ਲੰਡਨ/ਬਰਮਿੰਘਮ (ਸੰਜੀਵ ਭਨੋਟ): ਨਵੇਂ ਸਾਲ ਦੀ ਆਮਦ ਦੀ ਖੁਸ਼ੀ ਜਿੱਥੇ ਦੇਸ਼-ਵਿਦੇਸ਼ ਵਿੱਚ ਮਨਾਈ ਗਈ ਉੱਥੇ ਇਸ ਤਰ੍ਹਾਂ ਹੀ ਨਵੇਂ ਵਰ੍ਹੇ ਨੂੰ ਖੁਸ਼ਾਮ-ਦੀਦ ਕਹਿਣ ਲਈ ਸਮੈਦਿਕ ਵਿਚ ਖੁੱਲ੍ਹੇ ਬਿਲਕੁੱਲ ਨਵੇਂ ਨਕੋਰ ਹਾਲ 'ਦਾ ਓਪਲ ਸਵੀਟ' ਵਿਚ ਅਰਮਾਨ ਮੀਡੀਆ ਵਲੋਂ ਡਿਨਰ ਡਾਂਸ ਦਾ ਪ੍ਰੋਗਰਾਮ ਕਰਵਾਇਆ ਗਿਆ। ਇਸ ਪ੍ਰੋਗਰਾਮ ਵਿੱਚ ਇੰਗਲੈਂਡ ਦੇ ਕਲਾਕਾਰਾਂ ਨੇ ਹਿੱਸਾ ਲਿਆ। ਪ੍ਰੋਗਰਾਮ ਦਾ ਮੰਚ ਸੰਚਾਲਨ ਸੰਜੀਵ ਭਨੋਟ ਨੇ ਕੀਤਾ ਤੇ ਆਏ ਹੋਏ ਸਰੋਤਿਆਂ ਦਾ ਧੰਨਵਾਦ ਕਰਦਿਆਂ ਪ੍ਰੋਗਰਾਮ ਸ਼ੁਰੂ ਕੀਤਾ।
ਗਾਇਕ ਬੱਬੂ ਚੰਦਰ ਨੇ ਪ੍ਰੋਗਰਾਮ ਸ਼ੁਰੂ ਕੀਤਾ ਫੇਰ ਗਾਇਕਾ ਮਨੀ ਕੌਰ ਨੇ ਆਪਣੀ ਲਾਈਵ ਗਾਇਕੀ ਨਾਲ ਰੰਗ ਬੰਨ੍ਹਿਆ ਆਏ ਹੋਏ ਮਹਿਮਾਨਾਂ ਨੂੰ ਨੱਚਣ ਲਈ ਮਜਬੂਰ ਕਰ ਦਿੱਤਾ।
ਐਰੋਨ ਕਿਚਨ ਵਲੋਂ ਸਰਵ ਕੀਤੇ ਫੂਡ ਨੂੰ ਮਹਿਮਾਨਾਂ ਨੇ ਬਹੁਤ ਪਸੰਦ ਕੀਤਾ।ਫੇਰ ਗਾਇਕ ਲੱਕੀ ਰਾਏ ਨੇ ਆਪਣੀ ਗਾਇਕੀ ਨਾਲ ਸਟੇਜ ਬੰਨ੍ਹ ਦਿੱਤੀ। ਪ੍ਰੋਗਰਾਮ ਨੂੰ ਚਾਰ ਚੰਨ ਲਾ ਦਿੱਤੇ। ਨਵਾਂ ਸਾਲ ਚੜਨ ਤੱਕ ਮਨੋਰੰਜਨ ਇਸ ਤਰ੍ਹਾਂ ਹੀ ਚੱਲਦਾ ਰਿਹਾ।
ਟੀ. ਸੀਰੀਜ਼ ਕੰਪਨੀ ਦੇ ਮਾਲਕ ਸ੍ਰੀ ਭੂਸ਼ਨ ਕੁਮਾਰ ਜੀ ਨੇ ਵਿਸ਼ੇਸ਼ ਤੌਰ 'ਤੇ ਹਾਜ਼ਰੀ ਭਰੀ।ਅੰਤ ਵਿੱਚ 'ਦਾ ਓਪਲ ਸਵੀਟ' ਦੇ ਡਾਇਰੈਕਟਰਾਂ ਪਰਮਿੰਦਰ ਸਿੰਘ ਅਟਵਾਲ, ਪਲਵਿੰਦਰ ਉੱਪਲ ਤੇ ਹਰਪ੍ਰੀਤ ਸਿੰਘ ਸਲੂਜਾ ਨੇ ਆਏ ਹੋਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ।
ਇਸ ਦੇ ਨਾਲ ਹੀ ਅਰਮਾਨ ਮੀਡੀਆ ਤੋਂ ਅਮਨਦੀਪ ਸਿੰਘ ਘੱਗ ਤੇ ਬੀ. ਆਰ ਪ੍ਰੌਡਕਸ਼ਨ ਤੋਂ ਬੌਬ ਰਾਏ ਹੁਣਾ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ ਤੇ ਨਵੇਂ ਸਾਲ ਦੀਆਂ ਮੁਬਾਰਕਾਂ ਦਿੱਤੀਆਂ।
ਸੁਲੇਮਾਨੀ ਦੀ ਹੱਤਿਆ ਤੋਂ ਬਾਅਦ ਈਰਾਨ ਨੇ ਚੁਣਿਆ ਨਵਾਂ ਕਮਾਂਡਰ
NEXT STORY 
