ਡਬਲਿਨ- ਸੰਸਦੀ ਵੋਟਿੰਗ ਤੋਂ ਬਾਅਦ ਮਾਈਕਲ ਮਾਰਟਿਨ ਨੂੰ ਦੂਜੇ ਕਾਰਜਕਾਲ ਲਈ ਆਇਰਲੈਂਡ ਦਾ ਪ੍ਰਧਾਨ ਮੰਤਰੀ ਚੁਣਿਆ ਗਿਆ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਆਇਰਲੈਂਡ ਦੇ ਪ੍ਰਧਾਨ ਮੰਤਰੀ ਮਾਈਕਲ ਮਾਰਟਿਨ ਨੂੰ ਉਨ੍ਹਾਂ ਦੇ ਦੂਜੇ ਕਾਰਜਕਾਲ 'ਤੇ ਵਧਾਈ ਦਿੱਤੀ। ਪ੍ਰਧਾਨ ਮੰਤਰੀ ਮੋਦੀ ਨੇ ਸੋਸ਼ਲ ਮੀਡੀਆ 'ਤੇ ਕਿਹਾ ਕਿ ਭਾਰਤ ਆਇਰਲੈਂਡ ਨਾਲ ਮਿਲ ਕੇ ਕੰਮ ਕਰਨ ਲਈ ਵਚਨਬੱਧ ਹੈ। ਭਾਰਤ ਦੋਵਾਂ ਦੇਸ਼ਾਂ ਵਿਚਕਾਰ ਦੁਵੱਲੀ ਭਾਈਵਾਲੀ ਨੂੰ ਹੋਰ ਮਜ਼ਬੂਤ ਕਰਨਾ ਚਾਹੁੰਦਾ ਹੈ।
ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ 'ਤੇ ਪੋਸਟ ਕਰਦੇ ਹੋਏ, ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ, "ਮਾਈਕਲ ਮਾਰਟਿਨ ਨੂੰ ਆਇਰਲੈਂਡ ਦੇ ਪ੍ਰਧਾਨ ਮੰਤਰੀ ਬਣਨ 'ਤੇ ਵਧਾਈਆਂ। ਭਾਰਤ ਦੋਵਾਂ ਦੇਸ਼ਾਂ ਵਿਚਕਾਰ ਦੁਵੱਲੇ ਸਬੰਧਾਂ ਨੂੰ ਮਜ਼ਬੂਤ ਕਰਨ ਅਤੇ ਆਇਰਲੈਂਡ ਨਾਲ ਮਿਲ ਕੇ ਕੰਮ ਕਰਨ ਲਈ ਵਚਨਬੱਧ ਹੈ।" ਫਿਏਨਾ ਫੇਲ ਪਾਰਟੀ ਦੇ ਨੇਤਾ ਮਾਈਕਲ ਮਾਰਟਿਨ ਨੂੰ ਉਨ੍ਹਾਂ ਦੀ ਨਾਮਜ਼ਦਗੀ ਦੇ ਹੱਕ ਵਿੱਚ 95 ਅਤੇ ਵਿਰੋਧ ਵਿੱਚ 76 ਵੋਟਾਂ ਮਿਲੀਆਂ। ਮਾਰਟਿਨ ਇੱਕ ਗੱਠਜੋੜ ਸਰਕਾਰ ਦੀ ਅਗਵਾਈ ਕਰਨਗੇ ਜਿਸ ਵਿੱਚ ਫਿਏਨਾ ਫੇਲ, ਉਸਦੀ ਇਤਿਹਾਸਕ ਵਿਰੋਧੀ ਫਾਈਨ ਗੇਲ ਅਤੇ ਆਜ਼ਾਦ ਸੰਸਦ ਮੈਂਬਰ ਸ਼ਾਮਲ ਹੋਣਗੇ। ਮਾਰਟਿਨ ਦੀ ਨਾਮਜ਼ਦਗੀ ਬੁੱਧਵਾਰ ਨੂੰ ਵੋਟਿੰਗ ਤੋਂ ਬਾਅਦ ਤੱਕ ਦੇਰੀ ਨਾਲ ਹੋਈ। ਇਸ ਦੌਰਾਨ ਵਿਰੋਧੀ ਧਿਰ ਦੇ ਵਿਰੋਧ ਕਾਰਨ ਆਇਰਿਸ਼ ਸੰਸਦ ਨੂੰ ਮੁਲਤਵੀ ਕਰ ਦਿੱਤਾ ਗਿਆ। ਰਾਤ ਭਰ ਗੱਲਬਾਤ ਰਾਹੀਂ ਗਤੀਰੋਧ ਹੱਲ ਹੋ ਗਿਆ, ਜਿਸ ਨਾਲ ਅਗਲੇ ਦਿਨ ਵੋਟਿੰਗ ਸ਼ੁਰੂ ਹੋ ਗਈ।
ਪੜ੍ਹੋ ਇਹ ਅਹਿਮ ਖ਼ਬਰ-ਟਰੰਪ ਦੇ ਹੁਕਮ ਤੋਂ 72 ਘੰਟੇ ਬਾਅਦ ਹੀ ਕਾਰਵਾਈ ਸ਼ੁਰੂ, ਹੁਣ ਤੱਕ 538 ਗ੍ਰਿਫ਼ਤਾਰ
ਇਹ ਗੱਠਜੋੜ ਫਿਏਨਾ ਫੈਲ ਅਤੇ ਫਾਈਨ ਗੇਲ ਵਿਚਕਾਰ ਦੂਜੀ ਸਾਂਝੇਦਾਰੀ ਹੈ। ਦੋਵੇਂ ਪਾਰਟੀਆਂ 1937 ਤੋਂ ਆਇਰਿਸ਼ ਰਾਜਨੀਤੀ 'ਤੇ ਹਾਵੀ ਰਹੀਆਂ ਹਨ। ਆਜ਼ਾਦ ਮੰਤਰੀ ਗ੍ਰੀਨ ਪਾਰਟੀ ਦੀ ਥਾਂ ਲੈਣਗੇ। 64 ਸਾਲਾ ਮਾਈਕਲ ਮਾਰਟਿਨ ਪਹਿਲਾਂ 2020 ਤੋਂ 2022 ਤੱਕ ਆਇਰਲੈਂਡ ਦੇ ਪ੍ਰਧਾਨ ਮੰਤਰੀ ਵਜੋਂ ਸੇਵਾ ਨਿਭਾ ਚੁੱਕੇ ਹਨ। ਗੱਠਜੋੜ ਸਮਝੌਤੇ ਅਨੁਸਾਰ ਫਾਈਨ ਗੇਲ ਦੇ ਸਾਈਮਨ ਹੈਰਿਸ 2027 ਵਿੱਚ ਆਇਰਲੈਂਡ ਦੇ ਪ੍ਰਧਾਨ ਮੰਤਰੀ ਬਣਨਗੇ। ਹੈਰਿਸ ਮਾਰਟਿਨ ਦੀ ਥਾਂ ਪਹਿਲੇ ਉਪ ਮੁੱਖ ਮੰਤਰੀ ਵਜੋਂ ਲੈਣਗੇ। ਇਸ ਵੇਲੇ ਉਨ੍ਹਾਂ ਦੇ ਵਿਦੇਸ਼ ਮੰਤਰੀ ਦੀ ਭੂਮਿਕਾ ਨਿਭਾਉਣ ਦੀ ਸੰਭਾਵਨਾ ਹੈ। ਨਵੀਂ ਸਰਕਾਰ ਵਿੱਚ ਹੋਰ ਪ੍ਰਮੁੱਖ ਚਿਹਰਿਆਂ ਵਿੱਚ ਫਾਈਨ ਗੇਲ ਦੇ ਪਾਸਚਲ ਡੋਨੋਹੋਏ ਸ਼ਾਮਲ ਹਨ, ਜਿਨ੍ਹਾਂ ਦੇ ਵਿੱਤ ਮੰਤਰੀ ਬਣਨ ਦੀ ਸੰਭਾਵਨਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
H-1B ਵੀਜ਼ਾ ਧਾਰਕਾਂ ਦੇ ਬੱਚਿਆਂ ਨੂੰ 21 ਸਾਲ ਦੇ ਹੋਣ 'ਤੇ ਛੱਡਣਾ ਪਵੇਗਾ ਅਮਰੀਕਾ
NEXT STORY 
