ਇੰਟਰਨੈਸ਼ਨਲ ਡੈਸਕ- 'ਛਿੱਕ' ਆਉਣਾ ਤੰਦਰੁਸਤੀ ਦੀ ਨਿਸ਼ਾਨੀ ਮੰਨਿਆ ਜਾਂਦਾ ਹੈ। ਪਰ ਜੇਕਰ ਤੁਸੀਂ ਛਿੱਕ ਰੋਕਣ ਦੀ ਕੋਸ਼ਿਸ਼ ਕਰਦੇ ਹੋ ਤਾਂ ਸਾਵਧਾਨ ਹੋ ਜਾਓ। ਅਜਿਹਾ ਕਰਨਾ ਘਾਤਕ ਸਾਬਤ ਹੋ ਸਕਦਾ ਹੈ। ਤੁਸੀਂ ਬੋਲ਼ੇ ਹੋ ਸਕਦੇ ਹੋ ਅਤੇ ਦਿਮਾਗ ਦੀਆਂ ਨਸਾਂ ਵੀ ਫਟ ਸਕਦੀਆਂ ਹਨ। ਅਜਿਹਾ ਹੀ ਇੱਕ ਅਮਰੀਕੀ ਵਿਅਕਤੀ ਨਾਲ ਹੋਇਆ। ਉਸ ਨੂੰ ਵਾਰ-ਵਾਰ ਛਿੱਕ ਆ ਰਹੀ ਸੀ। ਇਸ ਤੋਂ ਪਰੇਸ਼ਾਨ ਹੋ ਕੇ ਉਸ ਨੇ ਛਿੱਕ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ। ਫਿਰ ਵਿਅਕਤੀ ਨੂੰ ਅਚਾਨਕ ਏਨੀ ਜ਼ੋਰਦਾਰ ਛਿੱਕ ਆਈ ਕਿ ਉਸ ਦੇ ਦਿਮਾਗ਼ ਦੀਆਂ ਨਾੜਾਂ ਫਟ ਗਈਆਂ। ਦਿਮਾਗ ਵਿੱਚ ਖੂਨ ਵਹਿਣਾ ਸ਼ੁਰੂ ਹੋ ਗਿਆ। ਉਸ ਨੂੰ ਬਚਣਾ ਅਸੰਭਵ ਜਾਪਦਾ ਸੀ। ਡਾਕਟਰਾਂ ਨੂੰ ਵਿਅਕਤੀ ਦੀਆਂ ਤਿੰਨ ਸਰਜਰੀਆਂ ਕਰਨੀਆਂ ਪਈਆਂ, ਉਦੋਂ ਹੀ ਉਸ ਦੀ ਜਾਨ ਬਚ ਗਈ।
ਇਹ ਹੈ ਪੂਰਾ ਮਾਮਲਾ
ਅਲਬਾਮਾ ਸ਼ਹਿਰ ਦੇ ਰਹਿਣ ਵਾਲੇ 26 ਸਾਲਾ ਸੈਮ ਮੈਸੀਨਾ ਨੇ ਦੱਸਿਆ ਕਿ ਉਹ ਬੈੱਡ 'ਤੇ ਲੇਟਿਆ ਹੋਇਆ ਸੀ। ਉਸ ਨੂੰ ਵਾਰ-ਵਾਰ ਛਿੱਕ ਆ ਰਹੀ ਸੀ। ਕਈ ਵਾਰ ਉਸ ਨੇ ਛਿੱਕਾਂ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ। ਪਰ ਅਚਾਨਕ ਉਸ ਨੂੰ ਬਹੁਤ ਤੇਜ਼ ਛਿੱਕ ਆਈ ਅਤੇ ਉਸ ਦੇ ਦਿਮਾਗ ਦੀਆਂ ਨਾੜੀਆਂ ਵਿੱਚ ਧਮਾਕਾ ਹੋ ਗਿਆ ਅਤੇ ਧਮਨੀਆਂ ਫਟ ਗਈਆਂ। ਧਮਾਕਾ ਇੰਨਾ ਜ਼ਬਰਦਸਤ ਸੀ ਕਿ ਸਿਰ ਅਤੇ ਨੱਕ ਵਿੱਚੋਂ ਖੂਨ ਵਹਿਣ ਲੱਗਾ। ਸੈਮ ਨੂੰ ਦੌਰਾ ਵੀ ਪਿਆ ਅਤੇ ਉਹ ਬੇਹੋਸ਼ ਹੋ ਗਿਆ। ਸੈਮ ਮੁਤਾਬਕ ਉਸ ਨੂੰ ਬਚਣਾ ਅਸੰਭਵ ਜਾਪਦਾ ਸੀ ਪਰ ਰੱਬ ਦਾ ਸ਼ੁਕਰ ਹੈ ਕਿ ਉਸ ਦੀ ਜਾਨ ਬਚ ਗਈ।
ਕਰਾਉਣੀਆਂ ਪਈਆਂ 3 ਸਰਜਰੀਆਂ
ਸੈਮ ਨੇ ਦੱਸਿਆ ਕਿ ਬੇਹੋਸ਼ ਹੋਣ ਤੋਂ ਪਹਿਲਾਂ ਉਸ ਨੇ ਆਪਣੀ ਮਾਂ ਨੂੰ ਫੋਨ ਕੀਤਾ। ਆਪਣੀ ਗਰਲਫ੍ਰੈਂਡ ਨੂੰ ਦੱਸਿਆ, ਜੋ ਉਸ ਨੂੰ ਹਸਪਤਾਲ ਲੈ ਗਈ। ਜਦੋਂ ਡਾਕਟਰਾਂ ਨੇ ਦੇਖਿਆ ਤਾਂ ਉਹ ਹੈਰਾਨ ਰਹਿ ਗਏ। ਉਸ ਦੇ ਦਿਮਾਗ ਵਿੱਚੋਂ ਖੂਨ ਵਹਿ ਰਿਹਾ ਸੀ। ਉਸ ਹਸਪਤਾਲ ਵਿੱਚ ਅਜਿਹੇ ਇਲਾਜ ਦੀ ਕੋਈ ਸਹੂਲਤ ਨਹੀਂ ਸੀ, ਇਸ ਲਈ ਐਮਰਜੈਂਸੀ ਵਿੱਚ ਉਸ ਨੂੰ ਕਿਸੇ ਹੋਰ ਹਸਪਤਾਲ ਵਿੱਚ ਭੇਜ ਦਿੱਤਾ ਗਿਆ। ਹਫ਼ਤੇ ਵਿੱਚ ਤਿੰਨ ਵਾਰ ਸਰਜਰੀ ਕੀਤੀ ਗਈ। 27 ਟਾਂਕੇ ਲਾਏ ਗਏ। ਹਸਪਤਾਲ ਦੇ ਆਈਸੀਯੂ ਵਿੱਚ ਇੱਕ ਮਹੀਨਾ ਬਿਤਾਉਣ ਤੋਂ ਬਾਅਦ ਸੈਮ ਦੀ ਤਬੀਅਤ ਵਿੱਚ ਸੁਧਾਰ ਹੋਇਆ ਪਰ ਹੁਣ ਵੀ ਹਾਲਤ ਵਿੱਚ ਬਹੁਤਾ ਸੁਧਾਰ ਨਹੀਂ ਹੈ। ਉਸ ਨੂੰ ਕਈ ਵਾਰ ਚੱਕਰ ਆਉਂਦੇ ਹਨ।
arteriovenous malformation ਦਾ ਸ਼ਿਕਾਰ
ਪੜ੍ਹੋ ਇਹ ਅਹਿਮ ਖ਼ਬਰ-ਡਾਕਟਰਾਂ ਦਾ ਕਮਾਲ, ਦੁਨੀਆ 'ਚ ਪਹਿਲੀ ਵਾਰ ਗਰਭ 'ਚ ਪਲ ਰਹੇ ਬੱਚੇ ਦੀ ਕੀਤੀ 'Brain Surgery'
ਡਾਕਟਰਾਂ ਅਨੁਸਾਰ ਸੈਮ ਆਰਟੀਰੀਓਵੇਨਸ ਮੈਲਫਾਰਮੇਸ਼ਨ (ਏਵੀਐਮ) ਨਾਮਕ ਵਿਕਾਰ ਨਾਲ ਪੈਦਾ ਹੋਇਆ ਸੀ। ਜ਼ਿਆਦਾਤਰ ਲੋਕਾਂ ਨੂੰ ਇਹ ਸਮੱਸਿਆ ਹੁੰਦੀ ਹੈ। ਇਸ ਨੂੰ ਐਨਿਉਰਿਜ਼ਮਲ ਵਿਕਾਰ ਵੀ ਕਿਹਾ ਜਾਂਦਾ ਹੈ। ਜਦੋਂ ਦਿਮਾਗ ਦੀਆਂ ਧਮਨੀਆਂ ਅਤੇ ਨਾੜੀਆਂ ਨੂੰ ਜੋੜਨ ਵਾਲੀਆਂ ਖੂਨ ਦੀਆਂ ਨਾੜੀਆਂ ਉਲਝ ਜਾਂਦੀਆਂ ਹਨ, ਯਾਨੀ ਉਨ੍ਹਾਂ ਵਿੱਚ ਇੱਕ ਅਸਧਾਰਨ ਕੁਨੈਕਸ਼ਨ ਬਣਦਾ ਹੈ, ਤਾਂ ਇੱਕ ਖੂਨ ਦਾ ਥੱਕਾ ਬਣ ਜਾਂਦਾ ਹੈ। ਤੇਜ਼ ਛਿੱਕਾਂ ਕਾਰਨ ਇਸ ਗਤਲੇ ਵਿਚ ਵਿਸਫੋਟ ਹੋਇਆ ਅਤੇ ਧਮਨੀਆਂ ਫਟ ਗਈਆਂ। ਇਹ ਇੱਕ ਘਾਤਕ ਸਥਿਤੀ ਹੁੰਦੀ ਹੈ ਭਾਵ ਮੌਤ ਹੋ ਸਕਦੀ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਅਮਰੀਕੀ ਰਾਸ਼ਟਰਪਤੀ ਬਾਈਡੇਨ ਨੇ ਅਜੈ ਬੰਗਾ ਨੂੰ ਵਿਸ਼ਵ ਬੈਂਕ ਦਾ ਪ੍ਰਧਾਨ ਚੁਣੇ ਜਾਣ 'ਤੇ ਦਿੱਤੀ ਵਧਾਈ
NEXT STORY 
