ਸਿੰਗਾਪੁਰ (ਭਾਸ਼ਾ)- ਸਿੰਗਾਪੁਰ ਦੀ ਹਾਈ ਕੋਰਟ ਨੇ ਭਾਰਤੀ ਮੂਲ ਦੇ ਸਾਬਕਾ ਟਰਾਂਸਪੋਰਟ ਮੰਤਰੀ ਐਸ ਈਸਵਰਨ ਨੂੰ ਭ੍ਰਿਸ਼ਟਾਚਾਰ ਦੇ ਇਕ ਮਾਮਲੇ ਵਿਚ ਸੋਧੇ ਹੋਏ ਦੋਸ਼ਾਂ ਵਿਚ ਦੋਸ਼ੀ ਕਰਾਰ ਦਿੱਤਾ ਹੈ। ਇਸਤਗਾਸਾ ਪੱਖ ਨੇ 62 ਸਾਲਾ ਸਾਬਕਾ ਮੰਤਰੀ ਲਈ ਛੇ ਤੋਂ ਸੱਤ ਮਹੀਨੇ ਦੀ ਕੈਦ ਦੀ ਮੰਗ ਕੀਤੀ ਸੀ। ਈਸ਼ਵਰਨ ਨੇ ਕਿਹਾ ਸੀ ਕਿ ਉਹ ਖੁਦ ਨੂੰ ਇਮਾਨਦਾਰ ਸਾਬਤ ਕਰਨ ਲਈ ਕੇਸ ਲੜੇਗਾ ਪਰ ਸੁਣਵਾਈ ਦੇ ਪਹਿਲੇ ਹੀ ਦਿਨ ਉਸ ਨੇ ਆਪਣਾ ਜੁਰਮ ਕਬੂਲ ਕਰ ਲਿਆ।
ਈਸ਼ਵਰਨ ਨੇ ਪੀਨਲ ਕੋਡ ਦੀ ਧਾਰਾ 165 ਦੇ ਤਹਿਤ ਚਾਰ ਦੋਸ਼ਾਂ ਨੂੰ ਮੰਨਿਆ ਹੈ, ਜੋ ਸਰਕਾਰੀ ਕਰਮਚਾਰੀਆਂ ਨੂੰ ਉਨ੍ਹਾਂ ਦੀ ਅਧਿਕਾਰਤ ਸਮਰੱਥਾ ਵਿੱਚ ਉਨ੍ਹਾਂ ਨਾਲ ਜੁੜੇ ਕਿਸੇ ਵੀ ਵਿਅਕਤੀ ਤੋਂ ਕੋਈ ਵੀ ਕੀਮਤੀ ਚੀਜ਼ ਸਵੀਕਾਰ ਕਰਨ ਤੋਂ ਰੋਕਦਾ ਹੈ। ਉਸਨੇ ਨਿਆਂ ਵਿੱਚ ਰੁਕਾਵਟ ਪਾਉਣ ਦੇ ਇੱਕ ਦੋਸ਼ ਵਿੱਚ ਵੀ ਸਵੀਕਾਰ ਕੀਤਾ। 'ਚੈਨਲ ਨਿਊਜ਼ ਏਸ਼ੀਆ' ਦੀ ਰਿਪੋਰਟ ਮੁਤਾਬਕ ਸਜ਼ਾ ਸੁਣਾਉਣ ਲਈ 30 ਹੋਰ ਦੋਸ਼ਾਂ 'ਤੇ ਵਿਚਾਰ ਕੀਤਾ ਜਾਵੇਗਾ। ਦੋਸ਼ ਪੜ੍ਹੇ ਜਾਣ ਤੋਂ ਬਾਅਦ, ਈਸ਼ਵਰਨ ਨੂੰ ਪੁੱਛਿਆ ਗਿਆ ਕਿ ਕੀ ਉਹ ਦੋਸ਼ ਸਵੀਕਾਰ ਕਰਦੇ ਹਨ। ਈਸ਼ਵਰਨ ਨੇ ਜਸਟਿਸ ਵਿਨਸੈਂਟ ਹੰਗ ਦੀ ਅਗਵਾਈ ਵਾਲੀ ਅਦਾਲਤ ਨੂੰ ਕਿਹਾ, "ਮੈਂ ਦੋਸ਼ ਸਵੀਕਾਰ ਕਰਦਾ ਹਾਂ।"
ਪੜ੍ਹੋ ਇਹ ਅਹਿਮ ਖ਼ਬਰ- ਨੌਜਵਾਨਾਂ 'ਚ ਵਧੇ ਆਤਮ ਹੱਤਿਆ ਦੇ ਮਾਮਲੇ, ਰਿਪੋਰਟ ਜਾਰੀ
ਈਸ਼ਵਰਨ 'ਤੇ ਲੱਗੇ ਦੋਸ਼ ਕਾਰੋਬਾਰੀ ਓਂਗ ਬੇਂਗ ਸੇਂਗ ਅਤੇ ਨਿਰਮਾਣ ਕੰਪਨੀ ਦੇ ਮਾਲਕ ਲੁਮ ਕੋਕ ਸੇਂਗ ਨਾਲ ਸਬੰਧਾਂ ਨਾਲ ਸਬੰਧਤ ਹਨ। ਦੋਵਾਂ ਕਾਰੋਬਾਰੀਆਂ 'ਤੇ ਦੋਸ਼ ਨਹੀਂ ਲਾਏ ਗਏ ਹਨ। ਜਿਸ ਕੀਮਤੀ ਸਾਮਾਨ ਨੂੰ ਲੈਣ ਦਾ ਉਸ 'ਤੇ ਦੋਸ਼ ਹੈ, ਉਨ੍ਹਾਂ 'ਚ ਥੀਏਟਰ ਸ਼ੋਅ, ਫੁੱਟਬਾਲ ਮੈਚ ਅਤੇ ਸਿੰਗਾਪੁਰ ਐੱਫ1 ਗ੍ਰਾਂ ਪ੍ਰੀ ਦੇ ਟਿਕਟ, ਵਿਸਕੀ, ਅੰਤਰਰਾਸ਼ਟਰੀ ਫਲਾਈਟ ਬੁਕਿੰਗ ਅਤੇ ਹੋਟਲ 'ਚ ਠਹਿਰਣਾ ਸ਼ਾਮਲ ਹਨ। ਇਸ ਵਿਚ ਸ਼ਾਮਲ ਰਕਮ 400,000 ਸਿੰਗਾਪੁਰ ਡਾਲਰ (300,000 ਅਮਰੀਕੀ ਡਾਲਰ ਤੋਂ ਵੱਧ) ਹੈ। ਸਿੰਗਾਪੁਰ ਵਿੱਚ ਤਕਰੀਬਨ ਅੱਧੀ ਸਦੀ ਵਿੱਚ ਕਿਸੇ ਮੰਤਰੀ ਖ਼ਿਲਾਫ਼ ਭ੍ਰਿਸ਼ਟਾਚਾਰ ਦਾ ਇਹ ਪਹਿਲਾ ਮੁਕੱਦਮਾ ਹੈ। ਮੁਕੱਦਮੇ ਦੀ ਸ਼ੁਰੂਆਤ ਵਿੱਚ ਨਵਾਂ ਮੋੜ ਉਦੋਂ ਆਇਆ ਜਦੋਂ ਮੀਡੀਆ ਨੇ ਕਿਹਾ ਕਿ ਸਰਕਾਰੀ ਵਕੀਲ ਲੰਬੇ ਸਮੇਂ ਤੋਂ ਸੱਤਾਧਾਰੀ ਪੀਪਲਜ਼ ਐਕਸ਼ਨ ਪਾਰਟੀ ਦੇ ਸਾਬਕਾ ਸੀਨੀਅਰ ਨੇਤਾ ਈਸ਼ਵਰਨ ਦੇ ਖ਼ਿਲਾਫ਼ ਸਿਰਫ ਪੰਜ ਦੋਸ਼ਾਂ 'ਤੇ ਮੁਕੱਦਮੇ ਨੂੰ ਅੱਗੇ ਵਧਾਉਣਗੇ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਇਜ਼ਰਾਈਲੀ ਹਵਾਈ ਹਮਲੇ ਪਿੱਛੋਂ ਬੈਰੂਤ ਲਈ ਉਡਾਨਾਂ ਹੋਈਆਂ ਮੁਅੱਤਲ
NEXT STORY 
