ਇੰਟਰਨੈਸ਼ਨਲ ਡੈਸਕ- ਇਕ ਪਾਸੇ ਚੀਨ ਵੱਲੋਂ ਤਾਈਵਾਨ 'ਤੇ ਹਮਲਾ ਕਰ ਕੇ ਕਬਜ਼ਾ ਕਰਨ ਦੀਆਂ ਚਰਚਾਵਾਂ ਸਾਹਮਣੇ ਆ ਰਹੀਆਂ ਹਨ, ਦੂਜੇ ਪਾਸੇ ਇਕ ਹੋਰ ਖ਼ਬਰ ਆਈ ਹੈ, ਜਿਸ ਨੇ ਚੀਨ ਨੂੰ ਸੋਚਣ 'ਤੇ ਮਜਬੂਰ ਕਰ ਦਿੱਤਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਅਮਰੀਕਾ ਅਤੇ ਤਾਈਵਾਨ ਇੱਕ ਸਾਂਝੀ ਰੱਖਿਆ ਰਣਨੀਤੀ 'ਤੇ ਕੰਮ ਕਰ ਰਹੇ ਹਨ ਜਿਸ ਦਾ ਨਾਮ "ਹੈੱਲਸਕੇਪ" (Hellscape) ਰੱਖਿਆ ਗਿਆ ਹੈ। ਇਸ ਦਾ ਮੁੱਖ ਮਕਸਦ ਚੀਨ ਵੱਲੋਂ ਤਾਈਵਾਨ 'ਤੇ ਸੰਭਾਵੀ ਹਮਲੇ ਨੂੰ ਰੋਕਣਾ ਅਤੇ ਨਾਕਾਮ ਕਰਨਾ ਹੈ।
ਇਸ ਰਣਨੀਤੀ ਤਹਿਤ ਤਾਈਵਾਨਦੀ ਖਾੜੀ 'ਚ ਹਜ਼ਾਰਾਂ ਦੀ ਗਿਣਤੀ 'ਚ ਸਸਤੇ, ਮਾਨਵ-ਰਹਿਤ ਹਵਾਈ ਅਤੇ ਸਮੁੰਦਰੀ ਡਰੋਨ, ਆਤਮਘਾਤੀ ਡਰੋਨ ਅਤੇ ਸਮੁੰਦਰੀ ਮਾਈਨਜ਼ ਤਾਇਨਾਤ ਕੀਤੇ ਜਾਣਗੇ। ਜਿਵੇਂ ਹੀ ਚੀਨੀ ਫ਼ੌਜ ਹਮਲਾ ਕਰੇਗੀ, ਇਹ ਡਰੋਨ ਸਮੁੰਦਰ ਅਤੇ ਆਸਮਾਨ ਨੂੰ ਚੀਨੀ ਫ਼ੌਜ ਲਈ ਨਰਕ ਬਣਾ ਦੇਣਗੇ।
ਇਹ ਵੀ ਪੜ੍ਹੋ- ਸਾਊਦੀ 'ਤੇ ਹੋ ਗਿਆ ਹਮਲਾ ! ਹੂਤੀਆਂ ਨੇ ਮੱਕਾ ਸ਼ਹਿਰ ਨੂੰ ਬਣਾਇਆ ਨਿਸ਼ਾਨਾ, ਏਅਰ ਡਿਫੈਂਸ ਸਿਸਟਮ ਨੇ...
ਇਸ ਰਣਨੀਤੀ ਦਾ ਮਕਸਦ ਚੀਨੀ ਹਮਲੇ ਦੀ ਰਫ਼ਤਾਰ ਨੂੰ ਹੌਲ਼ਾ ਕਰਨਾ ਹੈ, ਤਾਂ ਜੋ ਅਮਰੀਕਾ ਅਤੇ ਉਸ ਦੇ ਸਹਿਯੋਗੀ ਦੇਸ਼ਾਂ ਦੀਆਂ ਮੁੱਖ ਫ਼ੌਜੀ ਸ਼ਕਤੀਆਂ, ਜਹਾਜ਼ ਅਤੇ ਹਵਾਈ ਲੜਾਕੂ ਜਹਾਜ਼ਾਂ ਨੂੰ ਤਾਈਵਾਨ ਦੀ ਮਦਦ ਲਈ ਪਹੁੰਚਣ ਦਾ ਸਮਾਂ ਮਿਲ ਸਕੇ। ਪਰ ਇੰਨੀ ਵੱਡੀ ਗਿਣਤੀ 'ਚ ਡਰੋਨ ਬਣਾਉਣ ਲਈ ਵੱਡੇ ਪੱਧਰ 'ਤੇ ਉਦਯੋਗਿਕ ਸਮਰੱਥਾ ਦੀ ਲੋੜ ਹੈ, ਜੋ ਹਾਲੇ ਕਾਫ਼ੀ ਘੱਟ ਹੈ। ਫਿਲਹਾਲ ਤਾਈਵਾਨ 'ਚ ਇਸ ਗੱਲ 'ਤੇ ਬਹਿਸ ਚੱਲ ਰਹੀ ਹੈ ਕਿ ਡਰੋਨਾਂ 'ਤੇ ਕਿੰਨਾ ਖਰਚ ਕੀਤਾ ਜਾਵੇ ਅਤੇ ਬਾਕੀ ਹਥਿਆਰਾਂ 'ਤੇ ਕਿੰਨਾ।
ਮੀਡੀਆ ਰਿਪੋਰਟਾਂ 'ਚ ਚਿਤਾਵਨੀ ਦਿੱਤੀ ਗਈ ਹੈ ਕਿ ਜੇ ਤਾਈਵਾਨ 'ਚ ਜੰਗ ਹੁੰਦੀ ਹੈ, ਤਾਂ ਗਲੋਬਲ ਸੈਮੀਕੰਡਕਟਰ ਸਪਲਾਈ ਚੇਨ ਠੱਪ ਹੋ ਜਾਵੇਗੀ ਅਤੇ ਗਲੋਬਲ ਅਰਥਵਿਵਸਥਾ ਨੂੰ ਕਰੋੜਾਂ ਡਾਲਰਾਂ ਦਾ ਨੁਕਸਾਨ ਹੋਵੇਗਾ, ਜੋ ਕਿ ਦੂਜੇ ਵਿਸ਼ਵ ਯੁੱਧ ਤੋਂ ਵੀ ਵੱਡੀ ਤਬਾਹੀ ਲਿਆ ਸਕਦਾ ਹੈ।
ਇਹ ਵੀ ਪੜ੍ਹੋ- ਭਾਰਤ ਲਈ Good News ! ਨਿਊਜ਼ੀਲੈਂਡ ਦੀ ਸੰਸਦ 'ਚ ਪਾਸ ਹੋਇਆ Free Trade Agreement
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਅਫਗਾਨ ਮੈਡੀਕਲ ਵਿਦਿਆਰਥੀਆਂ ਨੇ ਪਾਕਿ ਸਰਕਾਰ ਨੂੰ ਲਗਾਈ ਗੁਹਾਰ
NEXT STORY 
