ਇੰਟਰਨੈਸ਼ਨਲ ਡੈਸਕ- ਇਰਾਨ ਦੇ ਸੀਨੀਅਰ ਅਧਿਕਾਰੀ ਮੋਹਸਿਨ ਰਜ਼ਾਈ ਨੇ ਅਮਰੀਕਾ ਨੂੰ ਧਮਕੀ ਦਿੰਦੇ ਹੋਏ ਕਿਹਾ ਕਿ ਹੋਰਮੁਜ਼ ਸਟ੍ਰੇਟ ਨੂੰ ਅਮਰੀਕੀ ਫੌਜ ਦੀ ਕਬਰਗਾਹ ਬਣਾ ਦਿੱਤਾ ਜਾਵੇਗਾ। ਮੋਹਸਿਨ ਰਜ਼ਾਈ ਪਹਿਲਾਂ ਇਰਾਨ ਦੀ ਰੈਵੋਲਿਊਸ਼ਨਰੀ ਗਾਰਡ ਵਿਚ ਕਮਾਂਡਰ ਰਹਿ ਚੁੱਕੇ ਹਨ। ਉਨ੍ਹਾਂ ਅਮਰੀਕੀ ਫੌਜ ਨੂੰ ਸਮੁੰਦਰੀ ਲੁਟੇਰਾ (ਪਾਇਰੇਟ) ਦੱਸਦੇ ਹੋਏ ਕਿਹਾ ਕਿ ਅਮਰੀਕਾ ਦੁਨੀਆ ਦਾ ਇਕਲੌਤਾ ਅਜਿਹਾ ਪਾਇਰੇਟ ਹੈ ਜਿਸ ਕੋਲ ਏਅਰਕ੍ਰਾਫਟ ਕੈਰੀਅਰ ਹਨ।
ਰਜ਼ਾਈ ਨੇ ਪਿਛਲੇ ਮਹੀਨੇ ਇਸਫਹਾਨ ਵਿਚ ਇਕ ਅਮਰੀਕੀ ਐੱਫ-15ਈ ਜਹਾਜ਼ ਡੇਗੇ ਜਾਣ ਦਾ ਜ਼ਿਕਰ ਕਰਦੇ ਹੋਏ ਕਿਹਾ ਕਿ ਜਿਵੇਂ ਉਸ ਜਹਾਜ਼ ਦਾ ਮਲਬਾ ਪਿਆ ਸੀ, ਉਸੇ ਤਰ੍ਹਾਂ ਅਮਰੀਕੀ ਜਹਾਜ਼ਾਂ ਤੇ ਫੌਜੀਆਂ ਦਾ ਵੀ ਅੰਜਾਮ ਹੋ ਸਕਦਾ ਹੈ। ਟਰੰਪ ਵੱਲੋਂ ਇਰਾਨ ਦੇ ਨਵੇਂ ਸ਼ਾਂਤੀ ਪ੍ਰਸਤਾਵ ਨੂੰ ਨਾਮਨਜ਼ੂਰ ਕਰਨ ਦੇ ਸੰਕੇਤ ਦੇਣ ਤੋਂ ਬਾਅਦ ਇਰਾਨ ਨੇ ਕਿਹਾ ਹੈ ਕਿ ਹੁਣ ਅਗਲਾ ਕਦਮ ਪੂਰੀ ਤਰ੍ਹਾਂ ਅਮਰੀਕਾ ’ਤੇ ਨਿਰਭਰ ਕਰਦਾ ਹੈ। ਇਰਾਨ ਦੇ ਉਪ-ਵਿਦੇਸ਼ ਮੰਤਰੀ ਕਾਜ਼ੇਮ ਗਰੀਬਾਬਾਦੀ ਨੇ ਕਿਹਾ ਕਿ ਕੂਟਨੀਤੀ ਦਾ ਰਸਤਾ ਅਪਣਾਉਣਾ ਹੈ ਜਾਂ ਟਕਰਾਅ ਵਾਲਾ ਰੁਖ਼ ਜਾਰੀ ਰੱਖਣਾ ਹੈ, ਇਹ ਫੈਸਲਾ ਹੁਣ ਅਮਰੀਕਾ ਨੇ ਕਰਨਾ ਹੈ। ਇਰਾਨ ਦੋਵਾਂ ਬਦਲਾਂ ਲਈ ਪੂਰੀ ਤਰ੍ਹਾਂ ਤਿਆਰ ਹੈ।
ਇਹ ਵੀ ਪੜ੍ਹੋ- ਗਰਮੀ ਦੀਆਂ ਛੁੱਟੀਆਂ ਤੋਂ ਪਹਿਲਾਂ ਵੱਡਾ ਐਲਾਨ ! Air India ਨੇ ਯਾਤਰੀਆਂ ਨੂੰ ਦਿੱਤਾ ਝਟਕਾ
ਟਰੰਪ ਦਾ ਫੌਜੀ ਕਾਰਵਾਈ ਦਾ ਇਸ਼ਾਰਾ
ਇਸੇ ਦੌਰਾਨ ਫਲੋਰੀਡਾ ’ਚ ਇਕ ਪ੍ਰੋਗਰਾਮ ਵਿਚ ਬੋਲਦੇ ਹੋਏ ਟਰੰਪ ਨੇ ਫੌਜੀ ਕਾਰਵਾਈ ਦੀ ਸੰਭਾਵਨਾ ਤੋਂ ਇਨਕਾਰ ਨਹੀਂ ਕੀਤਾ। ਉਨ੍ਹਾਂ ਕਿਹਾ ਕਿ ਜੇਕਰ ਉਹ ਬਦਸਲੂਕੀ ਕਰਦੇ ਹਨ ਜਾਂ ਕੁਝ ਗਲਤ ਕਰਦੇ ਹਨ ਤਾਂ ਅਸੀਂ ਦੇਖਾਂਗੇ। ਇਹ ਯਕੀਨੀ ਤੌਰ ’ਤੇ ਇਕ ਬਦਲ ਹੈ। ਟਰੰਪ ਨੇ ਚਿਤਾਵਨੀ ਦਿੱਤੀ ਹੈ ਕਿ ਜੇਕਰ ਇਰਾਨ ਨੇ ਕੋਈ ਗਲਤੀ ਕੀਤੀ ਤਾਂ ਉਸ ’ਤੇ ਮੁੜ ਹਮਲੇ ਹੋ ਸਕਦੇ ਹਨ।
ਇਰਾਨ ਨੇ 30 ਦਿਨਾਂ ਅੰਦਰ ਜੰਗ ਖਤਮ ਕਰਨ ਦਾ ਦਿੱਤਾ ਪ੍ਰਸਤਾਵ
ਵਧਦੇ ਜਾ ਰਹੇ ਤਣਾਅ ਵਿਚਾਲੇ ਇਰਾਨ ਨੇ ਅਮਰੀਕਾ ਨੂੰ ਭੇਜੇ ਤਾਜ਼ਾ ਪ੍ਰਸਤਾਵ ਵਿਚ ਦੋਵਾਂ ਦੇਸ਼ਾਂ ਵਿਚਾਲੇ ਡੈੱਡਲਾਕ ਲਈ ਜ਼ਿੰਮੇਵਾਰ ਮੁੱਦਿਆਂ ਨੂੰ 30 ਦਿਨਾਂ ਦੇ ਅੰਦਰ ਹੱਲ ਕਰਨ ਦਾ ਸੱਦਾ ਦਿੱਤਾ ਹੈ। ਉਸ ਨੇ ਕਿਹਾ ਕਿ ਇਸ ਦਾ ਉਦੇਸ਼ ਜੰਗਬੰਦੀ ਨੂੰ ਵਧਾਉਣ ਦੀ ਬਜਾਏ ਜੰਗ ਨੂੰ ਖਤਮ ਕਰਨਾ ਹੈ। ਇਰਾਨੀ ਸਰਕਾਰ ਨਾਲ ਜੁੜੀ ਮੀਡੀਆ ਨੇ ਇਹ ਖਬਰ ਦਿੱਤੀ।
ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਉਹ ਜੰਗ ਖਤਮ ਕਰਨ ਲਈ ਇਰਾਨ ਦੇ ਇਕ ਨਵੇਂ ਪ੍ਰਸਤਾਵ ’ਤੇ ਵਿਚਾਰ ਕਰ ਰਹੇ ਹਨ ਪਰ ਉਨ੍ਹਾਂ ਨੇ ਇਰਾਨ ਨਾਲ ਕੋਈ ਸਮਝੌਤਾ ਹੋਣ ਦੀ ਸੰਭਾਵਨਾ ’ਤੇ ਸ਼ੱਕ ਵੀ ਜ਼ਾਹਿਰ ਕੀਤਾ। ਇਰਾਨ ਦੇ ਸੁਰੱਖਿਆ ਅਦਾਰਿਆਂ ਨਾਲ ਨਜ਼ਦੀਕੀ ਸਬੰਧ ਰੱਖਣ ਵਾਲੀ ਅਰਧ-ਸਰਕਾਰੀ ‘ਨੂਰ ਨਿਊਜ਼ ਏਜੰਸੀ’ ਨੇ ਖਬਰ ਦਿੱਤੀ ਕਿ ਖਾੜੀ ਦੇਸ਼ ਵੱਲੋਂ ਭੇਜੇ ਗਏ 14 ਸੂਤਰੀ ਪ੍ਰਸਤਾਵ ਵਿਚ ਜੰਗਬੰਦੀ ਦੀ ਮਿਆਦ ਵਧਾਉਣ ਦੀ ਬਜਾਏ ਜੰਗ ਨੂੰ ਖਤਮ ਕਰਨ ਦਾ ਸੱਦਾ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ- ਹੋਰਮੁਜ਼ ਪਹਿਲਾ ਨਹੀਂ, ਲੰਬੇ ਸਮੇਂ ਤੋਂ ਜੰਗ 'ਚ 'ਹਥਿਆਰ' ਵਾਂਗ ਵਰਤੀ ਜਾ ਰਹੀ 'ਨਾਕਾਬੰਦੀ', ਜਾਣੋ ਇਤਿਹਾਸ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
150 ਯਾਤਰੀਆਂ ਨੂੰ ਲਿਜਾ ਰਹੇ ਕਰੂਜ਼ ਜਹਾਜ਼ 'ਤੇ 'ਹੰਟਾਵਾਇਰਸ' ਫੈਲਣ ਦਾ ਖਦਸ਼ਾ! ਹੁਣ ਤੱਕ 3 ਮੌਤਾਂ
NEXT STORY 
