ਵਾਸ਼ਿੰਗਟਨ : ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਆਪਣੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਟਰੂਥ ਸੋਸ਼ਲ' 'ਤੇ ਇਰਾਨ ਵਿਰੁੱਧ ਤਿੱਖਾ ਹਮਲਾ ਬੋਲਦਿਆਂ ਇੱਕ ਪੋਸਟ ਸਾਂਝੀ ਕੀਤੀ ਹੈ। ਟਰੰਪ ਨੇ ਦਾਅਵਾ ਕੀਤਾ ਹੈ ਕਿ ਇਰਾਨੀ ਸ਼ਾਸਨ ਕੋਲ ਇਸ ਸਮੇਂ ਕੋਈ ਵੀ ਮਜ਼ਬੂਤ ਪੱਖ ਜਾਂ 'ਕਾਰਡ' ਨਹੀਂ ਬਚਿਆ ਹੈ।
ਟਰੰਪ ਅਨੁਸਾਰ, ਇਰਾਨ ਸਿਰਫ਼ ਅੰਤਰਰਾਸ਼ਟਰੀ ਜਲ ਮਾਰਗਾਂ ਦੀ ਵਰਤੋਂ ਕਰਕੇ ਦੁਨੀਆ ਤੋਂ ਥੋੜ੍ਹੇ ਸਮੇਂ ਲਈ ਜਬਰਨ ਵਸੂਲੀ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਉਨ੍ਹਾਂ ਨੇ ਸਪੱਸ਼ਟ ਸ਼ਬਦਾਂ ਵਿਚ ਕਿਹਾ ਕਿ ਇਰਾਨੀ ਸ਼ਾਸਨ ਦੇ ਅੱਜ ਹੋਂਦ ਵਿੱਚ ਰਹਿਣ ਦਾ ਇੱਕੋ-ਇੱਕ ਕਾਰਨ ਇਹ ਹੈ ਕਿ ਉਹ ਗੱਲਬਾਤ ਦੀ ਮੇਜ਼ 'ਤੇ ਆਉਣ।
ਇਰਾਨ ਦੀ ਫੌਜੀ ਸਮਰੱਥਾ ਅਤੇ ਰਣਨੀਤੀ 'ਤੇ ਤੰਜ਼ ਕੱਸਦਿਆਂ ਟਰੰਪ ਨੇ ਲਿਖਿਆ ਕਿ ਇਰਾਨੀ ਲੋਕ ਅਸਲ ਲੜਾਈ ਲੜਨ ਨਾਲੋਂ 'ਫੇਕ ਨਿਊਜ਼ ਮੀਡੀਆ' ਅਤੇ 'ਪਬਲਿਕ ਰਿਲੇਸ਼ਨਜ਼' (PR) ਨੂੰ ਸੰਭਾਲਣ ਵਿੱਚ ਕਿਤੇ ਜ਼ਿਆਦਾ ਮਾਹਿਰ ਹਨ। ਉਨ੍ਹਾਂ ਮੁਤਾਬਕ ਇਰਾਨ ਆਪਣੀ ਅਸਲ ਤਾਕਤ ਦਿਖਾਉਣ ਦੀ ਬਜਾਏ ਮੀਡੀਆ ਰਾਹੀਂ ਆਪਣਾ ਪ੍ਰਭਾਵ ਬਣਾਉਣ ਦੀ ਕੋਸ਼ਿਸ਼ ਜ਼ਿਆਦਾ ਕਰਦਾ ਹੈ।
ਇਹ ਬਿਆਨ ਅਜਿਹੇ ਸਮੇਂ ਆਇਆ ਹੈ ਜਦੋਂ ਅਮਰੀਕਾ ਅਤੇ ਇਰਾਨ ਦੇ ਵਿਚਕਾਰ ਪ੍ਰਮਾਣੂ ਵਚਨਬੱਧਤਾਵਾਂ ਅਤੇ ਜੰਗਬੰਦੀ ਨੂੰ ਲੈ ਕੇ ਤਣਾਅ ਬਣਿਆ ਹੋਇਆ ਹੈ।
'Artemis II' ਮਿਸ਼ਨ: ਚੰਦ ਦਾ ਚੱਕਰ ਲਗਾ ਕੇ ਕੁਝ ਘੰਟਿਆਂ 'ਚ ਧਰਤੀ 'ਤੇ ਉਤਰਨਗੇ ਪੁਲਾੜ ਯਾਤਰੀ
NEXT STORY 
