ਸਪੋਰਟਸ ਡੈਸਕ- ਇੰਡੀਅਨ ਪ੍ਰੀਮੀਅਰ ਲੀਗ 2026 ਵਿੱਚ ਆਪਣੀ ਤੂਫਾਨੀ ਬੱਲੇਬਾਜ਼ੀ ਨਾਲ ਸਨਸਨੀ ਮਚਾਉਣ ਵਾਲੇ ਰਾਜਸਥਾਨ ਰਾਇਲਜ਼ ਦੇ ਮਹਿਜ਼ 15 ਸਾਲਾ ਬੱਲੇਬਾਜ਼ ਵੈਭਵ ਸੂਰਿਆਵੰਸ਼ੀ ਨੇ ਇੱਕ ਅਜਿਹਾ ਬਿਆਨ ਦਿੱਤਾ ਹੈ ਜਿਸ ਨੇ ਪੂਰੇ ਕ੍ਰਿਕਟ ਜਗਤ ਨੂੰ ਹੈਰਾਨ ਕਰ ਦਿੱਤਾ ਹੈ। ਇੰਗਲੈਂਡ ਦੇ ਸਾਬਕਾ ਕਪਤਾਨ ਕੇਵਿਨ ਪੀਟਰਸਨ ਨਾਲ ਗੱਲਬਾਤ ਦੌਰਾਨ ਵੈਭਵ ਨੇ ਖੁਲਾਸਾ ਕੀਤਾ ਕਿ ਉਸ ਦਾ ਅਸਲੀ ਸੁਪਨਾ ਟੀ-20 ਕ੍ਰਿਕਟ ਵਿੱਚ 200 ਦੌੜਾਂ ਬਣਾਉਣਾ ਹੈ।
ਵੈਭਵ ਨੇ ਦੱਸਿਆ ਕਿ ਉਸ ਨੂੰ ਸਿਰਫ਼ ਅਰਧ ਸੈਂਕੜੇ ਬਣਾ ਕੇ ਸੰਤੁਸ਼ਟੀ ਨਹੀਂ ਮਿਲਦੀ। ਉਹ ਦਿੱਗਜ ਬੱਲੇਬਾਜ਼ ਕ੍ਰਿਸ ਗੇਲ ਦੇ 175 ਦੌੜਾਂ ਦੇ ਵਿਸ਼ਵ ਰਿਕਾਰਡ ਨੂੰ ਤੋੜਨਾ ਚਾਹੁੰਦਾ ਹੈ, ਜੋ ਗੇਲ ਨੇ ਆਈਪੀਐਲ 2013 ਵਿੱਚ ਆਰ.ਸੀ.ਬੀ. ਲਈ ਖੇਡਦਿਆਂ ਬਣਾਇਆ ਸੀ। ਵੈਭਵ ਨੇ ਪੂਰੇ ਆਤਮ-ਵਿਸ਼ਵਾਸ ਨਾਲ ਕਿਹਾ, "ਜੇਕਰ ਮੈਂ ਕਿਸੇ ਮੈਚ ਵਿੱਚ ਪੂਰੇ 20 ਓਵਰ ਬੱਲੇਬਾਜ਼ੀ ਕਰਦਾ ਹਾਂ, ਤਾਂ ਮੈਂ 175 ਦੌੜਾਂ ਦਾ ਰਿਕਾਰਡ ਤੋੜ ਸਕਦਾ ਹਾਂ"।
ਇਹ ਵੀ ਪੜ੍ਹੋ- 28 ਦੇ ਨਾਲ-ਨਾਲ 29 ਮਈ ਨੂੰ ਵੀ ਛੁੱਟੀ ਦਾ ਐਲਾਨ !
ਵੈਭਵ ਅਨੁਸਾਰ, ਉਸ ਨੂੰ 'ਨਰਵਸ ਨਾਈਂਟੀਜ਼' (90 ਦੇ ਅੰਕੜੇ 'ਤੇ ਘਬਰਾਹਟ) ਦਾ ਕੋਈ ਦਬਾਅ ਮਹਿਸੂਸ ਨਹੀਂ ਹੁੰਦਾ ਅਤੇ ਉਹ ਹਮੇਸ਼ਾ ਆਪਣੀ ਕੁਦਰਤੀ ਖੇਡ ਖੇਡਦਾ ਹੈ। ਉਸ ਦਾ ਇਹ ਆਤਮ-ਵਿਸ਼ਵਾਸ ਉਸ ਦੇ ਪਿਛਲੇ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਆਉਂਦਾ ਹੈ। ਵੈਭਵ ਨੇ ਘਰੇਲੂ ਕ੍ਰਿਕਟ ਵਿੱਚ ਇੱਕ ਵਾਰ ਪੂਰੇ 50 ਓਵਰ ਬੱਲੇਬਾਜ਼ੀ ਕਰਕੇ 335 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ ਸੀ। ਅੰਡਰ-19 ਵਿਸ਼ਵ ਕੱਪ ਦੇ ਫਾਈਨਲ ਵਿੱਚ ਵੀ ਉਸ ਨੇ 175 ਦੌੜਾਂ ਬਣਾਈਆਂ ਸਨ। ਵਿਜੇ ਹਜ਼ਾਰੇ ਟਰਾਫੀ (2025-26) ਵਿੱਚ ਬਿਹਾਰ ਲਈ ਖੇਡਦਿਆਂ ਵੈਭਵ 190 ਦੌੜਾਂ ਤੱਕ ਪਹੁੰਚਿਆ ਸੀ।
ਇਹ ਵੀ ਪੜ੍ਹੋ- ਬਿਨਾਂ ਮੈਚ ਖੇਡੇ ਫਾਈਨਲ 'ਚ ਪਹੁੰਚ ਜਾਏਗੀ RCB!
ਮਾਹਿਰਾਂ ਦਾ ਮੰਨਣਾ ਹੈ ਕਿ ਇੰਨੀ ਛੋਟੀ ਉਮਰ ਵਿੱਚ ਇੰਨੀ ਵੱਡੀ ਸੋਚ ਅਤੇ ਤੂਫ਼ਾਨੀ ਬੱਲੇਬਾਜ਼ੀ ਦਾ ਅੰਦਾਜ਼ ਵੈਭਵ ਸੂਰਿਆਵੰਸ਼ੀ ਨੂੰ ਭਾਰਤੀ ਕ੍ਰਿਕਟ ਦਾ ਅਗਲਾ ਵੱਡਾ ਸੁਪਰਸਟਾਰ ਬਣਾ ਰਿਹਾ ਹੈ। ਉਸ ਦੀ ਇਸ ਨਿਡਰ ਸੋਚ ਨੇ ਵਿਰੋਧੀ ਟੀਮਾਂ ਲਈ ਖ਼ਤਰੇ ਦੀ ਘੰਟੀ ਵਜਾ ਦਿੱਤੀ ਹੈ।
ਇਹ ਵੀ ਪੜ੍ਹੋ- ਕ੍ਰਿਕਟ ਦੇ ਨਿਯਮਾਂ 'ਚ ਹੋਣਗੇ ਵੱਡੇ ਬਦਲਾਅ! ICC ਨੇ ਤਿਆਰ ਕੀਤਾ ਪਲਾਨ
ਬਿਨਾਂ ਮੈਚ ਖੇਡੇ ਫਾਈਨਲ 'ਚ ਪਹੁੰਚ ਜਾਏਗੀ RCB! ਜਾਣੋ IPL ਦੇ ਖ਼ਾਸ ਨਿਯਮ ਬਾਰੇ
NEXT STORY 
