ਕਰਾਚੀ - ਪਾਕਿਸਤਾਨ ਦੇ ਕਰਾਚੀ ਸ਼ਹਿਰ 'ਚ ਬੁੱਧਵਾਰ ਨੂੰ ਇੱਕ ਕੱਟੜਪੰਥੀ ਇਸਲਾਮਿਕ ਪਾਰਟੀ ਦੀ ਰੈਲੀ 'ਚ ਗ੍ਰਨੇਡ ਹਮਲੇ 'ਚ ਘੱਟ ਤੋਂ ਘੱਟ 40 ਲੋਕ ਜ਼ਖ਼ਮੀ ਹੋ ਗਏ। ਸੀਨੀਅਰ ਪੁਲਸ ਅਧਿਕਾਰੀਆਂ ਨੇ ਦੱਸਿਆ ਕਿ ਇੱਕ ਮੋਟਰਸਾਈਕਲ ਸਵਾਰ ਦੋ ਅਣਪਛਾਤੇ ਵਿਅਕਤੀਆਂ ਨੇ ਟਰੱਕ 'ਤੇ ਉਸ ਸਮੇਂ ਗ੍ਰਨੇਡ ਸੁੱਟਿਆ ਜਦੋਂ ਟਰੱਕ ਕਰਾਚੀ ਦੇ ਬਾਗ-ਏ-ਇਕਬਾਲ ਖੇਤਰ ਤੋਂ ਲੰਘ ਰਿਹਾ ਸੀ ਅਤੇ ਇਹ ਜਮਾਤ-ਏ-ਇਸਲਾਮੀ ਰੈਲੀ ਦਾ ਮੁੱਖ ਖਿੱਚ ਸੀ। ਪਾਬੰਦੀਸ਼ੁਦਾ ਸਿੰਧੂ ਦੇਸ਼ ਰਿਵੋਲਿਊਸ਼ਨਰੀ ਆਰਮੀ (ਐੱਸ.ਆਰ.ਏ.) ਨੇ ਇਸ ਹਮਲੇ ਦੀ ਸੋਸ਼ਲ ਮੀਡੀਆ ਦੇ ਜ਼ਰੀਏ ਜ਼ਿੰਮੇਦਾਰੀ ਲਈ। ਸਿੰਧ ਦੇ ਸਿਹਤ ਮੰਤਰੀ ਦੇ ਮੀਡੀਆ ਕੋਆਰਡੀਨੇਟਰ ਮੀਰਾਨ ਯੂਸੁਫ ਨੇ ਦੱਸਿਆ ਕਿ ਕੁੱਝ ਜ਼ਖ਼ਮੀਆਂ ਦੀ ਹਾਲਤ ਗੰਭੀਰ ਹੈ। ਯੂਸੁਫ ਨੇ ਕਿਹਾ, ‘‘ਜ਼ਿਆਦਾਤਰ ਲੋਕਾਂ ਨੂੰ ਮਾਮੂਲੀ ਸੱਟਾਂ ਆਈਆਂ ਸਨ ਅਤੇ ਉਨ੍ਹਾਂ ਨੂੰ ਹਸਪਤਾਲ ਤੋਂ ਛੁੱਟੀ ਦਿੱਤੀ ਜਾ ਚੁੱਕੀ ਹੈ। ਜਮਾਤ-ਏ-ਇਸਲਾਮੀ ਦੇ ਪ੍ਰਮੁੱਖ ਸਿਰਾਜ ਉਲ ਹੱਕ ਨੇ ਇਸ ਨੂੰ ‘‘ਕਾਇਰਤਾਪੂਰਣ ਹਮਲਾ'' ਕਰਾਰ ਦਿੱਤਾ।
ਪਾਕਿ : ਵੱਡੀ ਭੈਣ ਨੇ ਝੂਠੀ ਸ਼ਾਨ ਦੀ ਖਾਤਿਰ ਛੋਟੀ ਭੈਣ ਦੀ ਗੋਲੀ ਮਾਰ ਕੀਤੀ ਹੱਤਿਆ
NEXT STORY 
