ਕੈਨਬਰਾ: ਆਸਟ੍ਰੇਲੀਆਈ ਸੰਸਦ ਵਿੱਚ ਬੀਤੇ ਦਿਨੀਂ ਇਕ ਹੈਰਾਨ ਕਰ ਦੇਣ ਵਾਲੀ ਘਟਨਾ ਵਾਪਰੀ। ਇੱਥੇ ਇੱਕ ਸੰਸਦ ਮੈਂਬਰ ਨੇ ਸੰਸਦ ਦੇ ਅੰਦਰ ਪਹਿਲਾਂ ਆਪਣੇ ਪੈਰ ਤੋਂ ਬੂਟ ਕੱਢਿਆ ਅਤੇ ਫਿਰ ਉਸ ਵਿੱਚ ਬੀਅਰ ਪਾ ਕੇ ਪੀ ਲਈ। ਸੰਸਦ ਮੈਂਬਰ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ ਜਿਸ ਵਿੱਚ ਉਹ ਆਪਣੇ ਬੂਟ ਵਿੱਚ ਬੀਅਰ ਪਾ ਕੇ ਪੀ ਰਿਹਾ ਹੈ। ਲੋਕ ਇਸ 'ਤੇ ਵੱਖ-ਵੱਖ ਪ੍ਰਤੀਕਿਰਿਆ ਦੇ ਰਹੇ ਹਨ, ਜਦੋਂ ਕਿ ਕੁਝ ਲੋਕਾਂ ਲਈ ਇਹ ਹੈਰਾਨੀ ਵਾਲੀ ਗੱਲ ਹੈ ਕਿ ਕੋਈ ਬੂਟ ਵਿੱਚ ਕੋਈ ਡਰਿੰਕ ਪਾ ਕੇ ਕਿਵੇਂ ਪੀ ਸਕਦਾ ਹੈ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਸੰਸਦ ਮੈਂਬਰ ਨੇ ਜੋ ਕੀਤਾ ਉਹ ਆਸਟ੍ਰੇਲੀਆਈ ਲੋਕਾਂ ਵਿੱਚ ਸ਼ਰਾਬ ਪੀਣ ਦੀ ਪਰੰਪਰਾ ਦਾ ਇਕ ਹਿੱਸਾ ਹੈ।
ਅਲਵਿਦਾ ਕਹਿਣ ਦਾ ਇੱਕ ਅਨੋਖਾ ਤਰੀਕਾ
ਆਸਟ੍ਰੇਲੀਆਈ ਸੰਸਦ ਮੈਂਬਰ ਕਾਇਲ ਮੈਕਗਿਨ ਨੇ ਸੰਸਦ ਵਿੱਚ ਆਪਣੇ ਆਖਰੀ ਦਿਨ ਜੋ ਕੀਤਾ ਉਹ ਅਲਵਿਦਾ ਕਹਿਣ ਦਾ ਉਸਦਾ ਤਰੀਕਾ ਸੀ। ਆਸਟ੍ਰੇਲੀਆਈ ਲੋਕਾਂ ਵਿੱਚ ਇਸ ਪਰੰਪਰਾ ਨੂੰ 'ਸ਼ੂਈ' ਕਿਹਾ ਜਾਂਦਾ ਹੈ। ਨਿਊਯਾਰਕ ਟਾਈਮਜ਼ ਦੀ ਇੱਕ ਰਿਪੋਰਟ ਅਨੁਸਾਰ ਇਸ ਪਰੰਪਰਾ ਮੁਤਾਬਕ ਕਿਸੇ ਵਿਅਕਤੀ ਦੇ ਬੂਟ ਵਿੱਚ ਸ਼ਰਾਬ ਪਾਈ ਜਾਂਦੀ ਹੈ। ਸ਼ਰਾਬ ਪੀਣ ਤੋਂ ਬਾਅਦ ਗਿੱਲਾ ਬੂਟ ਵਿਅਕਤੀ ਨੂੰ ਪਹਿਨਣ ਲਈ ਵਾਪਸ ਕਰ ਦਿੱਤਾ ਜਾਂਦਾ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਆਸਟ੍ਰੇਲੀਆ 'ਚ ਹੜ੍ਹ ਨਾਲ ਭਾਰੀ ਤਬਾਹੀ, 10 ਹਜ਼ਾਰ ਜਾਇਦਾਦਾਂ ਨੂੰ ਨੁਕਸਾਨ (ਤਸਵੀਰਾਂ)
ਸ਼ੂਈ ਪਰੰਪਰਾ ਕਦੋਂ ਸ਼ੁਰੂ ਹੋਈ, ਇਸ ਬਾਰੇ ਕੋਈ ਸਪੱਸ਼ਟ ਜਾਣਕਾਰੀ ਨਹੀਂ ਹੈ, ਪਰ ਕਈ ਮਸ਼ਹੂਰ ਹਸਤੀਆਂ ਨੇ ਇਸਨੂੰ ਜਨਤਕ ਤੌਰ 'ਤੇ ਕੀਤਾ ਹੈ। ਇਸ ਸੂਚੀ ਵਿੱਚ ਆਸਟ੍ਰੇਲੀਆਈ ਫਾਰਮੂਲਾ ਵਨ ਡਰਾਈਵਰ ਡੈਨੀਅਲ ਰਿਸੀਆਰਡੋ, ਫਿਲਮ ਸਟਾਰ ਪੈਟ੍ਰਿਕ ਸਟੀਵਰਟ, ਜਿੰਮੀ ਫੈਲਨ, ਹਿਊ ਗ੍ਰਾਂਟ ਅਤੇ ਜੇਰਾਰਡ ਬਟਲਰ ਵਰਗੀਆਂ ਮਸ਼ਹੂਰ ਹਸਤੀਆਂ ਸ਼ਾਮਲ ਹਨ। ਸਿਡਨੀ ਮਾਰਨਿੰਗ ਹੇਰਾਲਡ ਵਿੱਚ ਪ੍ਰਕਾਸ਼ਿਤ ਇੱਕ ਰਿਪੋਰਟ ਅਨੁਸਾਰ ਸੰਸਦ ਮੈਂਬਰ ਕਾਇਲ ਮੈਕਗਿਨ ਨੇ ਸੰਸਦ ਦੇ ਅੰਦਰ ਬੂਟ ਵਿੱਚ ਬੀਅਰ ਪੀਣ ਬਾਰੇ ਕਿਹਾ, 'ਮੈਂ ਆਪਣੇ ਭਾਸ਼ਣ ਨੂੰ ਕਿਵੇਂ ਖਤਮ ਕਰਨਾ ਹੈ ਇਸ ਬਾਰੇ ਬਹੁਤ ਸੋਚਿਆ ਅਤੇ ਮੈਨੂੰ ਲੱਗਿਆ ਕਿ ਇਹੀ ਇੱਕੋ ਇੱਕ ਤਰੀਕਾ ਸੀ।' ਗੋਲਡਫੀਲਡਜ਼ ਵਿੱਚ ਮੇਰੇ ਹਲਕੇ ਦੇ ਲੋਕ ਇਸਦੀ ਖਾਸ ਤੌਰ 'ਤੇ ਕਦਰ ਕਰਨਗੇ। ਮੈਂ ਵੋਟਰਾਂ ਨੂੰ ਕਹਿਣਾ ਚਾਹੁੰਦਾ ਹਾਂ, ਦੋ ਸ਼ਾਨਦਾਰ ਟਰਮਾਂ ਲਈ ਤੁਹਾਡਾ ਧੰਨਵਾਦ।' ਚੀਅਰਸ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।
ਆਸਟ੍ਰੇਲੀਆ 'ਚ ਹੜ੍ਹ ਨਾਲ ਭਾਰੀ ਤਬਾਹੀ, 10 ਹਜ਼ਾਰ ਜਾਇਦਾਦਾਂ ਨੂੰ ਨੁਕਸਾਨ (ਤਸਵੀਰਾਂ)
NEXT STORY 
