ਅਕਾਰਾ (ਬਿਊਰੋ): ਜ਼ਿਆਦਾਤਰ ਮ੍ਰਿਤਕ ਵਿਅਕਤੀ ਦਾ ਸੰਸਕਾਰ ਉਸ ਦੇ ਧਰਮ ਮੁਤਾਬਕ ਕੀਤਾ ਜਾਂਦਾ ਹੈ। ਕੁਝ ਧਰਮਾਂ ਵਿਚ ਮ੍ਰਿਤਕ ਵਿਅਕਤੀ ਨੂੰ ਦਫਨਾਇਆ ਜਾਂਦਾ ਹੈ। ਅਜਿਹੇ ਵਿਚ ਲਾਸ਼ ਨੂੰ ਦਫਨਾਉਣ ਲਈ ਅਕਸਰ ਸਧਾਰਨ ਤਾਬੂਤ ਬਣਾਏ ਜਾਂਦੇ ਹਨ ਪਰ ਦੁਨੀਆ ਵਿਚ ਇਕ ਦੇਸ਼ ਅਜਿਹਾ ਵੀ ਹੈ ਜਿੱਥੇ ਬਿਲਕੁੱਲ ਅਨੋਖੇ ਤਰੀਕੇ ਦੇ ਤਾਬੂਤ ਬਣਾਏ ਜਾਂਦੇ ਹਨ। ਅਜਿਹੇ ਤਾਬੂਤ ਸ਼ਾਇਦ ਹੀ ਤੁਸੀਂ ਕਿਤੇ ਹੋਰ ਦੇਖੇ ਹੋਣ।
ਪੱਛਮੀ ਅਫਰੀਕਾ ਵਿਚ ਸਥਿਤ ਖੂਬਸੂਰਤ ਦੇਸ਼ ਘਾਨਾ ਆਪਣੇ ਅਜੀਬੋ-ਗਰੀਬ ਤਾਬੂਤਾਂ ਲਈ ਮਸ਼ਹੂਰ ਹੈ। ਇੱਥੇ ਤਾਬੂਤਾਂ ਨੂੰ ਮਰਨ ਵਾਲੇ ਦੇ ਕੰਮਕਾਜ ਜਾਂ ਸਟੇਟਸ ਨਾਲ ਜੋੜ ਕੇ ਦੇਖਿਆ ਜਾਂਦਾ ਹੈ ਅਤੇ ਉਸੇ ਮੁਤਾਬਕ ਬਣੇ ਤਾਬੂਤਾਂ ਵਿਚ ਉਨ੍ਹਾਂ ਨੂੰ ਦਫਨਾਇਆ ਜਾਂਦਾ ਹੈ। ਇਕ ਸਮਾਚਾਰ ਏਜੰਸੀ ਮੁਤਾਬਕ ਮੰਨਿਆ ਜਾਂਦਾ ਹੈ ਕਿ ਇਸ ਤਰ੍ਹਾਂ ਦੇ ਤਾਬੂਤਾਂ ਨੂੰ ਬਣਾਉਣ ਦੀ ਪਰੰਪਰਾ ਘਾਨਾ ਦੇ ਮਛੇਰਿਆਂ ਨੇ ਸ਼ੁਰੂ ਕੀਤੀ ਸੀ। ਮਛੇਰਿਆਂ ਨੂੰ ਮੱਛੀ ਦੀ ਤਰ੍ਹਾਂ ਬਣੇ ਤਾਬੂਤਾਂ ਵਿਚ ਦਫਨਾਇਆ ਜਾਂਦਾ ਸੀ।
ਘਾਨਾ ਵਿਚ ਕਾਰੋਬਾਰੀਆਂ ਨੂੰ ਅਕਸਰ ਲਗਜ਼ਰੀ ਮਰਸੀਡੀਜ਼ ਕਾਰ ਦੇ ਆਕਾਰ ਵਿਚ ਬਣੇ ਤਾਬੂਤਾਂ ਵਿਚ ਦਫਨਾਇਆ ਜਾਂਦਾ ਹੈ। ਇਸ ਨਾਲ ਉਨ੍ਹਾਂ ਦੇ ਸਟੇਟਸ ਦਾ ਪਤਾ ਚੱਲਦਾ ਹੈ। ਇਸ ਦੇ ਨਾਲ ਹੀ ਹਵਾਈ ਜਹਾਜ਼ ਦੀ ਤਰ੍ਹਾਂ ਤਾਬੂਤਾਂ ਨੂੰ ਬਣਾਉਣ ਦੀ ਪਰੰਪਰਾ ਸਾਲ 1951 ਤੋਂ ਸ਼ੁਰੂ ਹੋਈ। ਦੋ ਕਾਰਪੋਰੇਟਰ ਭਰਾਵਾਂ ਨੇ ਆਪਣੀ 91 ਸਾਲਾ ਮਾਂ ਲਈ ਹਵਾਈ ਜਹਾਜ਼ ਦੀ ਸ਼ਕਲ ਵਾਲਾ ਤਾਬੂਤ ਬਣਾਇਆ ਸੀ।
ਅਸਲ ਵਿਚ ਉਹ ਕਦੇ ਜਹਾਜ਼ ਵਿਚ ਨਹੀਂ ਬੈਠੀ ਸੀ ਪਰ ਕਹਿੰਦੀ ਸੀ ਕਿ ਉਹ ਅਕਸਰ ਜਹਾਜ਼ ਵਿਚ ਬੈਠਣ ਦੇ ਸੁਪਨੇ ਦੇਖਦੀ ਹੈ। ਇਸ ਲਈ ਦੋਹਾਂ ਭਰਾਵਾਂ ਨੇ ਆਪਣਾਂ ਮਾਂ ਦਾ ਸੁਪਨਾ ਪੂਰਾ ਕਰਨ ਲਈ ਇਹ ਤਾਬੂਤ ਬਣਾਇਆ।
ਸਿਰਫ ਘਾਨਾ ਵਿਚ ਹੀ ਨਹੀਂ ਸਗੋਂ ਵਿਦੇਸ਼ਾਂ ਵਿਚ ਵੀ ਅਨੋਖੇ ਤਰੀਕਿਆਂ ਨਾਲ ਬਣੇ ਤਾਬੂਤਾਂ ਦੀ ਭਾਰੀ ਮੰਗ ਹੈ।
ਜਿੱਥੇ ਸਥਾਨਕ ਬਜ਼ਾਰਾਂ ਦੀ ਇਨ੍ਹਾਂ ਦੀ ਕੀਮਤ 70 ਹਜ਼ਾਰ ਦੇ ਲੱਗਭਗ ਹੈ ਉੱਥੇ ਵਿਦੇਸ਼ਾਂ ਵਿਚ ਇਨ੍ਹਾਂ ਦੀ ਕੀਮਤ 7-8 ਗੁਣਾ ਤੱਕ ਵੱਧ ਜਾਂਦੀ ਹੈ।
ਰੂਸ: ਦੱਖਣੀ ਸੇਂਟ ਪੀਟਰਸਬਰਗ ਦੀ ਉਗਯੋਗਿਕ ਇਕਾਈ ਵਿਚ ਲੱਗੀ ਭਿਆਨਕ ਅੱਗ
NEXT STORY