ਬਾਰਸੀਲੋਨਾ (ਰਾਜੇਸ਼): ਸਪੇਨ ਦੇ ਉੱਘੇ ਕਾਰੋਬਾਰੀ ਲਖਵੀਰ ਸਿੰਘ ਧਾਲੀਵਾਲ ਨੂੰ ਐੱਨ.ਆਰ.ਆਈ. ਸਭਾ ਅਤੇ ਪੰਜਾਬ ਸਰਕਾਰ ਨੇ ਸਪੇਨ ਇਕਾਈ ਦਾ ਪ੍ਰਧਾਨ ਨਿਯੁਕਤ ਕੀਤਾ ਹੈ। ਚੋਣ ਦੇ ਚੱਲਦਿਆਂ ਐੱਨ.ਆਰ.ਆਈ. ਵਿਭਾਗ ਦੇ ਕੋਆਰਡੀਨੇਟਰ ਗੁਵਿੰਦਰ ਸਿੰਘ ਪੁਰੇਵਾਲ ਮਾਨ ਨੇ ਸਮਰਥਨ ਦਿੱਤਾ ਅਤੇ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ। ਉੱਥੇ ਹੀ ਸਪੇਨ ਭਰ ਵਿਚ ਵੱਸਦੇ ਭਾਰਤੀ ਮੂਲ ਦੇ ਪ੍ਰਵਾਸੀਆਂ ਨੇ ਖੁਸ਼ੀ ਦਾ ਇਜ਼ਹਾਰ ਕਰਦਿਆਂ ਕਿਹਾ ਕਿ ਸਾਨੂੰ ਬਹੁਤ ਮਾਣ ਹੈ ਕਿ ਅਸੀਂ ਲਖਵੀਰ ਸਿੰਘ ਧਾਲੀਵਾਲ ਨੂੰ ਚੁਣਿਆ ਕਿਉਂਕਿ ਧਾਲੀਵਾਲ ਐੱਨ.ਆਈ.ਆਰ. ਸਭਾ ਪ੍ਰਧਾਨ ਦੇ ਅਹੁਦੇ ਤੋਂ ਪਹਿਲਾਂ ਵੀ ਸਪੇਨ ਵਿਚ ਵੱਸਦੇ ਹਰੇਕ ਭਾਰਤੀ ਮੂਲ ਦੇ ਵਾਸੀ ਦੀ ਸਮੱਸਿਆ ਹੱਲ ਕਰਨ ਤੋਂ ਪਿੱਛੇ ਨਹੀਂ ਹਟੇ ਅਤੇ ਉਹ ਸਮਾਜ ਦੀ ਸੇਵਾ ਵਿਚ ਆਪਣਾ ਪੂਰਾ ਯੋਗਦਾਨ ਪਾਉਂਦੇ ਹਨ।
ਚੌਣ ਦੌਰਾਨ ਯੋਗਪਾਤਰ ਦੇ ਐੱਨ.ਆਰ.ਆਈ. ਵਿਭਾਗ ਦੇ ਕੋਆਰਡੀਨੇਟਰ ਤੇ ਸੈਂਟਰਲ ਗੁਰਦੁਆਰਾ ਸਾਹਿਬ ਬਾਰਸੀਲੋਨਾ ਦੇ ਪ੍ਰਧਾਨ ਗੁਵਿੰਦਰ ਸਿੰਘ ਪੁਰੇਵਾਲ ਮਾਨ ਨੇ ਲਖਵੀਰ ਸਿੰਘ ਧਾਲੀਵਾਲ ਨੂੰ ਐੱਨ.ਆਰ.ਆਈ. ਸਭਾ ਪੰਜਾਬ ਵੱਲੋਂ ਸਪੇਨ ਯੂਨਿਟ ਦੇ ਪ੍ਰਧਾਨ ਅਹੁਦੇ ਦੀ ਜ਼ਿੰਮੇਵਾਰੀ ਸੌਂਪਦਿਆਂ ਵਧਾਈ ਦਿੱਤੀ ਅਤੇ ਕਿਹਾ ਧਾਲੀਵਾਲ ਇਕ ਭਰੇਸੋਮੰਦ ਤੇ ਇਮਾਨਦਾਰ ਇਨਸਾਨ ਹੀ ਨਹੀਂ ਸਗੋਂ ਜ਼ਿੰਮੇਵਾਰ ਵੀ ਹਨ।ਸਮਾਜ ਅਤੇ ਲੋੜ ਦੇ ਹਰ ਮੌਕੇ ਆਪਣਾ ਪੂਰਾ ਯੋਗਦਾਨ ਪਾਉਂਦੇ ਹਨ ਜਿਸ ਨੂੰ ਦੇਖਦਿਆਂ ਐੱਨ.ਆਰ.ਆਈ. ਸਭਾ ਪੰਜਾਬ ਤੇ ਸਪੇਨ ਨੇ ਫ਼ੈਸਲਾ ਲਿਆ ਕਿ ਧਾਲੀਵਾਲ ਨੂੰ ਪ੍ਰਧਾਨ ਅਹੁਦੇ ਵਜੋਂ ਨਿਯੁਕਤ ਕੀਤਾ ਜਾਵੇ।
ਪੜ੍ਹੋ ਇਹ ਅਹਿਮ ਖਬਰ- ਕੈਨੇਡਾ ਨੇ ਖੋਲ੍ਹੇ ਪੀ.ਆਰ. ਵੀਜ਼ੇ, ਇੰਝ ਕਰੋ ਅਪਲਾਈ
ਧਾਲੀਵਾਲ ਨੇ ਵੀ ਕੋਆਰਡੀਨੇਟਰ ਐੱਨ.ਆਰ.ਆਈ. ਯੂਰਪ ਗੁਵਿੰਦਰ ਸਿੰਘ ਮਾਨ ਤੇ ਹੋਰ ਮੈਂਬਰਾਂ ਨੂੰ ਵਿਸ਼ਵਾਸ ਦਿੱਤਾ ਕਿ ਉਹ ਆਪਣੀ ਜ਼ਿੰਮੇਵਾਰੀ ਚੰਗੀ ਤਰ੍ਹਾਂ ਨਿਭਾਉਣਗੇ। ਅੱਗੇ ਬੈਠਕ ਦੇ ਚੱਲਦਿਆਂ ਧਾਲੀਵਾਲ ਨੇ ਕਿਹਾ ਕਿ ਉਹ ਹਰੇਕ ਪੰਜਾਬੀ ਨਾਗਰਿਕ ਦੀ ਮੁਸ਼ਕਲ ਨੂੰ ਹੱਲ ਕਰਨ ਲਈ ਸੰਭਵ ਮਦਦ ਕਰਨਗੇ। ਨਿਯੁਕਤੀ ਦੌਰਾਨ ਸੁਖਵਿੰਦਰ ਸਿੰਘ ਪੁਰੇਵਾਲ, ਉੱਚਾ ਦਰ ਬਾਬੇ ਨਾਨਕ ਦਾ ਗੁਰਦੁਆਰਾ ਸਾਹਿਬ ਦੇ ਪ੍ਰਧਾਨ ਕੁਲਜਿੰਦਰ ਸਿੰਘ ਪਨੋਆ, ਹਰਮੇਲ ਸਿੰਘ ਢਿੱਲੋਂ, ਪਰਮਜੀਤ ਸਿੰਘ ਕਾਲੜਾ, ਜਸਵਿੰਦਰ ਕੁਮਾਰ, ਦੀਪ ਸਿੰਧੂ, ਕਰਮਜੀਤ ਸਿੰਘ ਭੱਟੀ, ਗੁਰਮੀਤ ਸਿੰਘ, ਦਵਿੰਦਰ ਸਿੰਘ, ਪ੍ਰਕਾਸ਼ ਸਿੰਘ, ਰੋਬਰਟ ਮਸੀਹ, ਨਾਹਰ, ਬ੍ਰਿਜ ਮੋਹਨਸ਼ਰਮਾ, ਐੱਨ.ਆਰ.ਆਈ. ਸਭਾ ਪੰਜਾਬ ਅਤੇ ਸਪੇਨ ਦੀ ਸੇਵਾ ਲਈ ਹਾਜ਼ਰ ਰਹੇ।
ਇਜ਼ਰਾਈਲ ਦੇ ਵਿਦੇਸ਼ ਮੰਤਰੀ ਕਰਨਗੇ UAE ਦੀ ਪਹਿਲੀ ਯਾਤਰਾ
NEXT STORY 
