ਨੈਸ਼ਨਲ ਡੈਸਕ -ਮਾਊਂਟ ਐਵਰੈਸਟ ਦੇ ਸ਼ਿਖਰ ਤੋਂ ਇੱਕ 360 ਡਿਗਰੀ ਵੀਡੀਓ ਨੇ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਓ ਵਿਚ ਹਿਮਾਲਿਆ ਦੇ ਬਰਫੀਲੇ ਖੇਤਰ ਦੀ ਅਦਭੁਤ ਝਲਕ ਦਿਖਾਈ ਗਈ ਹੈ, ਜਿੱਥੇ ਬਰਫ ਨਾਲ ਢੱਕੀਆਂ ਚੋਟੀਆਂ ਤੇ ਖੁੱਲ੍ਹਾ ਨੀਲਾ ਆਕਾਸ਼ ਇਕ-ਦੂਜੇ ਨੂੰ ਛੂਹਦੇ ਨਜ਼ਰ ਆਉਂਦੇ ਹਨ। ਇਹ ਵਿਸ਼ੇਸ਼ ਵੀਡੀਓ ਇੱਕ ਸਾਫ਼ ਦਿਨ ਦੌਰਾਨ ਬ੍ਰਿਟੇਨ ਦੇ ਬੈਨ ਐੱਮ ਜੋਨਸ ਵੱਲੋਂ ਮਾਊਂਟ ਐਵਰੈਸਟ ਦੇ ਸ਼ਿਖਰ ਤੋਂ ਕੈਪਚਰ ਕੀਤਾ ਗਿਆ ਸੀ। ਇਹ ਥਾਂ 8,848.86 ਮੀਟਰ (ਅਤੇ 29,031.7 ਫੁੱਟ) ਦੀ ਉੱਚਾਈ 'ਤੇ ਸਥਿਤ ਹੈ, ਜਿਸ ਨੂੰ ਨੇਪਾਲ ਵਿਚ ਸਗਰਮਾਥਾ ਅਤੇ ਤਿਬਤ ਵਿਚ ਚੋਮੋਲੂੰਗਮਾ ਆਖਿਆ ਜਾਂਦਾ ਹੈ। ਇਸ ਵੀਡੀਓ ਨੇ ਕੁਦਰਤ ਪ੍ਰੇਮੀਆਂ ਨੂੰ ਖੂਬ ਆਕਰਸ਼ਿਤ ਕੀਤਾ ਹੈ। ਹਰ ਪਾਸੇ ਬਰਫੀਲੇ ਪਹਾੜਾਂ ਦੇ ਨਜ਼ਾਰੇ, ਤਿੱਖੀ ਧੁੱਪ ਅਤੇ ਸ਼ਾਂਤ ਹਵਾ ਸੀ । ਇਹ ਹਰ ਇਕ ਲਈ ਇੱਕ ਅਣਭੁੱਲਾ ਅਨੁਭਵ ਬਣ ਗਿਆ ਹੈ। ਲੋਕ ਇਸਨੂੰ "ਕੁਦਰਤ ਦੀ ਲਾਈਵ ਪੇਂਟਿੰਗ" ਕਰਾਰ ਦੇ ਰਹੇ ਹਨ।
ਇਹ ਵੀਡੀਓ ਓਸ ਸਮੇਂ ਸਾਹਮਣੇ ਆਇਆ ਹੈ ਜਦੋਂ 29 ਮਈ ਨੂੰ ਅੰਤਰਰਾਸ਼ਟਰੀ ਐਵਰੈਸਟ ਦਿਵਸ ਮਨਾਇਆ ਜਾਂਦਾ ਹੈ। 1953 'ਚ ਇਨ੍ਹਾਂ ਹੀ ਦਿਨਾਂ ਦੌਰਾਨ ਨਿਊਜ਼ੀਲੈਂਡ ਦੇ ਸਰ ਐਡਮੰਡ ਹਿਲੇਰੀ ਤੇ ਨੇਪਾਲ ਦੇ ਤੇਨਜ਼ਿੰਗ ਨੋਰਗੇ ਨੇ ਐਵਰੈਸਟ ਦੀ ਚੋਟੀ ਸਭ ਤੋਂ ਪਹਿਲੀ ਵਾਰ ਫਤਹਿ ਕੀਤੀ ਸੀ। ਇਸ ਦਿਨ ਨੂੰ ਨਾ ਸਿਰਫ਼ ਹਿਮਾਲੀਅਨ ਚੜ੍ਹਾਈ ਦੇ ਇਤਿਹਾਸ ਵਜੋਂ ਯਾਦ ਕੀਤਾ ਜਾਂਦਾ ਹੈ, ਸਗੋਂ ਸ਼ੇਰਪਾ ਭਾਈਚਾਰੇ ਦੇ ਯੋਗਦਾਨ ਨੂੰ ਵੀ ਸਨਮਾਨ ਦਿੱਤਾ ਜਾਂਦਾ ਹੈ। ਨੇਪਾਲ ਦੇ ਕਾਠਮਾਂਡੂ, ਲੁਕਲਾ ਤੇ ਨਾਮਚੇ ਬਜ਼ਾਰ ਵਰਗੇ ਸ਼ਹਿਰਾਂ ਵਿੱਚ ਲੋਕ ਇਕੱਠੇ ਹੁੰਦੇ ਹਨ, ਸੰਸਕ੍ਰਿਤਿਕ ਕਾਰਜਕ੍ਰਮ ਹੁੰਦੇ ਹਨ, ਵਾਤਾਵਰਨ ਸੁਰੱਖਿਆ 'ਤੇ ਚਰਚਾ ਹੁੰਦੀ ਹੈ ਅਤੇ ਜਾਨ ਗੁਆ ਚੁੱਕੇ ਪਹਾੜੀਰੂਹਾਂ ਨੂੰ ਸ਼ਰਧਾਂਜਲੀ ਦਿੱਤੀ ਜਾਂਦੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਮੰਡਰਾ ਰਿਹਾ ਵੱਡਾ ਖ਼ਤਰਾ! ਜੇ ਵੱਧਿਆ 2 ਡਿਗਰੀ ਤਾਪਮਾਨ ਤਾਂ ਖ਼ਤਰੇ 'ਚ ਪੈ ਜਾਵੇਗੀ 200 ਕਰੋੜ ਲੋਕਾਂ ਦੀ ਜਾਨ
NEXT STORY 
