ਇੰਟਰਨੈਸ਼ਨਲ ਡੈਸਕ : ਬੰਗਲਾਦੇਸ਼ ਦੇ ਭੈਰਬ ਰੇਲਵੇ ਸਟੇਸ਼ਨ 'ਤੇ ਇੱਕ ਰੂਹ ਕੰਬਾਊ ਘਟਨਾ ਸਾਹਮਣੇ ਆਈ ਹੈ, ਜਿੱਥੇ ਇੱਕ ਪਿਤਾ ਨੇ ਆਪਣੀ ਬਹਾਦਰੀ ਅਤੇ ਸੂਝ-ਬੂਝ ਨਾਲ ਆਪਣੇ ਛੋਟੇ ਬੱਚੇ ਦੀ ਜਾਨ ਬਚਾ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ। ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਇੱਕ ਪਰਿਵਾਰ ਬ੍ਰਾਹਮਣਬਾਰੀਆ ਤੋਂ ਭੈਰਬ ਜਾ ਰਿਹਾ ਸੀ। ਉਹ 'ਤਿਤਾਸ ਕਮਿਊਟਰ' ਟ੍ਰੇਨ ਵਿੱਚ ਸਫਰ ਕਰ ਰਹੇ ਸਨ, ਜੋ ਕਿ ਆਪਣੇ ਨਿਰਧਾਰਿਤ ਸਮੇਂ ਤੋਂ ਕਰੀਬ ਡੇਢ ਘੰਟਾ ਦੇਰੀ ਨਾਲ ਸਟੇਸ਼ਨ ਪਹੁੰਚੀ ਸੀ।
ਜਦੋਂ ਟ੍ਰੇਨ ਸਟੇਸ਼ਨ ਤੋਂ ਦੁਬਾਰਾ ਚੱਲਣ ਲੱਗੀ, ਤਾਂ ਪਿਤਾ ਆਪਣੇ ਬੱਚੇ ਨੂੰ ਗੋਦ ਵਿੱਚ ਲੈ ਕੇ ਉਤਰਨ ਦੀ ਕੋਸ਼ਿਸ਼ ਕਰਨ ਲੱਗਾ। ਇਸ ਦੌਰਾਨ ਬੱਚਾ ਅਚਾਨਕ ਹੱਥੋਂ ਫਿਸਲ ਕੇ ਪਲੇਟਫਾਰਮ ਤੇ ਟ੍ਰੇਨ ਦੇ ਵਿਚਕਾਰਲੀ ਤੰਗ ਜਗ੍ਹਾ ਰਾਹੀਂ ਰੇਲਵੇ ਟ੍ਰੈਕ 'ਤੇ ਡਿੱਗ ਗਿਆ। ਆਪਣੇ ਜਿਗਰ ਦੇ ਟੁਕੜੇ ਨੂੰ ਮੌਤ ਦੇ ਸਾਹਮਣੇ ਦੇਖ ਕੇ ਪਿਤਾ ਨੇ ਇੱਕ ਪਲ ਦੀ ਵੀ ਦੇਰੀ ਨਹੀਂ ਕੀਤੀ ਅਤੇ ਖੁਦ ਵੀ ਟ੍ਰੈਕ 'ਤੇ ਛਾਲ ਮਾਰ ਦਿੱਤੀ।
ਪਿਤਾ ਨੇ ਤੁਰੰਤ ਬੱਚੇ ਨੂੰ ਆਪਣੇ ਸੀਨੇ ਨਾਲ ਲਗਾ ਲਿਆ ਅਤੇ ਪਲੇਟਫਾਰਮ ਦੀ ਕੰਧ ਨਾਲ ਪੂਰੀ ਤਾਕਤ ਨਾਲ ਚਿਪਕ ਗਿਆ। ਦੇਖਦੇ ਹੀ ਦੇਖਦੇ ਟ੍ਰੇਨ ਦੇ ਅੱਠ ਡੱਬੇ ਉਨ੍ਹਾਂ ਦੇ ਉੱਪਰੋਂ ਲੰਘ ਗਏ। ਸਟੇਸ਼ਨ 'ਤੇ ਮੌਜੂਦ ਲੋਕ ਇਹ ਖੌਫਨਾਕ ਮੰਜ਼ਰ ਦੇਖ ਕੇ ਦਹਿਸ਼ਤ ਵਿੱਚ ਆ ਗਏ, ਪਰ ਜਿਵੇਂ ਹੀ ਟ੍ਰੇਨ ਅੱਗੇ ਵਧੀ, ਲੋਕਾਂ ਨੇ ਦੇਖਿਆ ਕਿ ਪਿਤਾ ਅਤੇ ਬੱਚਾ ਦੋਵੇਂ ਬਿਲਕੁਲ ਸੁਰੱਖਿਅਤ ਸਨ। ਇਸ ਚਮਤਕਾਰੀ ਬਚਾਅ ਨੂੰ ਦੇਖ ਕੇ ਉੱਥੇ ਮੌਜੂਦ ਲੋਕਾਂ ਨੇ ਤਾਲੀਆਂ ਵਜਾ ਕੇ ਪਿਤਾ ਦੀ ਬਹਾਦਰੀ ਦੀ ਸ਼ਲਾਘਾ ਕੀਤੀ। ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਲੋਕ ਇਸ ਪਿਤਾ ਨੂੰ 'ਅਸਲੀ ਹੀਰੋ' ਦਾ ਦਰਜਾ ਦੇ ਰਹੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
ਦੁਨੀਆ ਦੀ ਤੇਲ ਲਾਈਫਲਾਈਨ ’ਤੇ ਖਤਰਾ, ਕੀਮਤਾਂ 200 ਡਾਲਰ ਤੱਕ ਪਹੁੰਚਣ ਦਾ ਖਦਸ਼ਾ
NEXT STORY 
