ਇਸਲਾਮਾਬਾਦ (ਏ.ਐੱਨ.ਆਈ.): ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ ਇਕ ਵਾਰ ਫਿਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਤਾਰੀਫ਼ ਕੀਤੀ ਹੈ। ਇਸ ਵਾਰ ਉਨ੍ਹਾਂ ਨੇ ਭ੍ਰਿਸ਼ਟਾਚਾਰ ਦੇ ਮੁੱਦੇ 'ਤੇ ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ ਅਤੇ ਉਨ੍ਹਾਂ ਦੇ ਪਰਿਵਾਰ ਨੂੰ ਘੇਰਿਆ ਅਤੇ ਉਨ੍ਹਾਂ 'ਤੇ ਵਿਦੇਸ਼ਾਂ 'ਚ ਅਰਬਾਂ ਦੀ ਜਾਇਦਾਦ ਹੋਣ ਦਾ ਦੋਸ਼ ਲਗਾਇਆ। ਇੱਕ ਰੈਲੀ ਵਿੱਚ ਇਮਰਾਨ ਨੇ ਮੌਜੂਦ ਲੋਕਾਂ ਤੋਂ ਪੁੱਛਿਆ ਕੀ ਗੁਆਂਢੀ ਦੇਸ਼ ਦੇ ਪੀ.ਐੱਮ ਮੋਦੀ ਕੋਲ ਵਿਦੇਸ਼ਾਂ ਵਿੱਚ ਇੰਨੀ ਦੌਲਤ ਹੈ?
ਇਮਰਾਨ ਖਾਨ ਦੇ ਇਸ ਭਾਸ਼ਣ ਦਾ ਵੀਡੀਓ ਇੰਟਰਨੈੱਟ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਇਸ 'ਚ ਇਮਰਾਨ ਖਾਨ ਨੇ ਵਿਦੇਸ਼ 'ਚ ਰਹਿ ਰਹੇ ਨਵਾਜ਼ ਸ਼ਰੀਫ 'ਤੇ ਤਿੱਖਾ ਹਮਲਾ ਕੀਤਾ ਹੈ।
ਇਮਰਾਨ ਖਾਨ ਨੇ ਕਿਹਾ ਕਿ ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ ਜਿੰਨੀ ਦੌਲਤ ਦੁਨੀਆ ਦੇ ਕਿਸੇ ਹੋਰ ਨੇਤਾ ਕੋਲ ਨਹੀਂ ਹੋਵੇਗੀ। ਕੋਈ ਵੀ ਅੰਦਾਜ਼ਾ ਨਹੀਂ ਲਗਾ ਸਕਦਾ ਕਿ ਸ਼ਰੀਫ ਦੀ ਵਿਦੇਸ਼ ਵਿੱਚ ਕਿੰਨੀ ਦੌਲਤ ਹੈ। ਕਿਸੇ ਵੀ ਦੇਸ਼ ਦੇ ਪ੍ਰਮੁੱਖ ਨੇਤਾ ਕੋਲ ਆਪਣੇ ਦੇਸ਼ ਤੋਂ ਬਾਹਰ ਅਰਬਾਂ ਦੀ ਦੌਲਤ ਨਹੀਂ ਹੈ। ਇਮਰਾਨ ਨੇ ਸਵਾਲੀਆ ਲਹਿਜੇ 'ਚ ਜਨਤਾ ਨੂੰ ਪੁੱਛਿਆ ਕੀ ਸਾਡੇ ਗੁਆਂਢੀ ਦੇਸ਼ 'ਚ ਪੀ.ਐੱਮ. ਮੋਦੀ ਦੀ ਭਾਰਤ ਦੇ ਬਾਹਰ ਕਿੰਨੀ ਜਾਇਦਾਦ ਹੈ?
ਪੜ੍ਹੋ ਇਹ ਅਹਿਮ ਖ਼ਬਰ- ਚੀਨ ਨੇ ਤਾਈਵਾਨ ਪ੍ਰਤੀ ਨਰਮ ਕੀਤਾ ਆਪਣਾ ਰੁਖ, ਸ਼ਾਂਤੀਪੂਰਨ ਰਲੇਵੇਂ ਦੀ ਗੱਲਬਾਤ
ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਪਾਕਿਸਤਾਨ ਤਹਿਰੀਕ ਇੰਸਾਫ ਪਾਰਟੀ (ਪੀਟੀਆਈ) ਦੇ ਮੁਖੀ ਇਮਰਾਨ ਖਾਨ ਨੇ ਭਾਰਤ ਜਾਂ ਪੀ.ਐੱਮ. ਮੋਦੀ ਦੀ ਤਾਰੀਫ਼ ਕੀਤੀ ਹੈ। ਇਸ ਤੋਂ ਪਹਿਲਾਂ ਵੀ ਉਹ ਭਾਰਤ ਦੀ ਵਿਦੇਸ਼ ਨੀਤੀ ਅਤੇ ਅਮਰੀਕਾ ਅਤੇ ਰੂਸ ਨਾਲ ਸਬੰਧਾਂ ਲਈ ਪੀ.ਐੱਮ. ਮੋਦੀ ਦੀ ਤਾਰੀਫ਼ ਕਰ ਚੁੱਕੇ ਹਨ।ਉਨ੍ਹਾਂ ਨੇ ਕਿਹਾ ਸੀ ਕਿ ਕਵਾਡ ਦਾ ਹਿੱਸਾ ਹੋਣ ਦੇ ਬਾਵਜੂਦ ਭਾਰਤ ਨੇ ਜਨਤਾ ਨੂੰ ਰਾਹਤ ਦੇਣ ਲਈ ਅਮਰੀਕਾ 'ਤੇ ਦਬਾਅ ਬਣਾਇਆ ਅਤੇ ਰੂਸ ਤੋਂ ਸਸਤਾ ਤੇਲ ਖਰੀਦਿਆ। ਇਮਰਾਨ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਵੀ ਦੇਸ਼ ਦੀ ਸੁਤੰਤਰ ਵਿਦੇਸ਼ ਨੀਤੀ ਦੀ ਮਦਦ ਨਾਲ ਅਜਿਹੇ ਹੀ ਯਤਨ ਕਰ ਰਹੀ ਹੈ। ਪੀਟੀਆਈ ਮੁਖੀ ਨੇ ਭਾਰਤ ਵਿੱਚ ਪੈਟਰੋਲ ਅਤੇ ਡੀਜ਼ਲ ਦੀਆਂ ਘੱਟ ਕੀਮਤਾਂ ਬਾਰੇ ਇੱਕ ਰਿਪੋਰਟ ਨੂੰ ਰੀਟਵੀਟ ਕਰਦੇ ਹੋਏ ਇਹ ਗੱਲ ਕਹੀ।
ਇਸ ਤੋਂ ਪਹਿਲਾਂ ਅਪ੍ਰੈਲ ਵਿੱਚ ਵੀ ਪੀ.ਟੀ.ਆਈ. ਮੁਖੀ ਨੇ ਭਾਰਤ ਦੀ "ਖੁੱਦਾਰ ਕੌਮ" (ਬਹੁਤ ਸਵੈ-ਮਾਣ ਵਾਲੇ ਲੋਕ) ਵਜੋਂ ਪ੍ਰਸ਼ੰਸਾ ਕੀਤੀ ਸੀ ਅਤੇ ਕਿਹਾ ਸੀ ਕਿ ਕੋਈ ਵੀ ਮਹਾਂਸ਼ਕਤੀ ਗੁਆਂਢੀ ਦੇਸ਼ ਨੂੰ ਸ਼ਰਤਾਂ ਦਾ ਹੁਕਮ ਨਹੀਂ ਦੇ ਸਕਦੀ। ਇਹ ਸਵੀਕਾਰ ਕਰਦੇ ਹੋਏ ਕਿ ਨਵੀਂ ਦਿੱਲੀ ਅਤੇ ਇਸਲਾਮਾਬਾਦ ਦੋਵੇਂ ਚੰਗੇ ਰਿਸ਼ਤੇ ਨੂੰ ਸਾਂਝਾ ਨਾ ਕਰ ਸਕੇ।ਇਮਰਾਨ ਖਾਨ ਨੇ ਕਿਹਾ ਕਿ ਭਾਰਤ ਅਤੇ ਪਾਕਿਸਤਾਨ ਦੋਵਾਂ ਨੇ ਇਕੱਠੇ ਮਿਲ ਕੇ ਆਜ਼ਾਦੀ ਹਾਸਲ ਕੀਤੀ ਪਰ ਇਸਲਾਮਾਬਾਦ ਨੂੰ ਟਿਸ਼ੂ ਪੇਪਰ ਵਜੋਂ ਵਰਤਿਆ ਜਾ ਰਿਹਾ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਬ੍ਰਿਟੇਨ ’ਚ ਹੁਣ ਦੁਰਗਾ ਮੰਦਿਰ ਦੇ ਬਾਹਰ ਭੜਕਾਊ ਪ੍ਰਦਰਸ਼ਨ, ਲਾਏ ਅੱਲ੍ਹਾ-ਹੂ-ਅਕਬਰ ਦੇ ਨਾਅਰੇ (ਵੀਡੀਓ)
NEXT STORY 
