ਮੈਡਰਿਡ : ਜੇਕਰ ਤੁਸੀਂ ਸ਼ਹਿਰਾਂ ਦੇ ਸ਼ੋਰ-ਸ਼ਰਾਬੇ ਤੋਂ ਦੂਰ ਪਹਾੜਾਂ ਦੀ ਗੋਦ ਵਿੱਚ ਰਹਿਣ ਦਾ ਸੁਪਨਾ ਦੇਖ ਰਹੇ ਹੋ, ਤਾਂ ਤੁਹਾਡੇ ਲਈ ਇੱਕ ਸੁਨਹਿਰੀ ਮੌਕਾ ਹੈ। ਸਪੇਨ ਦੇ ਸੋਰੀਆ ਖੇਤਰ ਵਿੱਚ ਸਥਿਤ ਇੱਕ ਛੋਟਾ ਜਿਹਾ ਪਿੰਡ ਅਰੇਨੀਆਸ ਉਨ੍ਹਾਂ ਪਰਿਵਾਰਾਂ ਨੂੰ ਮੁਫ਼ਤ ਘਰ ਅਤੇ ਪੱਕੀ ਨੌਕਰੀ ਦਾ ਸੱਦਾ ਦੇ ਰਿਹਾ ਹੈ, ਜੋ ਉੱਥੇ ਸਥਾਈ ਰੂਪ ਵਿੱਚ ਵੱਸਣ ਲਈ ਤਿਆਰ ਹਨ।
ਅਰੇਨੀਆਸ ਪਿੰਡ ਦੀ ਆਬਾਦੀ ਘਟ ਕੇ ਮਹਿਜ਼ 40 ਰਹਿ ਗਈ ਹੈ। 1950 ਦੇ ਦਹਾਕੇ ਤੋਂ ਹੀ ਲੋਕ ਲਗਾਤਾਰ ਸ਼ਹਿਰਾਂ ਵੱਲ ਭੱਜ ਰਹੇ ਹਨ, ਜਿਸ ਕਾਰਨ ਪਿੰਡ ਦੇ ਹੋਂਦ 'ਤੇ ਖ਼ਤਰਾ ਮੰਡਰਾ ਰਿਹਾ ਹੈ। ਆਪਣੀ ਘਟਦੀ ਆਬਾਦੀ ਨੂੰ ਬਚਾਉਣ ਲਈ ਪਿੰਡ ਦੀ ਪੰਚਾਇਤ ਨੇ ਇਹ ਨਵਾਂ ਤਜ਼ਰਬਾ ਸ਼ੁਰੂ ਕੀਤਾ ਹੈ।
ਕੀ ਹਨ ਮੁੱਖ ਸ਼ਰਤਾਂ?
ਇਸ ਸੁਵਿਧਾ ਦਾ ਲਾਭ ਲੈਣ ਲਈ ਕੁਝ ਸਖ਼ਤ ਸ਼ਰਤਾਂ ਰੱਖੀਆਂ ਗਈਆਂ ਹਨ:
ਸਕੂਲ ਜਾਣ ਵਾਲੇ ਬੱਚੇ: ਅਪਲਾਈ ਕਰਨ ਵਾਲੇ ਪਰਿਵਾਰ ਵਿੱਚ ਸਕੂਲ ਜਾਣ ਵਾਲੇ ਬੱਚੇ ਹੋਣੇ ਲਾਜ਼ਮੀ ਹਨ।
ਸਥਾਈ ਰਿਹਾਇਸ਼: ਪਰਿਵਾਰ ਨੂੰ ਪਿੰਡ ਵਿੱਚ ਹੀ ਪੱਕੇ ਤੌਰ 'ਤੇ ਰਹਿਣਾ ਹੋਵੇਗਾ।
ਕੰਮ ਦੀ ਜ਼ਿੰਮੇਵਾਰੀ: ਪਰਿਵਾਰ ਨੂੰ ਪਿੰਡ ਦੇ 'ਬਾਰ' ਨੂੰ ਚਲਾਉਣ ਦੀ ਜ਼ਿੰਮੇਵਾਰੀ ਉਠਾਉਣੀ ਹੋਵੇਗੀ ਅਤੇ ਨਗਰ ਪਾਲਿਕਾ ਨਾਲ ਜੁੜੇ ਮੁਰੰਮਤ ਅਤੇ ਨਿਰਮਾਣ ਕਾਰਜਾਂ ਵਿੱਚ ਹੱਥ ਵੰਡਾਉਣਾ ਹੋਵੇਗਾ।
ਕਿਉਂ ਚਰਚਾ ਵਿੱਚ ਹੈ ਇਹ ਆਫ਼ਰ?
ਯੂਰਪ ਵਿੱਚ ਮੁਫ਼ਤ ਰਿਹਾਇਸ਼ ਮਿਲਣਾ ਬਹੁਤ ਹੀ ਦੁਰਲੱਭ ਹੈ। ਜਿੱਥੇ ਇਸ ਪਿੰਡ ਵਿੱਚ ਹੋਰਨਾਂ ਘਰਾਂ ਦਾ ਕਿਰਾਇਆ ਲਗਭਗ 9,000 ਰੁਪਏ ਪ੍ਰਤੀ ਮਹੀਨਾ ਹੈ, ਉੱਥੇ ਚੁਣੇ ਗਏ ਪਰਿਵਾਰ ਨੂੰ ਘਰ ਬਿਲਕੁਲ ਮੁਫ਼ਤ ਮਿਲੇਗਾ ਕਿਉਂਕਿ ਉਨ੍ਹਾਂ ਦੀਆਂ ਜ਼ਿੰਮੇਵਾਰੀਆਂ ਦੂਜਿਆਂ ਨਾਲੋਂ ਵੱਧ ਹੋਣਗੀਆਂ। ਇਸ ਆਫ਼ਰ ਦੇ ਜਾਰੀ ਹੋਣ ਦੇ ਇੱਕ ਹਫ਼ਤੇ ਦੇ ਅੰਦਰ ਹੀ 100 ਤੋਂ ਵੱਧ ਅਰਜ਼ੀਆਂ ਆ ਚੁੱਕੀਆਂ ਹਨ।
ਰਹਿਣ-ਸਹਿਣ ਅਤੇ ਚੁਣੌਤੀਆਂ
ਹਾਲਾਂਕਿ ਇਹ ਦੇਖਣ ਵਿੱਚ ਕਿਸੇ ਸੁਪਨੇ ਵਰਗਾ ਲੱਗਦਾ ਹੈ, ਪਰ ਇੱਥੇ ਜੀਵਨ ਚੁਣੌਤੀਪੂਰਨ ਵੀ ਹੈ:
ਦੂਰੀ ਅਤੇ ਆਵਾਜਾਈ: ਸਭ ਤੋਂ ਨਜ਼ਦੀਕੀ ਸਕੂਲ ਲਗਭਗ 20 ਕਿਲੋਮੀਟਰ ਦੂਰ ਹੈ, ਹਾਲਾਂਕਿ ਇਸਦੇ ਲਈ ਮੁਫ਼ਤ ਆਵਾਜਾਈ ਦੀ ਸਹੂਲਤ ਦਿੱਤੀ ਜਾਂਦੀ ਹੈ। ਪਬਲਿਕ ਟ੍ਰਾਂਸਪੋਰਟ ਸੀਮਤ ਹੋਣ ਕਾਰਨ ਆਪਣਾ ਵਾਹਨ ਹੋਣਾ ਜ਼ਰੂਰੀ ਹੈ।
ਸਰੀਰਕ ਮਿਹਨਤ: ਮਿਸਤਰੀ ਦਾ ਕੰਮ ਅਤੇ ਪੁਰਾਣੀਆਂ ਇਮਾਰਤਾਂ ਦੀ ਮੁਰੰਮਤ ਸਰੀਰਕ ਤੌਰ 'ਤੇ ਥਕਾ ਦੇਣ ਵਾਲੀ ਹੋ ਸਕਦੀ ਹੈ।
ਕਾਨੂੰਨੀ ਅਧਿਕਾਰ: ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਇਹ ਪ੍ਰੋਗਰਾਮ ਕੋਈ ਵੀਜ਼ਾ ਪ੍ਰਦਾਨ ਨਹੀਂ ਕਰਦਾ। ਅਪਲਾਈ ਕਰਨ ਵਾਲੇ ਵਿਅਕਤੀ ਕੋਲ ਸਪੇਨ ਵਿੱਚ ਰਹਿਣ ਅਤੇ ਕੰਮ ਕਰਨ ਦਾ ਕਾਨੂੰਨੀ ਅਧਿਕਾਰ ਪਹਿਲਾਂ ਹੀ ਹੋਣਾ ਚਾਹੀਦਾ ਹੈ।
ਜੇਕਰ ਤੁਸੀਂ ਇੱਕ ਸ਼ਾਂਤ ਪੇਂਡੂ ਭਾਈਚਾਰੇ ਵਿੱਚ ਰਹਿਣ ਅਤੇ ਮਿਹਨਤ ਕਰਨ ਲਈ ਤਿਆਰ ਹੋ, ਤਾਂ ਵਧੇਰੇ ਜਾਣਕਾਰੀ ਲਈ ਪਿੰਡ ਦੀ ਅਧਿਕਾਰਤ ਵੈੱਬਸਾਈਟ arenillas.es 'ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।
ਇਕ ਮਹੀਨੇ 'ਚ 100 ਤੋਂ ਵੱਧ ਜਵਾਕਾਂ ਦੀ ਮੌਤ, ਬੰਗਲਾਦੇਸ਼ 'ਚ ਖਸਰੇ ਦਾ ਕਹਿਰ
NEXT STORY 
