ਇੰਟਰਨੈਸ਼ਨਲ ਡੈਸਕ- ਅਮਰੀਕਾ ਅਤੇ ਇਰਾਨ ਵਿਚਕਾਰ ਵਧਦੇ ਤਣਾਅ ਦੇ ਮੱਦੇਨਜ਼ਰ ਕਈ ਪ੍ਰਮੁੱਖ ਯੂਰਪੀਅਨ ਏਅਰਲਾਈਨਾਂ ਨੇ ਮੱਧ ਪੂਰਬ ਲਈ ਆਪਣੀਆਂ ਉਡਾਣਾਂ ਮੁਅੱਤਲ ਜਾਂ ਰੱਦ ਕਰ ਦਿੱਤੀਆਂ ਹਨ। ਇਹ ਫੈਸਲਾ ਸੁਰੱਖਿਆ ਚਿੰਤਾਵਾਂ ਅਤੇ ਖੇਤਰ ਵਿੱਚ ਅਮਰੀਕੀ ਫੌਜੀ ਗਤੀਵਿਧੀਆਂ ਵਧਣ ਕਾਰਨ ਲਿਆ ਗਿਆ ਹੈ।
ਏਅਰ ਫਰਾਂਸ, ਕੇ.ਐੱਲ.ਐੱਮ., ਲੁਫਥਾਂਸਾ ਅਤੇ ਬ੍ਰਿਟਿਸ਼ ਏਅਰਵੇਜ਼ ਵਰਗੀਆਂ ਏਅਰਲਾਈਨ ਕੰਪਨੀਆਂ ਨੇ ਦੁਬਈ, ਰਿਆਦ, ਦਮਾਮ, ਤੇਲ ਅਵੀਵ ਅਤੇ ਤਹਿਰਾਨ ਵਰਗੇ ਅਹਿਮ ਸ਼ਹਿਰਾਂ ਲਈ ਸੇਵਾਵਾਂ ਬੰਦ ਕਰ ਦਿੱਤੀਆਂ ਹਨ। ਕਈ ਏਅਰਲਾਈਨਾਂ ਨੇ ਅਹਿਤਿਆਤ ਵਜੋਂ ਇਰਾਨ, ਇਰਾਕ ਅਤੇ ਇਜ਼ਰਾਈਲ ਦੇ ਹਵਾਈ ਖੇਤਰਦੀ ਵਰਤੋਂ ਕਰਨ ਤੋਂ ਵੀ ਗੁਰੇਜ਼ ਕੀਤਾ ਹੈ।
ਇਹ ਵੀ ਪੜ੍ਹੋ- US, UK ਤੇ ਕੈਨੇਡਾ ਮਗਰੋਂ ਹੁਣ ਇਸ ਦੇਸ਼ ਨੇ ਵੀ ਕੀਤੀ ਸਖ਼ਤੀ ! ਭਾਰਤੀਆਂ ਦੇ 40 ਫ਼ੀਸਦੀ ਵੀਜ਼ੇ ਕੀਤੇ ਰੱਦ
ਇਹ ਵਿਘਨ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੁਆਰਾ ਇਲਾਕੇ 'ਚ ਜੰਗੀ ਬੇੜੇ ਤਾਇਨਾਤ ਕਰਨ ਅਤੇ ਇਰਾਨੀ ਸਰਕਾਰ ਵਿਰੁੱਧ ਹਮਲੇ ਦੀਆਂ ਧਮਕੀਆਂ ਦੇਣ ਤੋਂ ਬਾਅਦ ਸ਼ੁਰੂ ਹੋਇਆ ਹੈ। ਟਰੰਪ ਨੇ ਇਹ ਚਿਤਾਵਨੀਆਂ ਇਰਾਨ ਵਿੱਚ ਪ੍ਰਦਰਸ਼ਨਕਾਰੀਆਂ 'ਤੇ ਕੀਤੇ ਗਏ ਹਿੰਸਕ ਕਰੈਕਡਾਊਨ ਦੇ ਜਵਾਬ ਵਿੱਚ ਦਿੱਤੀਆਂ ਹਨ।
ਦੱਸਿਆ ਜਾ ਰਿਹਾ ਹੈ ਕਿ ਅਮਰੀਕਾ ਦੇ 4 'ਬੋਇੰਗ KC-135 ਸਟ੍ਰੈਟੋਟੈਂਕਰ' ਰੀਫਿਊਲਿੰਗ ਜਹਾਜ਼ਾਂ ਨੇ ਕੈਲੀਫੋਰਨੀਆ ਤੋਂ ਉਡਾਣ ਭਰ ਕੇ ਸਪੇਨ ਦੇ ਮੋਰੋਨ ਏਅਰ ਬੇਸ 'ਤੇ ਡੇਰੇ ਲਾ ਲਏ ਹਨ। ਇਹ ਏਅਰ ਬੇਸ ਅਮਰੀਕਾ ਲਈ ਰਣਨੀਤਕ ਤੌਰ 'ਤੇ ਬੇਹੱਦ ਮਹੱਤਵਪੂਰਨ ਹੈ ਕਿਉਂਕਿ ਇਹ B-2 ਸਟੈਲਥ ਬੰਬਾਰ ਜਹਾਜ਼ਾਂ ਨੂੰ ਹਵਾ ਵਿੱਚ ਤੇਲ ਸਪਲਾਈ ਕਰਕੇ ਇਰਾਨ 'ਤੇ ਸਿੱਧੇ ਹਮਲੇ ਕਰਨ ਦੇ ਯੋਗ ਬਣਾਉਂਦਾ ਹੈ।
ਇਹ ਵੀ ਪੜ੍ਹੋ- ਖਿੱਚ ਲਓ ਤਿਆਰੀ ! ਅਮਰੀਕਾ ਨੇ ਜੰਗੀ ਬੇੜੇ ਭੇਜ ਫੌਜ ਕਰ'ਤੀ ਅਲਰਟ, ਬਸ ਹਮਲੇ ਦੇ ਹੁਕਮਾਂ ਦਾ ਇੰਤਜ਼ਾਰ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਅਮਰੀਕਾ 'ਚ ਭਾਰੀ ਬਰਫਬਾਰੀ ਦਾ ਅਲਰਟ! Air India ਨੇ ਜਾਰੀ ਕੀਤੀ ਐਡਵਾਈਜ਼ਰੀ, ਉਡਾਣਾਂ ਰੱਦ
NEXT STORY 
