ਇੰਟਰਨੈਸ਼ਨਲ ਡੈਸਕ : ਸਪੇਸਐਕਸ (SpaceX) ਅਤੇ ਟੈਸਲਾ (Tesla) ਦੇ ਮਾਲਕ ਐਲੋਨ ਮਸਕ ਨੇ ਇੱਕ ਵੱਡੀ ਤਕਨੀਕੀ ਕ੍ਰਾਂਤੀ ਵੱਲ ਇੱਕ ਕਦਮ ਚੁੱਕਿਆ ਹੈ। ਉਨ੍ਹਾਂ ਐਲਾਨ ਕੀਤਾ ਹੈ ਕਿ ਹੁਣ ਮੋਬਾਈਲ ਫੋਨ ਬਿਨਾਂ ਕਿਸੇ ਮੋਬਾਈਲ ਟਾਵਰ ਦੇ ਸਿੱਧੇ ਸੈਟੇਲਾਈਟ ਨਾਲ ਜੁੜ ਜਾਣਗੇ। ਸਟਾਰਲਿੰਕ ਦੀ ਨਵੀਂ ਡਾਇਰੈਕਟ-ਟੂ-ਸੈਲ ਸੈਟੇਲਾਈਟ ਸੇਵਾ ਦੀ ਬੀਟਾ ਟੈਸਟਿੰਗ ਅੱਜ ਤੋਂ ਸ਼ੁਰੂ ਹੋ ਰਹੀ ਹੈ। ਇਹ ਸੇਵਾ ਮੋਬਾਈਲ ਨੈੱਟਵਰਕ ਦੇ ਖੇਤਰ ਵਿੱਚ ਵੱਡੀ ਤਬਦੀਲੀ ਦਾ ਸੰਕੇਤ ਹੈ ਅਤੇ ਇਹ ਨਵੀਂ ਤਕਨੀਕ ਮੋਬਾਈਲ ਟਾਵਰਾਂ ਦੀ ਲੋੜ ਨੂੰ ਖ਼ਤਮ ਕਰ ਸਕਦੀ ਹੈ।
ਕੀ ਹੈ ਡਾਇਰੈਕਟ ਟੂ ਸੈਲ ਸੈਟੇਲਾਈਟ ਸਰਵਿਸ?
ਡਾਇਰੈਕਟ ਟੂ ਸੈਲ ਸਰਵਿਸ ਇੱਕ ਅਜਿਹੀ ਤਕਨੀਕ ਹੈ ਜੋ ਸਮਾਰਟਫੋਨ ਨੂੰ ਸਪੇਸਐਕਸ ਦੇ ਸਟਾਰਲਿੰਕ ਸੈਟੇਲਾਈਟ ਨੈੱਟਵਰਕ ਨਾਲ ਸਿੱਧਾ ਜੋੜ ਦੇਵੇਗੀ। ਇਸ ਲਈ ਜ਼ਮੀਨ 'ਤੇ ਰਵਾਇਤੀ ਮੋਬਾਈਲ ਨੈੱਟਵਰਕ ਟਾਵਰ ਲਗਾਉਣ ਦੀ ਲੋੜ ਨਹੀਂ ਹੋਵੇਗੀ। ਇਹ ਸੇਵਾ ਖਾਸ ਤੌਰ 'ਤੇ ਉਨ੍ਹਾਂ ਖੇਤਰਾਂ ਲਈ ਗੇਮਚੇਂਜਰ ਸਾਬਤ ਹੋ ਸਕਦੀ ਹੈ ਜਿੱਥੇ ਕੋਈ ਮੋਬਾਈਲ ਨੈੱਟਵਰਕ ਕਵਰੇਜ ਨਹੀਂ ਹੈ, ਜਿਵੇਂ ਕਿ ਦੂਰ-ਦੁਰਾਡੇ ਦੇ ਪੇਂਡੂ ਖੇਤਰ, ਸਮੁੰਦਰੀ ਖੇਤਰ ਅਤੇ ਪਹਾੜੀ ਖੇਤਰ।
ਇਹ ਵੀ ਪੜ੍ਹੋ : 5 ਸਾਲਾਂ ਬਾਅਦ ਮੁੜ ਸ਼ੁਰੂ ਹੋਵੇਗੀ ਕੈਲਾਸ਼ ਮਾਨਸਰੋਵਰ ਯਾਤਰਾ, ਭਾਰਤ ਅਤੇ ਚੀਨ ਵਿਚਾਲੇ ਬਣੀ ਸਹਿਮਤੀ
ਕਿਵੇਂ ਕੰਮ ਕਰੇਗੀ ਇਹ ਸੇਵਾ?
ਇਹ ਸਮਾਰਟਫੋਨ ਸਟਾਰਲਿੰਕ ਦੇ ਲੋਅ-ਅਰਥ ਔਰਬਿਟ (LEO) ਸੈਟੇਲਾਈਟਾਂ ਨਾਲ ਸਿੱਧੇ ਕਨੈਕਟ ਹੋਣਗੇ। ਇਸ ਲਈ ਕਿਸੇ ਵੱਖਰੇ ਸੈਟੇਲਾਈਟ ਫੋਨ ਦੀ ਲੋੜ ਨਹੀਂ ਹੋਵੇਗੀ। ਇਸ ਸੇਵਾ ਜ਼ਰੀਏ ਮੋਬਾਈਲ ਫੋਨ ਨੈੱਟਵਰਕ ਹਰ ਜਗ੍ਹਾ ਉਪਲਬਧ ਹੋਵੇਗਾ, ਭਾਵੇਂ ਉਹ ਰੇਗਿਸਤਾਨ, ਸੰਘਣਾ ਜੰਗਲ ਜਾਂ ਸਮੁੰਦਰ ਹੋਵੇ। ਮੋਬਾਈਲ ਟਾਵਰ ਲਗਾਉਣਾ ਅਤੇ ਸਾਂਭ-ਸੰਭਾਲ ਕਰਨਾ ਮਹਿੰਗਾ ਹੈ। ਇਸ ਸੇਵਾ ਜ਼ਰੀਏ ਖਰਚੇ ਘੱਟ ਹੋਣਗੇ ਅਤੇ ਨੈੱਟਵਰਕ ਤੇਜ਼ੀ ਨਾਲ ਫੈਲੇਗਾ।
ਸੇਵਾ ਦੇ ਲਾਭ ਅਤੇ ਬੀਟਾ ਟੈਸਟਿੰਗ ਦਾ ਉਦੇਸ਼
* ਦੁਨੀਆ ਦੇ ਉਨ੍ਹਾਂ ਹਿੱਸਿਆਂ ਵਿੱਚ ਵੀ ਮੋਬਾਈਲ ਨੈੱਟਵਰਕ ਉਪਲਬਧ ਹੋਵੇਗਾ ਜਿੱਥੇ ਅੱਜ ਤੱਕ ਅਜਿਹਾ ਸੰਭਵ ਨਹੀਂ ਸੀ।
* ਕੁਦਰਤੀ ਆਫ਼ਤ ਜਾਂ ਯੁੱਧ ਵਰਗੇ ਹਾਲਾਤਾਂ ਵਿੱਚ ਜਦੋਂ ਮੋਬਾਈਲ ਟਾਵਰ ਕੰਮ ਕਰਨਾ ਬੰਦ ਕਰ ਦਿੰਦੇ ਹਨ ਤਾਂ ਇਹ ਤਕਨਾਲੋਜੀ ਸੰਚਾਰ ਨੂੰ ਕਾਇਮ ਰੱਖੇਗੀ।
* ਸੈਟੇਲਾਈਟ ਆਧਾਰਿਤ ਨੈੱਟਵਰਕ ਦੀ ਵਰਤੋਂ ਕਰਨ ਨਾਲ ਕਾਲ ਡਰਾਪ ਵਰਗੀਆਂ ਸਮੱਸਿਆਵਾਂ ਵੀ ਦੂਰ ਹੋ ਜਾਣਗੀਆਂ।
* ਮਸਕ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ (ਪਹਿਲਾਂ ਟਵਿੱਟਰ) 'ਤੇ ਇਹ ਜਾਣਕਾਰੀ ਦਿੱਤੀ।
* ਉਨ੍ਹਾਂ ਦੱਸਿਆ ਕਿ ਸਟਾਰਲਿੰਕ ਦੀ ਇਹ ਨਵੀਂ ਸੇਵਾ ਸਭ ਤੋਂ ਪਹਿਲਾਂ ਕੁਝ ਚੋਣਵੇਂ ਖੇਤਰਾਂ ਵਿੱਚ ਬੀਟਾ ਟੈਸਟਿੰਗ ਰਾਹੀਂ ਸ਼ੁਰੂ ਕੀਤੀ ਜਾਵੇਗੀ।
* ਇਸ ਟੈਸਟਿੰਗ ਦਾ ਉਦੇਸ਼ ਸੇਵਾ ਦੀ ਸੰਭਾਵਨਾ ਅਤੇ ਤਕਨੀਕੀ ਸੀਮਾਵਾਂ ਦਾ ਮੁਲਾਂਕਣ ਕਰਨਾ ਹੈ।
ਦੁਨੀਆ 'ਤੇ ਪ੍ਰਭਾਵ
1. ਮੋਬਾਈਲ ਉਦਯੋਗ ਵਿੱਚ ਇਹ ਕ੍ਰਾਂਤੀ ਦੁਨੀਆ ਭਰ ਦੀਆਂ ਮੋਬਾਈਲ ਕੰਪਨੀਆਂ ਨੂੰ ਚੁਣੌਤੀ ਦੇ ਸਕਦੀ ਹੈ।
2. ਰਵਾਇਤੀ ਮੋਬਾਈਲ ਟਾਵਰਾਂ 'ਤੇ ਨਿਰਭਰਤਾ ਘਟੇਗੀ।
3. ਇਸ ਨਾਲ ਵਾਤਾਵਰਨ ਨੂੰ ਵੀ ਫਾਇਦਾ ਹੋਵੇਗਾ ਕਿਉਂਕਿ ਟਾਵਰ ਲਗਾਉਣ ਲਈ ਜੰਗਲਾਂ ਨੂੰ ਕੱਟਣ ਦੀ ਘੱਟ ਲੋੜ ਪਵੇਗੀ।
4. ਗਲੋਬਲ ਕਨੈਕਟੀਵਿਟੀ ਵਧੇਗੀ।
5. ਦੂਰ-ਦੁਰਾਡੇ ਦੇ ਇਲਾਕਿਆਂ ਵਿੱਚ ਰਹਿਣ ਵਾਲੇ ਲੋਕ ਵੀ ਹਾਈ ਸਪੀਡ ਇੰਟਰਨੈੱਟ ਅਤੇ ਕਾਲਿੰਗ ਸੁਵਿਧਾਵਾਂ ਦਾ ਲਾਭ ਲੈ ਸਕਣਗੇ।
ਇਹ ਵੀ ਪੜ੍ਹੋ : 'ਡੈਡੀ ਮੈਨੂੰ ਮਾਫ਼ ਕਰਨਾ', ਪਤਨੀ ਦੇ ਤਸ਼ੱਦਦ ਤੋਂ ਤੰਗ ਆ ਕੇ ਪਤੀ ਨੇ ਕੀਤੀ ਖੁਦਕੁਸ਼ੀ
ਭਾਰਤ 'ਤੇ ਅਸਰ
ਭਾਰਤ ਵਰਗੇ ਦੇਸ਼ ਵਿੱਚ ਜਿੱਥੇ ਬਹੁਤ ਸਾਰੇ ਪੇਂਡੂ ਅਤੇ ਦੂਰ-ਦੁਰਾਡੇ ਖੇਤਰਾਂ ਵਿੱਚ ਅਜੇ ਵੀ ਮੋਬਾਈਲ ਨੈੱਟਵਰਕ ਦੀ ਘਾਟ ਹੈ, ਇਹ ਤਕਨੀਕ ਬਹੁਤ ਲਾਭਦਾਇਕ ਸਾਬਤ ਹੋਵੇਗੀ। ਇਸ ਨਾਲ ਡਿਜੀਟਲ ਇੰਡੀਆ ਨੂੰ ਹੋਰ ਹੁਲਾਰਾ ਮਿਲੇਗਾ ਅਤੇ ਪੇਂਡੂ ਖੇਤਰਾਂ ਨੂੰ ਮੁੱਖ ਧਾਰਾ ਨਾਲ ਜੋੜਨ ਵਿੱਚ ਮਦਦ ਮਿਲੇਗੀ। ਦੱਸਣਯੋਗ ਹੈ ਕਿ ਐਲੋਨ ਮਸਕ ਦੀ ਸਟਾਰਲਿੰਕ ਡਾਇਰੈਕਟ ਟੂ ਸੇਲ ਸੈਟੇਲਾਈਟ ਸਰਵਿਸ ਭਵਿੱਖ ਦੀ ਇੱਕ ਤਕਨੀਕ ਹੈ, ਜੋ ਸੰਚਾਰ ਦੇ ਖੇਤਰ ਵਿੱਚ ਕ੍ਰਾਂਤੀ ਲਿਆ ਸਕਦੀ ਹੈ। ਜੇਕਰ ਇਹ ਬੀਟਾ ਟੈਸਟਿੰਗ ਸਫਲ ਹੋ ਜਾਂਦੀ ਹੈ ਤਾਂ ਆਉਣ ਵਾਲੇ ਸਾਲਾਂ ਵਿੱਚ ਮੋਬਾਈਲ ਨੈੱਟਵਰਕ ਦੀ ਤਸਵੀਰ ਪੂਰੀ ਤਰ੍ਹਾਂ ਬਦਲ ਸਕਦੀ ਹੈ। ਐਲੋਨ ਮਸਕ ਦਾ ਇਹ ਕਦਮ ਸਿਰਫ਼ ਮੋਬਾਈਲ ਨੈੱਟਵਰਕ ਤੱਕ ਹੀ ਸੀਮਤ ਨਹੀਂ ਹੈ, ਉਨ੍ਹਾਂ ਦਾ ਵਿਜ਼ਨ ਸੈਟੇਲਾਈਟ ਰਾਹੀਂ ਪੂਰੀ ਦੁਨੀਆ ਨੂੰ ਜੋੜਨਾ ਹੈ ਤਾਂ ਜੋ ਗਲੋਬਲ ਕਨੈਕਟੀਵਿਟੀ ਨੂੰ ਬਿਹਤਰ ਬਣਾਇਆ ਜਾ ਸਕੇ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਹਮਾਸ ਦੀ ਸੂਚੀ 'ਚ 33 ਬੰਧਕਾਂ 'ਚੋਂ ਅੱਠ ਮਾਰੇ ਗਏ : ਇਜ਼ਰਾਈਲ
NEXT STORY 
