ਇੰਟਰਨੈਸ਼ਨਲ ਡੈਸਕ : ਈਰਾਨ ਅਤੇ ਇਜ਼ਰਾਈਲ ਵਿਚਕਾਰ ਵਧਦੀ ਜੰਗ ਕਾਰਨ ਇਜ਼ਰਾਈਲ ਨੇ ਆਪਣੇ ਨਾਗਰਿਕਾਂ ਨੂੰ ਵਿਦੇਸ਼ਾਂ ਤੋਂ ਵਾਪਸ ਲਿਆਉਣ ਲਈ ਬਚਾਅ ਉਡਾਣਾਂ ਸ਼ੁਰੂ ਕਰ ਦਿੱਤੀਆਂ ਹਨ। ਪਰ ਇਸ ਸਮੇਂ ਕੋਈ ਵੀ ਦੇਸ਼ ਤੋਂ ਬਾਹਰ ਨਹੀਂ ਜਾ ਸਕਦਾ, ਸਿਰਫ ਵਾਪਸੀ ਦੀ ਆਗਿਆ ਹੈ।
ਕੀ ਹੋ ਰਿਹਾ ਹੈ?
ਇਜ਼ਰਾਈਲੀ ਸਰਕਾਰ ਨੇ EI AI, Arkia ਅਤੇ Israir ਵਰਗੀਆਂ ਪ੍ਰਮੁੱਖ ਏਅਰਲਾਈਨਾਂ ਨੂੰ ਸੀਮਤ ਗਿਣਤੀ ਵਿੱਚ ਵਾਪਸੀ ਉਡਾਣਾਂ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਹ ਉਡਾਣਾਂ ਇਜ਼ਰਾਈਲੀ ਨਾਗਰਿਕਾਂ ਨੂੰ ਲਾਰਨਾਕਾ (ਸਾਈਪ੍ਰਸ), ਏਥਨਜ਼ (ਗ੍ਰੀਸ), ਰੋਮ (ਇਟਲੀ), ਪੈਰਿਸ (ਫਰਾਂਸ) ਅਤੇ ਵਰਨਾ (ਬੁਲਗਾਰੀਆ) ਵਰਗੇ ਸ਼ਹਿਰਾਂ ਤੋਂ ਵਾਪਸ ਲਿਆਉਣਗੀਆਂ। ਇਹ ਉਡਾਣਾਂ ਕੱਲ੍ਹ (ਬੁੱਧਵਾਰ) ਤੋਂ ਸ਼ੁਰੂ ਹੋਣਗੀਆਂ ਪਰ ਧਿਆਨ ਦੇਣ ਵਾਲੀ ਗੱਲ ਇਹ ਹੈ ਕਿ ਕੋਈ ਵੀ ਉਡਾਣ ਬਾਹਰ ਨਹੀਂ ਜਾ ਰਹੀ ਹੈ।
ਇਹ ਵੀ ਪੜ੍ਹੋ : 'ਸੱਦਾਮ ਹੁਸੈਨ ਵਰਗਾ ਹੋਵੇਗਾ ਹਸ਼ਰ'! ਇਜ਼ਰਾਈਲ ਦੀ ਈਰਾਨ ਦੇ ਸੁਪਰੀਮ ਲੀਡਰ ਖਾਮੇਨੀ ਨੂੰ ਚਿਤਾਵਨੀ
ਕਿੰਨਾ ਵੱਡਾ ਹੈ ਸੰਕਟ?
ਇਸ ਸਮੇਂ ਲਗਭਗ 1.5 ਲੱਖ (150,000) ਇਜ਼ਰਾਈਲੀ ਨਾਗਰਿਕ ਵਿਦੇਸ਼ਾਂ ਵਿੱਚ ਫਸੇ ਹੋਏ ਹਨ। ਇਨ੍ਹਾਂ ਵਿੱਚੋਂ ਘੱਟੋ-ਘੱਟ 50,000 ਲੋਕ ਤੁਰੰਤ ਇਜ਼ਰਾਈਲ ਵਾਪਸ ਆਉਣਾ ਚਾਹੁੰਦੇ ਹਨ। EI AI ਏਅਰਲਾਈਨ ਦੇ ਆਨਲਾਈਨ ਪੋਰਟਲ 'ਤੇ ਫਲਾਈਟ ਬੁਕਿੰਗ ਖੁੱਲ੍ਹੀ, ਪਹਿਲੇ 90 ਮਿੰਟਾਂ ਵਿੱਚ 60,000 ਤੋਂ ਵੱਧ ਲੋਕਾਂ ਨੇ ਰਜਿਸਟਰ ਕੀਤਾ।
ਘਰ ਵਾਪਸੀ ਆਸਾਨ ਨਹੀਂ....
ਜੋ ਵਾਪਸ ਆ ਰਹੇ ਹਨ, ਉਨ੍ਹਾਂ ਨੂੰ ਇਸ ਤਰ੍ਹਾਂ ਦੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ:
- ਲੰਬੀ ਉਡੀਕ।
- ਸੀਮਤ ਸੀਟਾਂ ਕਾਰਨ ਉਲਝਣ।
- ਉਡਾਣਾਂ ਵਿੱਚ ਦੇਰੀ ਅਤੇ ਸੁਰੱਖਿਆ ਜਾਂਚ ਵਰਗੀਆਂ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਇਹ ਵੀ ਪੜ੍ਹੋ : Air India Crash : UAE ਦੇ ਭਾਰਤੀ ਡਾਕਟਰ ਦੇਣਗੇ 6 ਕਰੋੜ ਦੀ ਮਦਦ
ਫਿਲਹਾਲ ਸਿਰਫ 'ਵਨ-ਵੇ ਬਾਰਡਰ'
ਇਜ਼ਰਾਈਲ ਦੀਆਂ ਸਰਹੱਦਾਂ ਇਸ ਵੇਲੇ ਸਿਰਫ਼ ਪ੍ਰਵੇਸ਼ ਲਈ ਖੁੱਲ੍ਹੀਆਂ ਹਨ, ਬਾਹਰ ਜਾਣ ਦੀ ਕੋਈ ਇਜਾਜ਼ਤ ਨਹੀਂ ਹੈ। ਸਰਕਾਰ ਉਨ੍ਹਾਂ ਨਾਗਰਿਕਾਂ ਨੂੰ ਤਰਜੀਹ ਦੇ ਰਹੀ ਹੈ ਜੋ ਜੰਗ ਦੀ ਸਥਿਤੀ ਵਿੱਚ ਵਿਦੇਸ਼ਾਂ ਵਿੱਚ ਫਸੇ ਹੋਏ ਹਨ, ਖਾਸ ਕਰਕੇ ਵਿਦਿਆਰਥੀ, ਬਜ਼ੁਰਗ ਅਤੇ ਬਿਮਾਰ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
'ਸੱਦਾਮ ਹੁਸੈਨ ਵਰਗਾ ਹੋਵੇਗਾ ਹਸ਼ਰ'! ਇਜ਼ਰਾਈਲ ਦੀ ਈਰਾਨ ਦੇ ਸੁਪਰੀਮ ਲੀਡਰ ਖਾਮੇਨੀ ਨੂੰ ਚਿਤਾਵਨੀ
NEXT STORY 
