ਵਾਸ਼ਿੰਗਟਨ— ਪਯੋਂਗਯਾਂਗ ਦੇ ਪਰਮਾਣੁ ਹਥਿਆਰਾਂ ਦੇ ਸਭ ਤੋਂ ਵੱਡੇ ਪ੍ਰੀਖਣ ਤੋਂ ਬਾਅਦ ਉੱਤਰੀ ਕੋਰੀਆ ਕਾਰਨ ਪੈਦਾ ਹੋਈ ਸੁਰੱਖਿਆ ਸਬੰਧੀ ਚੁਣੌਤੀਆਂ ਉੱਤੇ ਚਰਚਾ ਲਈ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਆਪਣੇ ਚੀਨੀ ਹਮਰੁਤਬਾ ਸ਼ੀ ਜਿੰਨਪਿੰਗ ਨਾਲ ਗੱਲ ਕਰਣਗੇ । ਇਹ ਜਾਣਕਾਰੀ ਵ੍ਹਾਈਟ ਹਾਊਸ ਨੇ ਦਿੱਤੀ ਹੈ । ਉੱਤਰੀ ਕੋਰੀਆ ਨੇ ਐਤਵਾਰ ਨੂੰ ਕਿਹਾ ਕਿ ਉਸ ਨੇ ਲੰਬੀ ਦੂਰੀ ਤੱਕ ਮਾਰ ਸਕਣ ਵਾਲੀ ਮਿਸਾਇਲ ਲਈ ਡਿਜ਼ਾਇਨ ਹਾਈਡ੍ਰੋਜਨ ਬੰਬ ਦਾ ਵਿਸਫੋਟ ਕੀਤਾ ਹੈ । ਉਸ ਨੇ ਆਪਣੇ ਇਸ ਛੇਵੇਂ ਅਤੇ ਸਭ ਤੋਂ ਸ਼ਕਤੀਸ਼ਾਲੀ ਪਰਮਾਣੁ ਪ੍ਰੀਖਣ ਨੂੰ ਇਕ ''ਸਫਲਤਾ'' ਕਰਾਰ ਦਿੱਤਾ । ਉੱਤਰੀ ਕੋਰੀਆ ਦੇ ਇਸ ਪ੍ਰੀਖਣ ਦੀ ਸੰਸਾਰਿਕ ਨਿੰਦਾ ਹੋਈ ਅਤੇ ਅਮਰੀਕਾ ਵੱਲੋਂ ਸਖਤ ਪਾਬੰਦੀ ਲਗਾਉਣ ਦੀ ਗੱਲ ਕਹੀ ਗਈ । ਟਰੰਪ ਦੀ ਸ਼ੀ ਨਾਲ ਗੱਲ ਦਰਅਸਲ ਉੱਤਰੀ ਕੋਰੀਆ ਕਾਰਨ ਪੈਦਾ ਹੋਣ ਵਾਲੇ ਸੰਕਟ ਦੇ ਮੁੱਦੇ ਉੱਤੇ ਸੰਸਾਰਿਕ ਨੇਤਾਵਾਂ ਤੱਕ ਪਹੁੰਚ ਬਣਾਉਣ ਦੇ ਉਨ੍ਹਾਂ ਦੀਆਂ ਕੋਸ਼ਿਸ਼ਾਂ ਦਾ ਹਿੱਸਾ ਹੈ । ਉੱਤਰੀ ਕੋਰੀਆ ਦੇ ਹਾਲੀਆ ਪਰਮਾਣੁ ਪ੍ਰੀਖਣ ਤੋਂ ਬਾਅਦ ਦੋਵਾਂ ਨੇਤਾਵਾਂ ਵਿਚਕਾਰ ਦੀ ਇਹ ਪਹਿਲੀ ਫੋਨ ਕਾਲ ਹੋਵੇਗੀ । ਉੱਤਰੀ ਕੋਰੀਆ ਨੇ ਆਪਣੀ ਬੈਲਿਸਟਿਕ ਮਿਸਾਇਲ ਨੂੰ ਪਰਮਾਣੁ ਹਥਿਆਰਾਂ ਨਾਲ ਲੈਸ ਕਰਨ ਦੀ ਧਮਕੀ ਵੀ ਦਿੱਤੀ ਸੀ । ਵ੍ਹਾਈਟ ਹਾਊਸ ਨੇ ਕਿਹਾ ਕਿ ਸਵੇਰੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਚੀਨ ਦੇ ਰਾਸ਼ਟਰਪਤੀ ਸ਼ੀ ਜਿੰਨਪਿੰਗ ਨਾਲ ਗੱਲ ਕਰਨਗੇ । ਪਿਛਲੇ ਕੁਝ ਦਿਨਾਂ ਵਿਚ ਉਹ ਜਾਪਾਨੀ ਪ੍ਰਧਾਨਮੰਤਰੀ ਸ਼ਿੰਝੋ ਆਬੇ ਨਾਲ ਕਈ ਵਾਰ ਗੱਲ ਕਰ ਚੁੱਕੇ ਹਨ।
ਸ਼ਖਸ ਦੀ ਬਾਡੀ ਦੇ ਇਸ ਹਿੱਸੇ ਤੋਂ ਨਿਕਲਿਆਂ ਸ਼ੀਸ਼ੇ ਦਾ ਗਿਲਾਸ, ਨਾ ਦੱਸੀ ਪਿੱਛੇ ਦੀ ਅਸਲੀਅਤ
NEXT STORY