ਕੈਦੀਆਂ ਨੂੰ ਬਾਹਰੀ ਦੁਨੀਆ ਦੀਆਂ ਸਹੂਲਤਾਂ ਤੋਂ ਦੂਰ ਰਹਿਣਾ ਪੈਂਦਾ ਹੈ। ਪਰ ਯੂਰਪ ਦੀਆਂ ਜੇਲ੍ਹਾਂ ਬਾਰੇ ਕਿਹਾ ਜਾਂਦਾ ਹੈ ਕਿ ਇਹ ਕਿਸੇ ਫਾਈਵ ਸਟਾਰ ਹੋਟਲ ਤੋਂ ਘੱਟ ਨਹੀਂ ਹਨ। ਅਜਿਹੀ ਹੀ ਇਕ ਜੇਲ੍ਹ Storstrom Jail ਹੈ। ਇਸ ਜੇਲ੍ਹ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ। ਲੋਕ ਵਿਸ਼ਵਾਸ ਨਹੀਂ ਕਰ ਪਾਉਂਦੇ ਕਿ ਇਹ ਜੇਲ੍ਹ ਹੈ ਜਾਂ ਕੋਈ ਕਾਲਜ।
ਸਟੋਰਸਟ੍ਰੋਮ ਜੇਲ੍ਹ ਡੈਨਮਾਰਕ ਦੇ ਦੱਖਣੀ ਹਿੱਸੇ ਵਿੱਚ ਸਥਿਤ ਹੈ, ਜੋ ਦੱਖਣੀ ਜ਼ੀਲੈਂਡ ਦੇ ਟਾਪੂ 'ਤੇ ਸਥਿਤ ਹੈ। ਇਹ ਆਪਣੀਆਂ ਆਧੁਨਿਕ ਅਤੇ ਆਰਾਮਦਾਇਕ ਸਹੂਲਤਾਂ ਲਈ ਦੁਨੀਆ ਵਿਚ ਵਿਸ਼ੇਸ਼ ਤੌਰ 'ਤੇ ਮਸ਼ਹੂਰ ਹੈ। ਕੈਦੀ ਇੱਥੇ ਪਸ਼ੂ ਵੀ ਪਾਲ ਸਕਦੇ ਹਨ ਅਤੇ ਖੇਤੀ ਦਾ ਕੰਮ ਵੀ ਕਰ ਸਕਦੇ ਹਨ। ਉਨ੍ਹਾਂ ਨੂੰ ਸੁਆਦੀ ਅਤੇ ਪੌਸ਼ਟਿਕ ਭੋਜਨ ਦਿੱਤਾ ਜਾਂਦਾ ਹੈ। ਇਸ ਜੇਲ੍ਹ ਦਾ ਮੁੱਖ ਉਦੇਸ਼ ਕੈਦੀਆਂ ਨੂੰ ਜ਼ਿੰਮੇਵਾਰ ਅਤੇ ਸਸ਼ਕਤ ਬਣਾਉਣਾ ਹੈ। ਅੰਕੜਿਆਂ ਅਨੁਸਾਰ ਬਹੁਤ ਘੱਟ ਲੋਕ ਇਸ ਜੇਲ੍ਹ ਤੋਂ ਰਿਹਾਅ ਹੋਣ ਤੋਂ ਬਾਅਦ ਦੁਬਾਰਾ ਅਪਰਾਧ ਕਰਦੇ ਹਨ।
ਪੜ੍ਹੋ ਇਹ ਅਹਿਮ ਖ਼ਬਰ-Trudeau ਜਲਦ ਦੇਣਗੇ ਅਸਤੀਫ਼ਾ, ਇਹ ਕਾਰਨ ਬਣੇ ਮੁੱਖ ਵਜ੍ਹਾ!
ਡੈਨਮਾਰਕ ਦੀ ਸਟੌਰਸਟ੍ਰਮ ਜੇਲ੍ਹ 250 ਕੈਦੀਆਂ ਲਈ ਤਿਆਰ ਕੀਤੀ ਗਈ ਹੈ ਅਤੇ ਇਸ ਨੂੰ ਇੱਕ ਮਿੰਨੀ-ਕਮਿਊਨਿਟੀ ਵਜੋਂ ਤਿਆਰ ਕੀਤਾ ਗਿਆ ਹੈ। ਇੱਥੇ ਕੈਦੀ ਆਪਣਾ ਸਮਾਂ ਇੱਕ ਸਾਧਾਰਨ ਜੀਵਨ ਦੇ ਮਾਹੌਲ ਵਿੱਚ ਬਿਤਾ ਸਕਦੇ ਹਨ, ਜੋ ਉਨ੍ਹਾੰ ਨੂੰ ਸੁਧਾਰਣ ਅਤੇ ਸਮਾਜ ਵਿੱਚ ਵਾਪਸ ਲਿਆਉਣ ਵਿੱਚ ਮਦਦ ਕਰਦਾ ਹੈ। ਇਸ ਜੇਲ੍ਹ ਨੂੰ ਡੈਨਮਾਰਕ ਦੇ ਆਰਕੀਟੈਕਟ ਸੀ.ਐੱਫ. ਮੋਲਰ ਨੇ ਡਿਜ਼ਾਈਨ ਕੀਤਾ ਹੈ ਅਤੇ ਇਹ ਕੈਦੀਆਂ ਨੂੰ ਕਠੋਰ ਦੀ ਬਜਾਏ ਆਰਾਮਦਾਇਕ ਅਤੇ ਛੁੱਟੀਆਂ ਵਰਗਾ ਮਾਹੌਲ ਪ੍ਰਦਾਨ ਕਰਦੀ ਹੈ। ਇੱਥੇ ਕੈਦੀ ਆਪਣੇ ਆਪ ਨੂੰ ਸੁਧਾਰਨ ਲਈ ਪ੍ਰੇਰਿਤ ਹਨ।
ਸਟੋਰਸਟ੍ਰਮ ਜੇਲ੍ਹ ਦਾ ਆਕਾਰ 18 ਫੁੱਟਬਾਲ ਫੀਲਡਾਂ ਦੇ ਬਰਾਬਰ ਹੈ। ਇੱਥੇ ਕੈਦੀਆਂ ਕੋਲ ਬਹੁਤ ਸਾਰੇ ਮੌਕੇ ਹਨ ਜਿਵੇਂ ਕਿ ਜਿਮਨਾਸਟਿਕ, ਅਧਿਐਨ ਕਰਨਾ, ਕਲਾ ਬਣਾਉਣਾ ਅਤੇ ਚਰਚ ਵਿੱਚ ਪ੍ਰਾਰਥਨਾ ਕਰਨੀ। ਇਸ ਤੋਂ ਇਲਾਵਾ ਕੈਦੀ ਕਰਿਆਨੇ ਦੀ ਦੁਕਾਨ ਤੋਂ ਆਪਣੀਆਂ ਜ਼ਰੂਰੀ ਚੀਜ਼ਾਂ ਖਰੀਦ ਸਕਦੇ ਹਨ। ਇਸ ਜੇਲ੍ਹ ਵਿੱਚ ਨਾ ਤਾਂ ਉੱਚੀਆਂ ਕੰਧਾਂ ਹਨ ਅਤੇ ਨਾ ਹੀ ਹਥਿਆਰਬੰਦ ਗਾਰਡ ਹਨ। ਇੱਥੇ ਕੈਦੀਆਂ ਦੇ ਭੱਜਣ ਦੀਆਂ ਘਟਨਾਵਾਂ ਬਹੁਤ ਘੱਟ ਹੁੰਦੀਆਂ ਹਨ। ਜੇ ਕੋਈ ਇੱਕ ਵਾਰ ਜੇਲ੍ਹ ਵਿੱਚੋਂ ਫਰਾਰ ਹੋ ਜਾਂਦਾ ਹੈ ਤਾਂ ਉਸ ਨੂੰ ਮੁੜ ਇਸ ਜੇਲ੍ਹ ਵਿੱਚ ਵਾਪਸ ਨਹੀਂ ਆਉਣ ਦਿੱਤਾ ਜਾਂਦਾ। ਇੱਥੋਂ ਦੇ ਕੈਦੀ ਮੱਛੀਆਂ ਫੜਨ, ਘੋੜ ਸਵਾਰੀ, ਟੈਨਿਸ ਖੇਡਣ ਅਤੇ ਬੀਚ 'ਤੇ ਧੁੱਪ ਸੇਕਣ ਦੇ ਵੀ ਸ਼ੌਕੀਨ ਹਨ। ਕੈਦੀਆਂ ਨੂੰ ਪੇਂਟ ਕੀਤੀ ਲੱਕੜ ਦਾ ਬਣਿਆ ਘਰ ਦਿੱਤਾ ਜਾਂਦਾ ਹੈ। ਇੱਕ ਘਰ ਵਿੱਚ ਬਹੁਤ ਸਾਰੇ ਲੋਕ ਰਹਿੰਦੇ ਹਨ, ਪਰ ਸਾਰਿਆਂ ਦੇ ਵੱਖਰੇ ਕਮਰੇ ਹਨ ਅਤੇ ਕਮਰਿਆਂ ਦੇ ਨਾਲ-ਨਾਲ ਉਨ੍ਹਾਂ ਦੀ ਆਪਣੀ ਰਸੋਈ ਵੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਦੁਨੀਆ ਦਾ ਸਭ ਤੋਂ ਲੰਬਾ ਟ੍ਰੈਫਿਕ ਜਾਮ! 12 ਦਿਨਾਂ ਤੱਕ ਫਸੀਆਂ ਰਹੀਆਂ ਜ਼ਿੰਦਗੀਆਂ
NEXT STORY 
