ਦਮਿਸ਼ਕ : ਇਜ਼ਰਾਈਲ ਨੇ ਐਤਵਾਰ ਦੇਰ ਰਾਤ ਸੀਰੀਆ ਦੇ ਕਈ ਇਲਾਕਿਆਂ 'ਚ ਹਮਲੇ ਕੀਤੇ, ਜਿਸ 'ਚ ਘੱਟੋ-ਘੱਟ 14 ਲੋਕ ਮਾਰੇ ਗਏ ਤੇ 40 ਤੋਂ ਵੱਧ ਜ਼ਖਮੀ ਹੋ ਗਏ। ਸਰਕਾਰੀ ਮੀਡੀਆ ਨੇ ਇਹ ਜਾਣਕਾਰੀ ਦਿੱਤੀ। ਸੀਰੀਆ ਦੀ ਸਰਕਾਰੀ ਸਮਾਚਾਰ ਏਜੰਸੀ SANA ਨੇ ਕਿਹਾ ਕਿ ਇਜ਼ਰਾਈਲੀ ਹਮਲੇ ਨੇ ਐਤਵਾਰ ਦੇਰ ਰਾਤ ਮੱਧ ਸੀਰੀਆ ਦੇ ਕਈ ਖੇਤਰਾਂ ਨੂੰ ਨਿਸ਼ਾਨਾ ਬਣਾਇਆ, ਜਿਸ ਨਾਲ ਹਮਾਸ ਪ੍ਰਾਂਤ ਵਿਚ ਇੱਕ ਹਾਈਵੇਅ ਨੂੰ ਨੁਕਸਾਨ ਪਹੁੰਚਿਆ ਅਤੇ ਅੱਗ ਲੱਗ ਗਈ। ਇਸ ਮਗਰੋਂ ਫਾਇਰ ਬ੍ਰਿਗੇਡ ਮੁਲਾਜ਼ਮ ਸੋਮਵਾਰ ਦੀ ਸਵੇਰ ਨੂੰ ਅੱਗ ਬੁਝਾਉਣ ਲਈ ਸੰਘਰਸ਼ ਕਰਦੇ ਰਹੇ ਸਨ।
ਪੱਛਮੀ ਹਮਾਸ ਸੂਬੇ ਦੇ ਮਾਸਯਾਫ ਨੈਸ਼ਨਲ ਹਸਪਤਾਲ ਦੀਆਂ ਸ਼ੁਰੂਆਤੀ ਰਿਪੋਰਟਾਂ ਅਨੁਸਾਰ ਮਰਨ ਵਾਲਿਆਂ ਦੀ ਗਿਣਤੀ ਚਾਰ ਸੀ। ਹਸਪਤਾਲ ਦੇ ਮੁਖੀ ਫੈਜ਼ਲ ਹੈਦਰ ਦਾ ਹਵਾਲਾ ਦਿੰਦੇ ਹੋਏ 'ਸਾਨਾ' ਨੇ ਆਪਣੀ ਰਿਪੋਰਟ 'ਚ ਕਿਹਾ ਹੈ ਕਿ ਮਰਨ ਵਾਲਿਆਂ ਦੀ ਗਿਣਤੀ 14 ਤੱਕ ਪਹੁੰਚ ਗਈ ਹੈ ਜਦਕਿ 40 ਹੋਰ ਜ਼ਖਮੀਆਂ ਨੂੰ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ। ਸੀਰੀਅਨ ਆਬਜ਼ਰਵੇਟਰੀ ਫਾਰ ਹਿਊਮਨ ਰਾਈਟਸ, ਜੋ ਕਿ ਬ੍ਰਿਟਿਸ਼ ਦੁਆਰਾ ਚਲਾਇਆ ਜਾਂਦਾ ਹੈ, ਨੇ ਦੱਸਿਆ ਕਿ ਇੱਕ ਹਮਲੇ ਨੇ ਮਾਸਯਾਫ ਵਿੱਚ ਇੱਕ ਵਿਗਿਆਨਕ ਖੋਜ ਕੇਂਦਰ ਅਤੇ ਹੋਰ ਸਾਈਟਾਂ ਨੂੰ ਨਿਸ਼ਾਨਾ ਬਣਾਇਆ ਜਿੱਥੇ 'ਈਰਾਨੀ ਮਿਲੀਸ਼ੀਆ ਅਤੇ ਮਾਹਰ ਸੀਰੀਆ ਵਿੱਚ ਹਥਿਆਰ ਵਿਕਸਤ ਕਰਨ ਲਈ ਠਹਿਰੇ ਹੋਏ ਸਨ।'
ਸਥਾਨਕ ਮੀਡੀਆ ਨੇ ਵੀ ਤੱਟਵਰਤੀ ਸ਼ਹਿਰ ਟਾਰਟਸ ਦੇ ਆਸਪਾਸ ਹਮਲਿਆਂ ਦੀ ਖਬਰ ਦਿੱਤੀ ਹੈ। ਇਜ਼ਰਾਈਲੀ ਫੌਜ ਵੱਲੋਂ ਤੁਰੰਤ ਕੋਈ ਪ੍ਰਤੀਕਿਰਿਆ ਨਹੀਂ ਆਈ। ਇਜ਼ਰਾਈਲ ਨੇ ਹਾਲ ਹੀ ਦੇ ਸਾਲਾਂ ਵਿੱਚ ਯੁੱਧ ਪ੍ਰਭਾਵਿਤ ਸੀਰੀਆ ਦੇ ਸਰਕਾਰੀ ਨਿਯੰਤਰਿਤ ਹਿੱਸਿਆਂ ਵਿਚ ਸੈਂਕੜੇ ਹਮਲੇ ਕੀਤੇ ਹਨ, ਪਰ ਕਦੇ ਵੀ ਹਮਲਿਆਂ ਨੂੰ ਸਵੀਕਾਰ ਨਹੀਂ ਕੀਤਾ ਹੈ। ਇਹ ਹਮਲੇ ਅਕਸਰ ਸੀਰੀਆ ਦੀ ਫੌਜ ਜਾਂ ਈਰਾਨ ਸਮਰਥਿਤ ਸਮੂਹਾਂ ਨੂੰ ਨਿਸ਼ਾਨਾ ਬਣਾ ਕੇ ਕੀਤੇ ਜਾਂਦੇ ਹਨ।
ਸਾਊਦੀ ਅਰਬ ਤੇ ਕਤਰ ਦੇ ਵਿਦੇਸ਼ ਮੰਤਰੀਆਂ ਨੂੰ ਮਿਲੇ ਜੈਸ਼ੰਕਰ, ਦੁਵੱਲੇ ਸਬੰਧਾਂ ਬਾਰੇ ਕੀਤੀ ਚਰਚਾ
NEXT STORY 
