ਰੋਮ (ਕੈਂਥ): ਇਟਲੀ ਦੇ ਉੱਘੇ ਸਮਾਜ ਸੇਵਕ, ਲੇਖਕ ਤੇ ਸਾਹਿਤਕਾਰ ਮਨਜੀਤ ਪ੍ਰੀਤ (ਵਿੱਤ ਸਕੱਤਰ ਇਟਾਲੀਅਨ ਪੰਜਾਬੀ ਪ੍ਰੈੱਸ ਕਲੱਬ) ਨੂੰ ਉਸ ਵੇਲੇ ਅਸਹਿ ਸਦਮਾ ਪਹੁੰਚਿਆ ਜਦੋਂ ਉਹਨਾਂ ਦੇ ਪੂਜਨੀਕ ਮਾਤਾ ਸਤਨਾਮ ਕੌਰ (64) ਦਾ ਅੱਜ ਰਿਜੋਇਮੀਆ ਵਿਖੇ ਦਿਹਾਂਤ ਹੋ ਗਿਆ। ਮਾਤਾ ਸਤਨਾਮ ਕੌਰ ਜੀ ਪਿਛਲੇ ਸਮੇਂ ਤੋਂ ਬਿਮਾਰ ਚਲੇ ਆ ਰਹੇ ਸਨ, ਜਿਸ ਲਈ ਉਨ੍ਹਾਂ ਦਾ ਲਗਾਤਾਰ ਇਲਾਜ ਵੀ ਚੱਲ ਰਿਹਾ ਸੀ ਪਰ ਆਖਰੀ ਸਮੇਂ ਵਿੱਚ ਮਾਤਾ ਸਤਨਾਮ ਕੌਰ ਜੀ ਵੱਲੋਂ ਬਿਲਕੁਲ ਠੀਕ ਹੋਕੇ ਆਪਣੀ ਸੰਸਾਰਿਕ ਯਾਤਰਾ ਸੰਪੂਰਣ ਕਰਨੀ ਇੱਕ ਮਹਾਨ ਸੰਪੂਰਣਤਾ ਹੀ ਹੋ ਸਕਦੀ ਹੈ।
ਮਨਜੀਤ ਪ੍ਰੀਤ ਹੁਰਾਂ ਦੱਸਿਆ ਕਿ ਅੱਜ ਉਹ ਜੋ ਵੀ ਹਨ ਉਹ ਮਾਤਾ ਜੀ ਦੇ ਦਿੱਤੇ ਸੰਸਕਾਰਾਂ ਦੀ ਬਦੌਲਤ ਹੀ ਹਨ। ਉਹਨਾਂ ਦਾ ਵਿਛੋੜਾ ਸਾਡੇ ਸਾਰੇ ਪਰਿਵਾਰ ਲਈ ਅਸਹਿ ਹੈ ਪਰ ਮਾਤਾ ਜੀ ਦੀਆਂ ਸਿੱਖਿਆਵਾਂ ਤੇ ਸਾਧਨਾ ਨਾਲ ਉਹ ਸਦਾ ਹੀ ਸਾਡੇ ਜੀਵਨ ਤੇ ਦਿਲਾਂ ਵਿੱਚ ਰਹਿਣਗੇ। ਮਾਤਾ ਸਤਨਾਮ ਕੌਰ ਦਾ ਸੰਸਕਾਰ ਇਸ ਹਫ਼ਤੇ ਰਿਜੋਇਮੀਆ ‘ਚ ਹੀ ਕੀਤਾ ਜਾਵੇਗਾ। ਮਨਜੀਤ ਪ੍ਰੀਤ ਨਾਲ ਇਸ ਦੁੱਖ ਦੀ ਘੜ੍ਹੀ ਵਿੱਚ ਇਟਾਲੀਅਨ ਪੰਜਾਬੀ ਪ੍ਰੈੱਸ ਕਲੱਬ ਦੇ ਸਮੂਹ ਮੈਂਬਰਾਨ ਤੇ ਇਟਲੀ ਦੀਆਂ ਭਾਰਤੀ ਸਮਾਜ ਸੇਵੀ ਸੰਸਥਾਵਾਂ ਦੇ ਆਗੂਆਂ ਨੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ।
ਸਕਾਟਲੈਂਡ 'ਚ ਲੋਕਾਂ ਨੂੰ ਕੋਰੋਨਾ ਨਿਯਮਾਂ 'ਚ ਦਿੱਤੀ ਜਾ ਰਹੀ ਢਿੱਲ
NEXT STORY 
