ਇਸਲਾਮਾਬਾਦ (ਬਿਊਰੋ): ਪਾਕਿਸਤਾਨ ਵਿਚ ਹਿੰਦੂ ਅਤੇ ਈਸਾਈ ਵਰਗੀਆਂ ਘੱਟ ਗਿਣਤੀ ਨਸਲਾਂ ਨਾਲ ਸਬੰਧਤ ਹਜ਼ਾਰਾਂ ਕੁੜੀਆਂ ਨੂੰ ਅਗਵਾ ਕਰ ਲਿਆ ਜਾਂਦਾ ਹੈ ਅਤੇ ਜ਼ਬਰਦਸਤੀ ਇਸਲਾਮ ਵਿਚ ਧਰਮ ਪਰਿਵਰਤਿਤ ਕਰਾ ਕੇ ਉਨ੍ਹਾਂ ਨਾਲ ਵਿਆਹ ਕਰਵਾ ਲਿਆ ਜਾਂਦਾ ਹੈ। ਅਜਿਹਾ ਹਰ ਸਾਲ ਕੀਤਾ ਜਾਂਦਾ ਹੈ। ਪਾਕਿਸਤਾਨ ਤੋਂ ਜਾਰੀ ਇਕ ਰਿਪੋਰਟ ਵਿਚ ਇਹ ਜਾਣਕਾਰੀ ਦਿੱਤੀ ਗਈ। ਬ੍ਰਿਟਿਸ਼ ਦੀ ਅਗਵਾਈ ਵਾਲੇ ਆਲ ਪਾਰਟੀ ਪਾਰਲੀਮੈਂਟਰੀ ਗਰੁੱਪ (ਏਪੀਪੀਜੀ) ਦੁਆਰਾ ਕੀਤੀ ਗਈ ਜਾਂਚ ਦਾ ਹਵਾਲਾ ਦਿੰਦੇ ਹੋਏ, ਇਸਲਾਮ ਖ਼ਬਰ ਨੇ ਰਿਪੋਰਟ ਦਿੱਤੀ ਕਿ ਇਹ ਅੰਕੜਾ ਵਿਆਪਕ ਜਾਂਚ ਦੇ ਅਧਾਰਿਤ ਇੱਕ ਅਨੁਮਾਨ ਮੁਤਾਬਕ ਹੈ ਪਰ ਸਹੀ ਨਹੀਂ ਹੈ ਕਿਉਂਕਿ ਸਹੀ ਸੰਖਿਆ ਕਦੇ ਵੀ ਪਤਾ ਨਹੀਂ ਲੱਗ ਸਕਦੀ।
ਇਸਲਾਮ ਖ਼ਬਰ ਵਿਚ ਦੱਸਿਆ ਗਿਆ ਕਿ ਸਤੰਬਰ 2021 ਵਿੱਚ ਪ੍ਰਕਾਸ਼ਿਤ ਰਿਪੋਰਟ ਪਾਕਿਸਤਾਨ ਦੀ 220 ਮਿਲੀਅਨ ਆਬਾਦੀ ਵਿਚੋਂ ਹਿੰਦੂਆਂ (1.59 ਪ੍ਰਤੀਸ਼ਤ) ਅਤੇ ਈਸਾਈਆਂ (1.60 ਪ੍ਰਤੀਸ਼ਤ) ਸਮੇਤ ਧਾਰਮਿਕ ਘੱਟ ਗਿਣਤੀਆਂ ਦੀਆਂ 12-25 ਸਾਲ ਦੀ ਉਮਰ ਦੇ ਵਿਚਕਾਰ ਦੀਆਂ ਈਸਾਈ ਅਤੇ ਹਿੰਦੂ ਕੁੜੀਆਂ ਦੇ ਮਾਮਲਿਆਂ 'ਤੇ ਕੇਂਦਰਿਤ ਹੈ।ਬੋਧੀਆਂ, ਸਿੱਖਾਂ ਅਤੇ ਕਲਸ਼ ਦਾ ਵੀ ਉਹਨਾਂ ਦੀਆਂ ਪ੍ਰਤੀਨਿਧ ਸੰਸਥਾਵਾਂ, ਖੇਤਰੀ ਸਰਵੇਖਣਾਂ ਅਤੇ ਜਾਂਚ ਸੰਸਥਾ ਦੇ ਸਾਹਮਣੇ ਪੇਸ਼ ਹੋਏ ਵਿਅਕਤੀਆਂ ਦੁਆਰਾ ਸਰਵੇਖਣ ਕੀਤਾ ਜਾਂਦਾ ਹੈ।ਇਸਲਾਮ ਖ਼ਬਰ ਨੇ ਰਿਪੋਰਟ ਦਿੱਤੀ ਕਿ ਏਪੀਪੀਜੀ ਰਿਪੋਰਟ ਪਾਕਿਸਤਾਨ ਦੀ ਸਰਕਾਰੀ ਏਜੰਸੀ ਨੈਸ਼ਨਲ ਡਾਟਾਬੇਸ ਅਤੇ ਰਜਿਸਟ੍ਰੇਸ਼ਨ ਅਥਾਰਟੀ (NADRA) ਨੂੰ ਅਪੀਲ ਕਰਦੀ ਹੈ ਕਿ ਉਹ ਨਾਬਾਲਗਾਂ ਦੀ ਉਮਰ ਨਿਰਧਾਰਤ ਕਰਨ ਲਈ ਪੁਲਸ ਅਤੇ ਅਦਾਲਤ ਦੁਆਰਾ ਵਰਤੇ ਜਾਣ ਵਾਲੇ ਡਾਟਾ ਨੂੰ ਤਿਆਰ ਕਰਨ।
ਪੜ੍ਹੋ ਇਹ ਅਹਿਮ ਖਬਰ- ਅਮਰੀਕਾ ਦੀ H-1B 'ਚ ਸੁਧਾਰ ਦੀ ਯੋਜਨਾ, ਵਿਦਿਆਰਥੀਆਂ ਅਤੇ ਭਾਰਤੀ ਕਾਮਿਆਂ ਨੂੰ ਹੋਵੇਗਾ ਫ਼ਾਇਦਾ
ਰਿਪੋਰਟ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ ਕੇਸਾਂ ਦੀ ਵੱਡੀ ਗਿਣਤੀ ਗਰੀਬ ਅਤੇ ਜਿਆਦਾਤਰ ਅਨਪੜ੍ਹ, ਸਭ ਤੋਂ ਹੇਠਲੇ ਸਮਾਜਿਕ ਤਬਕੇ ਦੀਆਂ ਔਰਤਾਂ, ਅਕਸਰ ਨਜ਼ਰਅੰਦਾਜ਼ ਅਤੇ ਵਿਤਕਰੇ ਵਾਲੇ ਵਰਗਾਂ ਨਾਲ ਸਬੰਧਤ ਹੈ। ਇਹਨਾਂ ਵਿਚੋਂ ਜ਼ਿਆਦਾਤਰ ਘਰੇਲੂ ਜਾਂ ਨੀਵੀਆਂ ਆਰਥਿਕ ਨੌਕਰੀਆਂ ਵਿੱਚ ਰੁੱਝੀਆਂ ਹੋਈਆਂ ਹਨ। ਉਹ ਸ਼ੋਸ਼ਣ, ਹਿੰਸਾ, ਧੱਕੇਸ਼ਾਹੀ, ਦਬਾਅ ਅਤੇ ਝੂਠੇ ਵਾਅਦਿਆਂ ਦੀ ਸ਼ਿਕਾਰ ਹੁੰਦੀਆਂ ਹਨ।ਰਿਪੋਰਟ ਮੁਤਾਬਕ ਪਾਕਿਸਤਾਨ 'ਚ ਹਾਲ ਹੀ ਦੇ ਸਾਲਾਂ 'ਚ ਘੱਟ ਗਿਣਤੀਆਂ ਖ਼ਿਲਾਫ਼ ਅਪਰਾਧ ਦੇ ਅਜਿਹੇ ਮਾਮਲੇ ਲਗਾਤਾਰ ਵੱਧ ਰਹੇ ਹਨ। ਇਸਲਾਮ ਖ਼ਬਰਾਂ ਦੀ ਰਿਪੋਰਟ ਅਨੁਸਾਰ, 1947 ਵਿੱਚ ਪਾਕਿਸਤਾਨ ਦੇ ਬਣਨ ਤੋਂ ਬਾਅਦ ਜ਼ਬਰਦਸਤੀ ਧਰਮ ਪਰਿਵਰਤਨ ਦੇ ਮਾਮਲੇ ਵੱਧ ਗਏ ਹਨ।
ਪਾਕਿਸਤਾਨ ਵਿੱਚ ਔਰਤਾਂ ਦੀ ਦੁਰਦਸ਼ਾ ਦਿਨੋਂ-ਦਿਨ ਵਧਦੀ ਜਾ ਰਹੀ ਹੈ ਕਿਉਂਕਿ ਇੱਕ ਤਾਜ਼ਾ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਦੇਸ਼ ਦੇ ਪੰਜਾਬ ਸੂਬੇ ਵਿੱਚ 2021 ਦੀ ਪਹਿਲੀ ਛਿਮਾਹੀ ਵਿੱਚ ਤਕਰੀਬਨ 6,754 ਔਰਤਾਂ ਨੂੰ ਅਗਵਾ ਕੀਤਾ ਗਿਆ।ਇਨ੍ਹਾਂ ਵਿੱਚੋਂ 1,890 ਔਰਤਾਂ ਨਾਲ ਬਲਾਤਕਾਰ, 3,721 ਨੂੰ ਤਸੀਹੇ ਦਿੱਤੇ ਗਏ ਜਦਕਿ 752 ਬੱਚਿਆਂ ਨਾਲ ਬਲਾਤਕਾਰ ਹੋਇਆ। 30 ਅਗਸਤ ਨੂੰ ਟਰਾਂਸਪੇਰੈਂਸੀ ਇੰਟਰਨੈਸ਼ਨਲ ਪਾਕਿਸਤਾਨ (ਟੀ.ਆਈ.ਪੀ.) ਦੇ ਬੋਰਡ ਆਫ ਟਰੱਸਟੀਜ਼ ਨੇ ਦੇਸ਼ 'ਚ ਔਰਤਾਂ 'ਤੇ ਵੱਧਦੇ ਹਮਲਿਆਂ 'ਤੇ ਚਿੰਤਾ ਪ੍ਰਗਟਾਈ।ਇਸਲਾਮਾਬਾਦ ਵਿੱਚ ਬਲਾਤਕਾਰ ਦੀਆਂ ਤਕਰੀਬਨ 34 ਸਰਕਾਰੀ ਘਟਨਾਵਾਂ ਹੋਈਆਂ ਜਦੋਂ ਕਿ ਮੀਡੀਆ ਵਿੱਚ 27 ਘਟਨਾਵਾਂ ਸਾਹਮਣੇ ਆਈਆਂ। ਪੰਜਾਬ ਵਿੱਚ ਹਿੰਸਾ ਦੀਆਂ ਸਰਕਾਰੀ ਘਟਨਾਵਾਂ ਦੀ ਗਿਣਤੀ 3,721 ਦਰਜ ਕੀਤੀ ਗਈ ਸੀ ਪਰ ਮੀਡੀਆ ਵਿੱਚ ਸਿਰਫ਼ 938 ਮਾਮਲੇ ਹੀ ਦਰਜ ਹੋਏ ਸਨ।
ਓਮੀਕਰੋਨ ਦਾ ਖੌਫ਼ : ਇੰਗਲੈਂਡ ਦੇ ਪ੍ਰਧਾਨ ਮੰਤਰੀ ਨੇ ਚੌਥੀ ਲਹਿਰ ਨੂੰ ‘ਤੂਫ਼ਾਨੀ ਲਹਿਰ’ ਐਲਾਨਿਆ, ਰੱਖਿਆ ਇਹ ਟੀਚਾ
NEXT STORY 
