ਮੁੰਬਈ (ਏਜੰਸੀ) - ਹਾਲ ਹੀ ਵਿੱਚ ਰਿਲੀਜ਼ ਹੋਈ ਫਿਲਮ 'ਆਵਾਰਾਪਨ 2' ਦੀ ਸਫਲਤਾ ਦੇ ਵਿਚਕਾਰ ਇਮਰਾਨ ਹਾਸ਼ਮੀ ਸਵਾਈਨ ਫਲੂ (H1N1) ਦੀ ਲਪੇਟ ਵਿੱਚ ਆ ਗਏ ਹਨ। ਅਦਾਕਾਰ ਪਿਛਲੇ ਕੁਝ ਦਿਨਾਂ ਤੋਂ ਬਿਮਾਰ ਮਹਿਸੂਸ ਕਰ ਰਹੇ ਸਨ, ਹਾਲਾਂਕਿ ਹੁਣ ਉਹ ਇਸ ਤੋਂ ਠੀਕ ਹੋ ਰਹੇ ਹਨ। ਅਦਾਕਾਰ ਨੇ ਆਪਣੇ ਇੰਸਟਾਗ੍ਰਾਮ ਦੇ ਸਟੋਰੀ ਸੈਕਸ਼ਨ ਵਿੱਚ ਪ੍ਰਸ਼ੰਸਕਾਂ ਨਾਲ ਇਹ ਜਾਣਕਾਰੀ ਸਾਂਝੀ ਕੀਤੀ ਹੈ।
ਇਹ ਵੀ ਪੜ੍ਹੋ: ਮਸ਼ਹੂਰ ਅਦਾਕਾਰਾ ਦੇ ਘਰ ਗੂੰਜੀਆਂ ਕਿਲਕਾਰੀਆਂ, ਦਿੱਤਾ ਪੁੱਤਰ ਨੂੰ ਜਨਮ
ਉਨ੍ਹਾਂ ਦੱਸਿਆ ਕਿ ਸਿਹਤ ਖਰਾਬ ਹੋਣ ਕਾਰਨ ਬੈਂਗਲੁਰੂ ਵਿੱਚ ਹੋਣ ਵਾਲਾ ਆਪਣਾ ਆਗਾਮੀ ਸ਼ੋਅ ਮੁਲਤਵੀ ਕਰਨ ਪਿਆ ਹੈ। ਹਾਸ਼ਮੀ ਨੇ ਪ੍ਰਸ਼ੰਸਕਾਂ ਤੋਂ ਮੁਆਫੀ ਮੰਗੀ ਅਤੇ ਉਨ੍ਹਾਂ ਨੂੰ ਭਰੋਸਾ ਦਿੱਤਾ ਕਿ ਇਹ ਪ੍ਰੋਗਰਾਮ ਹੁਣ ਇੱਕ ਨਵੀਂ ਤਰੀਕ 'ਤੇ ਹੋਵੇਗਾ। ਉਨ੍ਹਾਂ ਲਿਖਿਆ, ਹੇ ਬੈਂਗਲੁਰੂ, ਮੈਂ ਸੱਚਮੁੱਚ ਬਿਮਾਰ ਹਾਂ ਅਤੇ ਬਦਕਿਸਮਤੀ ਨਾਲ ਬੈਂਗਲੁਰੂ ਸ਼ੋਅ ਵਿੱਚ ਨਹੀਂ ਆ ਸਕਾਂਗਾ। ਪਰ ਪਿਕਚਰ ਖਤਮ ਨਹੀਂ ਹੋਈ ਹੈ, ਇਹ ਸਿਰਫ ਮੁਲਤਵੀ ਹੋਈ ਹੈ! ਮੈਂ ਤੁਹਾਨੂੰ ਸਾਰਿਆਂ ਨੂੰ 12 ਸਤੰਬਰ ਸ਼ਨੀਵਾਰ ਨੂੰ ਸਨਬਰਨ ਯੂਨੀਅਨ ਵਿੱਚ ਮਿਲਾਂਗਾ। ਤੁਹਾਡੀਆਂ ਟਿਕਟਾਂ ਨਵੀਂ ਤਰੀਕ ਲਈ ਵੈਧ ਰਹਿਣਗੀਆਂ। ਤੁਹਾਨੂੰ ਸਾਰਿਆਂ ਨੂੰ ਮਿਲਣ ਲਈ ਬੇਸਬਰੀ ਨਾਲ ਇੰਤਜ਼ਾਰ ਹਾਂ!'
ਇਹ ਵੀ ਪੜ੍ਹੋ: '4 ਦਿਨਾਂ 'ਚ ਕਾਤਲ ਨਾ ਫੜੇ ਤਾਂ CM ਦੇ ਘਰ ਅੱਗੇ..!', ਗਾਇਕ ਅੰਕਿਤ ਦੀ ਪਤਨੀ ਨੇ ਦੇ'ਤੀ ਧਮਕੀ
ਦੱਸ ਦੇਈਏ ਕਿ ਹਾਸ਼ਮੀ ਇਸ ਸਮੇਂ ਆਪਣੀ ਹਾਲ ਹੀ ਵਿੱਚ ਰਿਲੀਜ਼ ਹੋਈ 'ਆਵਾਰਾਪਨ 2' ਦੀ ਸਫਲਤਾ ਦਾ ਆਨੰਦ ਮਾਣ ਰਿਹਾ ਹੈ, ਜਿਸਦਾ ਨਿਰਦੇਸ਼ਨ ਨਿਤਿਨ ਕੱਕੜ ਦੁਆਰਾ ਕੀਤਾ ਗਿਆ ਹੈ ਅਤੇ ਵਿਸ਼ੇਸ਼ ਫਿਲਮਜ਼ ਦੁਆਰਾ ਨਿਰਮਿਤ ਹੈ। ਇਸ ਫਿਲਮ ਉਹ ਇਕ ਵਾਰ ਫਿਰ ਸ਼ਿਵਮ ਪੰਡਿਤ ਦੇ ਕਿਰਦਾਰ ਵਿੱਚ ਨਜ਼ਰ ਆ ਰਹੇ ਹਨ, ਜਿਸਨੂੰ ਇੱਕ ਇੰਟਰਪੋਲ ਅਧਿਕਾਰੀ ਅਗਵਾ ਕੀਤੇ ਬੱਚਿਆਂ ਨੂੰ ਛੁਡਾਉਣ ਵਿੱਚ ਮਦਦ ਕਰਨ ਲਈ ਸੰਪਰਕ ਕਰਦਾ ਹੈ। ਇਸ ਫਿਲਮ ਵਿੱਚ ਦਿਸ਼ਾ ਪਟਾਨੀ ਜ਼ਾਰਾ ਦੇ ਭੂਮਿਕਾ ਵਿੱਚ ਅਤੇ ਸ਼ਬਾਨਾ ਆਜ਼ਮੀ ਗੈਂਗਸਟਰ ਕਵੀਨ ਨਫੀਸਾ ਦੀ ਭੂਮਿਕਾ ਵਿੱਚ ਹੈ। ਇਸ ਤੋਂ ਇਲਾਵਾ ਸੁਵਿੰਦਰ ਵਿੱਕੀ, ਵਿਜਯੰਤ ਕੋਹਲੀ ਅਤੇ ਪੂਰਨ ਗੱਬੀ ਵੀ ਇਸ ਫਿਲਮ ਦਾ ਅਹਿਮ ਹਿੱਸਾ ਹਨ। 'ਆਵਾਰਾਪਨ 2' 2007 ਦੀ ਫਿਲਮ 'ਆਵਾਰਾਪਨ' ਦਾ ਸੀਕਵਲ ਹੈ, ਜਿਸਦਾ ਨਿਰਦੇਸ਼ਨ ਮੋਹਿਤ ਸੂਰੀ ਦੁਆਰਾ ਕੀਤਾ ਗਿਆ ਸੀ।
ਇਹ ਵੀ ਪੜ੍ਹੋ: ਘਰ 'ਚ ਵੜ ਕੇ ਮਾਡਲ ਦਾ ਕਤਲ ਕਰਨ ਵਾਲੇ ਜਿਮ ਟ੍ਰੇਨਰ ਦਾ ਪੁਲਸ ਨੇ ਕਰ'ਤਾ ਐਨਕਾਊਂਟਰ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਮਸ਼ਹੂਰ ਅਦਾਕਾਰਾ ਦੇ ਘਰ ਗੂੰਜੀਆਂ ਕਿਲਕਾਰੀਆਂ, ਦਿੱਤਾ ਪੁੱਤਰ ਨੂੰ ਜਨਮ
NEXT STORY 
