ਨਿਊਯਾਰਕ (ਏਜੰਸੀ)- ਅਮਰੀਕਾ ਵਿਚ ਫਲੋਰੀਡਾ ਦੇ ਇਕ ਯੌਨ ਅਪਰਾਧੀ ਨੂੰ ਇਕ ਕਰਿਆਨੇ ਦੀ ਦੁਕਾਨ ਤੋਂ 8 ਸਾਲ ਦੀ ਬੱਚੀ ਨੂੰ 100,000 ਡਾਲਰ ਵਿਚ ਕਥਿਤ ਤੌਰ 'ਤੇ 'ਖਰੀਦਣ' ਦੀ ਕੋਸ਼ਿਸ਼ ਕਰਨ ਦੇ ਦੋਸ਼ ਵਿਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। 'ਵਾਸ਼ਿੰਗਟਨ ਪੋਸਟ' ਨੇ ਸ਼ਨੀਵਾਰ ਨੂੰ ਪੁਲਸ ਦੇ ਹਵਾਲੇ ਨਾਲ ਇਹ ਜਾਣਕਾਰੀ ਦਿੱਤੀ। ਰਿਪੋਰਟ ਮੁਤਾਬਕ 85 ਸਾਲਾ ਹੇਲਮਥ ਕੋਲਬ ਨੇ ਵੀਰਵਾਰ ਨੂੰ ਪੋਰਟ ਔਰੇਂਜ ਦੇ ਵਿਨ ਡਿਕਸੀ 'ਚ ਬੱਚੇ ਦੀ ਮਾਂ ਨਾਲ ਸੰਪਰਕ ਕੀਤਾ ਅਤੇ ਅਸ਼ਲੀਲ ਪ੍ਰਸਤਾਵ ਰੱਖਿਆ। ਵੈਸ਼ ਟੀਵੀ ਦੇ ਅਨੁਸਾਰ 2018 ਵਿੱਚ ਵਾਲਮਾਰਟ ਵਿੱਚ ਇੱਕ ਵੱਖਰਾ ਬੱਚਾ ਖਰੀਦਣ ਦੀ ਕੋਸ਼ਿਸ਼ ਕਰਨ ਤੋਂ ਬਾਅਦ ਕੋਲਬ ਪ੍ਰੋਬੇਸ਼ਨ 'ਤੇ ਸੀ ਅਤੇ ਉਸ 'ਤੇ ਬੱਚਿਆਂ ਨਾਲ ਸੰਪਰਕ ਕਰਨ 'ਤੇ ਪਾਬੰਦੀ ਲਗਾਈ ਗਈ ਸੀ।
ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ ਬੱਚੇ ਦੀ ਮਾਂ ਲੌਰੇਨ ਬੇਨਿੰਗ ਨੇ ਸਟੇਸ਼ਨ ਨੂੰ ਦੱਸਿਆ ਕਿ ਉਸ ਨੂੰ ਲੱਗਾ ਕਿ ਕੋਲਬ ਸਿਰਫ਼ ਇੱਕ ਇਕੱਲਾ ਬੁੱਢਾ ਆਦਮੀ ਹੈ, ਜਦੋਂ ਉਸ ਨੇ ਉਸ ਨਾਲ ਅਤੇ ਉਸਦੀ ਧੀ ਨਾਲ ਸੰਪਰਕ ਕੀਤਾ। ਬੇਨਿੰਗ ਨੇ ਕਥਿਤ ਤੌਰ 'ਤੇ ਕਿਹਾ, "ਉਹ ਆਇਆ ਅਤੇ ਉਸ ਨੇ ਟਿੱਪਣੀ ਕਰਨੀ ਸ਼ੁਰੂ ਕਰ ਦਿੱਤੀ ਕਿ ਉਹ ਕਿੰਨੀ ਸੁੰਦਰ ਹੈ ਅਤੇ ਉਸ ਦਾ ਡਾਂਸ ਕਿੰਨਾ ਵਧੀਆ ਹੈ ਅਤੇ ਉਸ ਦੇ ਬੱਚੇ ਨਹੀਂ ਹੋ ਸਕਦੇ ਅਤੇ ਉਹ ਬੱਚਾ ਚਾਹੁੰਦਾ ਸੀ।" ਬੈਨਿੰਗ ਨੇ ਕਿਹਾ, “ਉਸ ਨੇ ਪਾਰਕਿੰਗ ਵਿੱਚ ਮੇਰੇ ਨਾਲ ਸੰਪਰਕ ਕੀਤਾ। ਅਸਲ ਵਿੱਚ ਪਾਰਕਿੰਗ ਵਿੱਚ ਮੇਰਾ ਪਿੱਛਾ ਕੀਤਾ ਅਤੇ ਕਿਹਾ, ਅਰੇ, ਮੈਂ ਤੁਹਾਡੇ ਨਾਲ ਇੱਕ ਸੌਦਾ ਕਰਨਾ ਚਾਹੁੰਦਾ ਹਾਂ। ਮੈਂ 100,000 ਡਾਲਰ ਵਿੱਚ ਖਰੀਦਣਾ ਚਾਹੁੰਦਾ ਹਾਂ। ਮੈਂ ਪੂਰੀ ਤਰ੍ਹਾਂ ਸਦਮੇ ਵਿੱਚ ਸੀ।" ਰਿਪੋਰਟ ਵਿੱਚ ਮਾਂ ਦੇ ਹਵਾਲੇ ਨਾਲ ਕਿਹਾ ਗਿਆ, "ਉਸ ਨੂੰ ਬੰਦ ਕੀਤਾ ਜਾਣਾ ਚਾਹੀਦਾ ਹੈ ਅਤੇ ਸਾਡੇ ਬੱਚਿਆਂ ਦੇ ਆਲੇ ਦੁਆਲੇ ਨਹੀਂ ਰਹਿਣ ਦਿੱਤਾ ਜਾਣਾ ਚਾਹੀਦਾ।"
ਕਸ਼ਮੀਰ 'ਚ ਆਪਣੇ ਨਾਗਰਿਕ ਦੀ ਮੌਤ 'ਤੇ ਪਾਕਿਸਤਾਨ ਨੇ ਭਾਰਤ ਸਾਹਮਣੇ ਜਤਾਇਆ ਵਿਰੋਧ
NEXT STORY 
