ਲੰਡਨ (ਬਿਊਰੋ): ਯੂਕੇ ਦੀ ਇੱਕ ਯੂਨੀਵਰਸਿਟੀ ਵਿੱਚ ਇੱਕ ਯੋਗਤਾ ਪ੍ਰਾਪਤ ਨਰਸ ਅਤੇ ਸੀਨੀਅਰ ਲੈਕਚਰਾਰ ਨੂੰ ਉਸ ਵੱਲੋਂ ਕੀਤੇ ਦੁਰਵਿਵਹਾਰ ਕਾਰਨ ਦੇਸ਼ ਦੇ ਮੈਡੀਕਲ ਰਜਿਸਟਰ ਵਿੱਚੋਂ ਹਟਾ ਦਿੱਤਾ ਗਿਆ ਹੈ। ਸੀਨੀਅਰ ਲੈਕਚਰਾਰ ਨੇ ਇੱਕ ਸਿੱਖ ਸਹਿਯੋਗੀ ਨੂੰ ਉਸ ਦੇ ਧਾਰਮਿਕ ਵਿਸ਼ਵਾਸਾਂ ਨੂੰ ਲੈ ਕੇ ਪਰੇਸ਼ਾਨ ਕੀਤਾ ਅਤੇ ਉਸ ਦੀ ਪੱਗ ਦਾ "ਪੱਟੀ" ਅਤੇ "ਟੋਪੀ" ਵਜੋਂ ਮਜ਼ਾਕ ਉਡਾਇਆ।ਨਰਸਿੰਗ ਐਂਡ ਮਿਡਵਾਈਫਰੀ ਕੌਂਸਲ (ਐਨ.ਐਮ.ਸੀ.) ਨੇ ਪਿਛਲੇ ਹਫ਼ਤੇ ਮੌਰੀਸ ਸਲੇਵੇਨ ਵਿਰੁੱਧ ਕੇਸ ਦੀ ਇੱਕ ਵਰਚੁਅਲ ਸੁਣਵਾਈ ਕੀਤੀ। ਸਲੇਵੇਨ 'ਤੇ ਇਕ ਸਹਿਯੋਗੀ ਸਿੱਖ ਲੈਕਚਰਾਰ ਦੇ ਨਸਲੀ ਭੇਦਭਾਵ ਦੇ ਦੋਸ਼ ਹਨ, ਜਿਸ ਦੀ ਪਛਾਣ ਸਿਰਫ਼ ਇੱਕ ਸਹਿਯੋਗੀ ਵਜੋਂ ਹੋਈ ਸੀ।
ਸਹਿਯੋਗੀ ਸਿੱਖ ਲੈਕਚਰਾਰ ਨੇ ਦੋਸ਼ ਲਗਾਇਆ ਸੀ ਕਿ ਅਕਤੂਬਰ 2016 ਤੋਂ ਦਸੰਬਰ 2018 ਵਿੱਚ ਉਸ ਦੀ ਨੌਕਰੀ ਦੀ ਸ਼ੁਰੂਆਤ ਤੋਂ ਲੈ ਕੇ ਸਲੇਵੇਨ ਦੁਆਰਾ ਉਸ ਨੂੰ ਕਈ ਮੌਕਿਆਂ 'ਤੇ ਨਸਲੀ ਤੌਰ 'ਤੇ ਪਰੇਸ਼ਾਨ ਕੀਤਾ ਗਿਆ ਸੀ।ਟ੍ਰਿਬਿਊਨਲ ਦੇ ਸਾਹਮਣੇ ਸਬੂਤਾਂ ਦੇ ਅਨੁਸਾਰ, ਦੱਸਿਆ ਗਿਆ ਕਿ ਸਲੇਵੇਨ ਨੇ ਪੱਗ ਦੇ ਸੰਦਰਭ ਵਿੱਚ ਕਿਹਾ ਸੀ ਕਿ "ਤੁਹਾਡੀ ਪੱਟੀ ਕਿੱਥੇ ਹੈ" ਅਤੇ/ਜਾਂ "ਤੁਸੀਂ ਆਪਣੀ ਪੱਟੀ ਕਿਉਂ ਨਹੀਂ ਪਹਿਨੀ"।ਇਸ ਤੋਂ ਇਲਾਵਾ ਦੋਸ਼ੀ ਨੇ ਅਪਮਾਨਜਨਕ ਟਿੱਪਣੀਆਂ ਕੀਤੀਆਂ।ਐਂਗਲੀਆ ਰਸਕਿਨ ਯੂਨੀਵਰਸਿਟੀ ਵਿੱਚ ਨਰਸਿੰਗ ਵਿੱਚ ਇੱਕ ਸੀਨੀਅਰ ਲੈਕਚਰਾਰ ਸਲੇਵੇਨ ਨੇ ਕਿਹਾ ਕਿ ਉਹਨਾਂ ਦਾ ਮੰਨਣਾ ਹੈ ਕਿ ਇਹ ਸਿਰਫ "ਦੋਸਤਾਂ ਵਿਚਕਾਰ ਮਜ਼ਾਕ" ਸੀ।
ਪੜ੍ਹੋ ਇਹ ਅਹਿਮ ਖ਼ਬਰ- ਆਸਟ੍ਰੇਲੀਆ ਦੇ ਇਸ ਰਾਜ ਨੇ ਸਿੰਗਲ ਯੂਜ਼ ਪਲਾਸਟਿਕ ਬੈਗ ਦੀ ਵਰਤੋਂ 'ਤੇ ਲਗਾਈ ਪਾਬੰਦੀ
ਪੈਨਲ ਨੇ 18 ਮਹੀਨਿਆਂ ਦੀ ਮਿਆਦ ਲਈ ਅੰਤਰਿਮ ਮੁਅੱਤਲੀ ਆਰਡਰ ਲਗਾਇਆ। ਐਂਗਲੀਆ ਰਸਕਿਨ ਯੂਨੀਵਰਸਿਟੀ (ਏਆਰਯੂ) ਨੇ ਕਿਹਾ ਕਿ ਇਸ ਮਾਮਲੇ ਨੂੰ ਸਾਡੀਆਂ ਅੰਦਰੂਨੀ ਪ੍ਰਕਿਰਿਆਵਾਂ ਦੇ ਅਨੁਸਾਰ ਨਜਿੱਠਿਆ ਗਿਆ ਸੀ ਅਤੇ "ਸਲੇਵੇਨ ਨੂੰ ਹੁਣ ਏਆਰਯੂ ਦੁਆਰਾ ਰੁਜ਼ਗਾਰ ਨਹੀਂ ਦਿੱਤਾ ਗਿਆ ਹੈ"। ਸਲੇਵੇਨ ਨੂੰ ਹੁਣ ਨਰਸਿੰਗ ਐਂਡ ਮਿਡਵਾਈਫਰੀ ਕੌਂਸਲ (ਐਨਐਮਸੀ) ਦੁਆਰਾ ਉਸਦੇ ਨਰਸਿੰਗ ਲਾਇਸੈਂਸ ਤੋਂ ਹਟਾ ਦਿੱਤਾ ਗਿਆ ਹੈ - ਸਾਬਕਾ ਆਰਏਐਫ ਆਦਮੀ ਦੇ 22 ਸਾਲਾਂ ਦੇ ਕਰੀਅਰ ਨੂੰ ਖ਼ਤਮ ਕਰ ਦਿੱਤਾ ਗਿਆ ਹੈ।
ਨੋਟ- ਉਕਤ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਬਲਜੀਤ ਕੌਰ ਇੱਕ ਮਹੀਨੇ ਅੰਦਰ 4 ਉੱਚੀਆਂ ਪਹਾੜੀ ਚੋਟੀਆਂ ਸਰ ਕਰਨ ਵਾਲੀ ਪਹਿਲੀ ਭਾਰਤੀ ਪਰਬਤਾਰੋਹੀ ਬਣੀ
NEXT STORY 
