ਨਵੀਂ ਦਿੱਲੀ-ਜਦੋਂ ਤੋਂ ਡੋਨਾਲਡ ਟਰੰਪ ਨੇ ਟੈਰਿਫ ਦਾ ਐਲਾਨ ਕੀਤਾ ਹੈ, ਗਲੋਬਲ ਮਾਰਕਿਟ 'ਚ ਭਾਰੀ ਉਤਰਾਅ-ਚੜ੍ਹਾਅ ਦੇਖਣ ਨੂੰ ਮਿਲ ਰਹੇ ਹਨ। ਕਈ ਵਾਰ ਵਾਲ ਸਟਰੀਟ ਬਹੁਤ ਵੱਡਾ ਵਾਧਾ ਦਿਖਾਉਂਦਾ ਹੈ ਅਤੇ ਕਈ ਵਾਰ ਇਹ ਗਿਰਾਵਟ ਵੱਲ ਜਾਂਦਾ ਹੈ। ਜਦੋਂ ਇਹ ਬਾਜ਼ਾਰ ਬੁੱਧਵਾਰ ਨੂੰ ਖੁੱਲ੍ਹਿਆ, ਤਾਂ ਡਾਓ ਜੋਨਸ 2000 ਅੰਕਾਂ ਤੋਂ ਉੱਪਰ ਚਲਾ ਗਿਆ, ਜਿਸ ਨੇ ਇੱਕ ਰਿਕਾਰਡ ਬਣਾਇਆ। ਪਰ ਅੱਜ ਯਾਨੀ ਵੀਰਵਾਰ ਨੂੰ ਅਮਰੀਕੀ ਬਾਜ਼ਾਰ ਵਿੱਚ ਗਿਰਾਵਟ ਦੇਖੀ ਜਾ ਰਹੀ ਹੈ।
ਵਾਲ ਸਟਰੀਟ ਦਾ ਡਾਓ ਜੋਨਸ 800 ਅੰਕਾਂ ਤੋਂ ਵੱਧ ਡਿੱਗ ਕੇ 39793 'ਤੇ ਪਹੁੰਚ ਗਿਆ ਹੈ। ਇਸ ਦੇ ਨਾਲ ਹੀ, S&P 144 ਅੰਕ ਜਾਂ 2.64 ਫੀਸਦ ਡਿੱਗ ਗਿਆ। ਇਸ ਤੋਂ ਇਲਾਵਾ, ਨੈਸਡੈਕ ਇੰਡੈਕਸ 623 ਅੰਕ ਜਾਂ 3.64 ਫੀਸਦ ਦੀ ਗਿਰਾਵਟ ਆਈ ਹੈ।ਗਲੋਬਲ ਬਾਜ਼ਾਰ 'ਚ ਇਸ ਅਸਥਿਰਤਾ ਕਾਰਨ ਨਿਵੇਸ਼ਕ ਚਿੰਤਤ ਹਨ। ਇਸ ਦੇ ਨਾਲ ਹੀ, ਬਾਜ਼ਾਰ ਮਾਹਰ ਵੀ ਇਸ ਗੱਲ ਨੂੰ ਲੈ ਕੇ ਉਲਝਣ ਵਿੱਚ ਹਨ ਕਿ ਹੋ ਕੀ ਰਿਹਾ ਹੈ।
ਇਹ ਗਿਰਾਵਟ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵੱਲੋਂ 90 ਦਿਨਾਂ ਦੀ ਟੈਰਿਫ ਰਾਹਤ ਦੇ ਐਲਾਨ ਤੋਂ ਬਾਅਦ ਆਈ ਹੈ। ਤਕਨੀਕੀ ਸਟਾਕ ਸਭ ਤੋਂ ਵੱਧ ਡਿੱਗੇ, ਐਪਲ 3.8 ਫੀਸਦ ਅਤੇ ਟੈਸਲਾ 5 ਫੀਸਦ ਦੀ ਗਿਰਾਵਟ ਆਈ ਹੈ। ਐਨਵੀਡੀਆ 4 ਫੀਸਦ ਦੀ ਗਿਰਾਵਟ ਅਤੇ ਮੈਟਾ ਪਲੇਟਫਾਰਮ 1.7 ਫੀਸਦ ਦੀ ਗਿਰਾਵਟ ਆਈ ਹੈ। ਵੀਰਵਾਰ ਨੂੰ, S&P 500 ਫਿਊਚਰਜ਼ 2.39 ਫੀਸਦ ਦੀ ਗਿਰਾਵਟ ਆਈ ਹੈ।, ਬੁੱਧਵਾਰ ਨੂੰ ਲਗਭਗ 10 ਫੀਸਦ ਵਾਧੇ ਦੇ ਬਾਅਦ ਸੀ।
ਕੱਲ੍ਹ ਭਾਰਤੀ ਬਾਜ਼ਾਰ ਵਿੱਚ ਕੀ ਹੋਵੇਗਾ?
ਅਮਰੀਕੀ ਬਾਜ਼ਾਰ 'ਚ ਗਿਰਾਵਟ ਦੇਖੀ ਜਾ ਰਹੀ ਹੈ। ਇਸ ਦੇ ਨਾਲ ਹੀ, ਗਿਫਟ ਨਿਫਟੀ ਵੀ 200 ਅੰਕਾਂ ਦੀ ਗਿਰਾਵਟ ਦੇਖੀ ਜਾ ਰਹੀ ਹੈ। ਇਸ ਤੋਂ ਇਲਾਵਾ, ਇੰਡੀਆ VIX ਵਿੱਚ ਲਗਭਗ 5 ਫੀਸੀਦ ਦਾ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ, ਜੋ ਕਿ ਇਸ ਗੱਲ ਦਾ ਸੰਕੇਤ ਹੈ ਕਿ ਅਮਰੀਕਾ ਵਾਂਗ, ਭਾਰਤ ਵਿੱਚ ਵੀ ਤੇਜ਼ੀ ਨਾਲ ਗਿਰਾਵਟ ਆ ਸਕਦੀ ਹੈ। ਹਾਲਾਂਕਿ, ਇਹ ਚੀਜ਼ਾਂ ਵੀ ਬਦਲ ਸਕਦੀਆਂ ਹਨ।
'ਦੇਸ਼ ਛੱਡ ਕੇ ਭੱਜ ਜਾਓ ਨਹੀਂ ਤਾਂ'... ਅਮਰੀਕਾ ਨੇ ਇਨ੍ਹਾਂ ਭਾਰਤੀ ਵਿਦਿਆਰਥੀਆਂ ਨੂੰ ਦਿੱਤੀ ਧਮਕੀ
NEXT STORY 
