ਸਿਡਨੀ— ਅਮਰੀਕਾ ਦੇ ਨਿਊਯਾਰਕ ਤੋਂ ਯਾਤਰੀਆਂ ਨੂੰ ਲੈ ਕੇ ਇਕ ਜਹਾਜ਼ ਬਿਨਾ ਰੁਕੇ 19 ਘੰਟੇ 16 ਮਿੰਟ ਲੰਬੀ ਉਡਾਣ ਭਰ ਕੇ ਆਸਟ੍ਰੇਲੀਆ ਦੇ ਸਿਡਨੀ 'ਚ ਪੁੱਜਾ। ਇਹ ਹੁਣ ਤਕ ਦੀ ਸਭ ਤੋਂ ਲੰਬੀ ਨਾਨਸਟਾਪ ਯਾਤਰੀ ਉਡਾਣ ਹੈ। ਕੰਤਾਸ ਉਡਾਣ ਕਿਊ. ਐੱਫ. 7879 ਨੇ ਇਸ ਸਾਲ ਦੀ ਸ਼ੁਰੂਆਤ 'ਚ ਤਿੰਨ ਬੇਹੱਦ ਲੰਬੀਆਂ ਉਡਾਣਾਂ ਦੀ ਯੋਜਨਾ ਬਣਾਈ ਸੀ ਅਤੇ ਇਸ 'ਚ ਨਿਊਯਾਰਕ ਅਤੇ ਸਿਡਨੀ ਵਿਚਕਾਰ ਪਹਿਲੀ ਲੰਬੀ ਉਡਾਣ ਭਰੀ ਗਈ।
ਇਸ ਜਹਾਜ਼ 'ਚ ਸਿਰਫ 49 ਲੋਕਾਂ ਨੇ ਉਡਾਣ ਭਰੀ ਤਾਂ ਕਿ ਜਹਾਜ਼ 'ਚ ਘੱਟ ਤੋਂ ਘੱਟ ਭਾਰ ਰਹੇ ਅਤੇ ਇਹ 16 ਹਜ਼ਾਰ ਕਿਲੋਮੀਟਰ ਤੋਂ ਵੀ ਵਧੇਰੇ ਦੂਰੀ ਬਣਾ ਕੇ ਦੋਬਾਰਾ ਬਿਨਾ ਤੇਲ ਭਰੇ ਯਾਤਰਾ ਪੂਰੀ ਕਰ ਸਕੇ। ਕੰਤਾਸ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਐਲਨ ਜੋਏਸੋ ਨੇ ਇਸ ਨੂੰ ਏਅਰਲਾਈਨ ਅਤੇ ਵਿਸ਼ਵ ਜਹਾਜ਼ ਖੇਤਰ ਲਈ ਬੇਹੱਦ ਇਤਿਹਾਸਕ ਪਲ ਕਰਾਰ ਦਿੱਤਾ।
ਯਾਤਰੀਆਂ ਲਈ ਵਧੀਆ ਖਾਣ-ਪੀਣ ਦਾ ਪ੍ਰਬੰਧ ਸੀ ਤੇ ਖਾਸ ਗੱਲ ਇਹ ਹੈ ਕਿ ਯਾਤਰੀਆਂ ਨੂੰ ਜਹਾਜ਼ 'ਚ ਥੋੜਾ ਸਮਾਂ ਕਸਰਤ ਵੀ ਕਰਵਾਈ ਗਈ ਤਾਂ ਕਿ ਉਹ ਬੈਠੇ-ਬੈਠੇ ਥੱਕ ਨਾ ਜਾਣ। ਖਾਲੀ ਥਾਂ ਨੂੰ ਜਿੰਮ ਦੀ ਤਰ੍ਹਾਂ ਵਰਤਿਆ ਗਿਆ ਤੇ ਲੋਕਾਂ ਨੇ ਇਸ ਦੌਰਾਨ ਹਲਕੀ ਜਿਹੀ ਕਸਰਤ ਦਾ ਆਨੰਦ ਲਿਆ।
ਇਸ ਤੋਂ ਇਲਾਵਾ ਰਿਸਰਚਰਜ਼ ਨੇ ਕਈ ਯਾਤਰੀਆਂ ਦੇ ਸੈਂਪਲ ਲਏ ਤਾਂ ਕਿ ਪਤਾ ਲੱਗ ਸਕੇ ਉਨ੍ਹਾਂ ਨੂੰ ਡੀਹਾਈਡ੍ਰੇਸ਼ਨ, ਥਕਾਵਟ ਜਾਂ ਕਿਸੇ ਹੋਰ ਤਰ੍ਹਾਂ ਦੀ ਪ੍ਰੇਸ਼ਾਨੀ ਤਾਂ ਨਹੀਂ ਹੋਈ।
ਕੰਪਨੀ ਨੇ ਲਗਾਇਆ ਟਰੰਪ ਦਾ ਇਤਰਾਜ਼ਯੋਗ ਹੋਰਡਿੰਗ, ਲੋਕਾਂ 'ਚ ਨਾਰਾਜ਼ਗੀ
NEXT STORY 
