ਕੈਨਬਰਾ (ਆਈ.ਏ.ਐੱਨ.ਐੱਸ.): ਆਸਟ੍ਰੇਲੀਆ ਦੇ ਕਈ ਰਾਜਾਂ ਵਿੱਚ ਭੋਜਨ ਸੁਰੱਖਿਆ ਵਿਚ ਹੋਈ ਵੱਡੀ ਗੜਬੜੀ ਤੋਂ ਬਾਅਦ 200 ਤੋਂ ਵੱਧ ਲੋਕ ਬੀਮਾਰ ਹੋ ਗਏ ਅਤੇ ਕਈ ਹਸਪਤਾਲ ਵਿੱਚ ਦਾਖਲ ਹਨ।ਸਮਾਚਾਰ ਏਜੰਸੀ ਸ਼ਿਨਹੂਆ ਨੇ ਸੋਮਵਾਰ ਨੂੰ ਸਥਾਨਕ ਮੀਡੀਆ ਰਿਪੋਰਟਾਂ ਦੇ ਹਵਾਲੇ ਨਾਲ ਕਿਹਾ ਕਿ ਮੰਨਿਆ ਜਾਂਦਾ ਹੈ ਕਿ ਬੇਬੀ ਪਾਲਕ ਖਾਣ ਤੋਂ ਬਾਅਦ ਲੋਕਾਂ ਨੂੰ ਗੰਭੀਰ ਲੱਛਣਾਂ ਦਾ ਸਾਹਮਣਾ ਕਰਨਾ ਪਿਆ।ਇਸ ਮਗਰੋਂ ਆਸਟ੍ਰੇਲੀਆ ਭਰ ਦੀਆਂ ਚਾਰ ਪ੍ਰਮੁੱਖ ਸੁਪਰਮਾਰਕੀਟਾਂ ਨੇ ਸ਼ੈਲਫਾਂ ਤੋਂ ਦੂਸ਼ਿਤ ਉਤਪਾਦਾਂ ਨੂੰ ਹਟਾ ਦਿੱਤਾ ਹੈ।
ਦੇਸ਼ ਦੀ ਫੂਡ ਸੇਫਟੀ ਅਥਾਰਟੀ, ਫੂਡ ਸਟੈਂਡਰਡ ਆਸਟ੍ਰੇਲੀਆ ਨਿਊਜ਼ੀਲੈਂਡ (FSANZ) ਨੇ ਦੂਸ਼ਿਤ ਬੇਬੀ ਪਾਲਕ ਉਤਪਾਦਾਂ ਨੂੰ ਰਾਸ਼ਟਰੀ ਤੌਰ 'ਤੇ ਹਟਾਉਣ ਦਾ ਨਿਰਦੇਸ਼ ਦਿੱਤਾ ਹੈ।FSANZ ਦੇ ਇੱਕ ਬਿਆਨ ਵਿੱਚ ਕਿਹਾ ਗਿਆ ਕਿ "ਉਤਪਾਦਾਂ ਵਿੱਚ ਅਸੁਰੱਖਿਅਤ ਪੌਦਿਆਂ ਦੀ ਸਮੱਗਰੀ ਦੇ ਨਾਲ ਸੰਭਾਵੀ ਗੰਦਗੀ ਸੀ ਜੋ ਬੀਮਾਰੀ ਦਾ ਕਾਰਨ ਬਣ ਸਕਦੀ ਹੈ। ਖਪਤਕਾਰਾਂ ਨੂੰ ਪਾਲਕ ਨਾ ਖਾਣ ਅਤੇ ਇਸ ਦਾ ਤੁਰੰਤ ਨਿਪਟਾਰਾ ਕਰਨ ਦੀ ਸਲਾਹ ਦਿੱਤੀ ਗਈ ਹੈ। ਨਾਲ ਹੀ ਇਸਨੇ ਕਿਸੇ ਵੀ ਵਿਅਕਤੀ ਨੂੰ ਇਹ ਤਾਕੀਦ ਕੀਤੀ ਹੈ ਕਿ ਜਿਹਨਾਂ ਨੇ ਉਕਤ ਉਤਪਾਦ ਦਾ ਸੇਵਨ ਕੀਤਾ ਹੈ ਅਤੇ ਉਹ ਡਾਕਟਰੀ ਸਲਾਹ ਲੈਣ।
ਪੜ੍ਹੋ ਇਹ ਅਹਿਮ ਖ਼ਬਰ-ਆਸਟ੍ਰੇਲੀਆ ਦੇ ਵਿਦੇਸ਼ ਮੰਤਰੀ ਆਪਣੇ ਚੀਨੀ ਹਮਰੁਤਬਾ ਨਾਲ ਕਰਨਗੇ ਮੁਲਾਕਾਤ
FSANZ ਦੁਆਰਾ ਸੂਚੀਬੱਧ ਸ਼ੁਰੂਆਤੀ ਸੰਭਾਵਿਤ ਲੱਛਣਾਂ ਵਿੱਚ ਭੁਲੇਖਾ ਜਾਂ ਉਲਝਣ, ਭਰਮ, ਫੈਲੀ ਹੋਈ ਪੁਤਲੀ, ਤੇਜ਼ ਧੜਕਣ, ਚਿਹਰਾ ਫੁਲਣਾ, ਨਜ਼ਰ ਧੁੰਦਲੀ ਹੋਣੀ ਅਤੇ ਖੁਸ਼ਕ ਮੂੰਹ ਅਤੇ ਚਮੜੀ ਸ਼ਾਮਲ ਹਨ।FSANZ ਦੀ ਸੀਈਓ ਸੈਂਡਰਾ ਕਥਬਰਟ ਨੇ ਕਿਹਾ ਕਿ FSANZ ਸਬੰਧਤ ਰਾਜ ਦੇ ਭੋਜਨ ਅਥਾਰਟੀਆਂ ਨਾਲ ਮਿਲ ਕੇ ਕੰਮ ਕਰ ਰਿਹਾ ਹੈ ਅਤੇ ਸਰਗਰਮ ਜਾਂਚ ਜਾਰੀ ਹੈ।ਕਈ ਰਾਜਾਂ ਦੇ ਅਧਿਕਾਰੀਆਂ ਨੇ ਰਾਸ਼ਟਰੀ ਵਾਪਸੀ ਤੋਂ ਬਾਅਦ ਸਿਹਤ ਅਲਰਟ ਜਾਰੀ ਕੀਤਾ ਹੈ।ਰਾਜ ਦੇ ਸਿਹਤ ਵਿਭਾਗ ਦੇ ਅਨੁਸਾਰ ਸਭ ਤੋਂ ਵੱਧ ਆਬਾਦੀ ਵਾਲੇ ਰਾਜ ਨਿਊ ਸਾਊਥ ਵੇਲਜ਼ ਵਿਚ 164 ਲੋਕਾਂ ਨੂੰ ਲੱਛਣਾਂ ਦੀ ਰਿਪੋਰਟ ਕੀਤੀ ਹੈ ਅਤੇ ਘੱਟੋ ਘੱਟ 42 ਨੇ ਸੋਮਵਾਰ ਤੱਕ ਡਾਕਟਰੀ ਸਹਾਇਤਾ ਦੀ ਮੰਗ ਕੀਤੀ।
NSW ਹੈਲਥ ਨੇ ਕਿਹਾ ਕਿ ਕਿਸੇ ਵੀ ਵਿਅਕਤੀ ਨੂੰ ਜੋ ਕੋਈ ਵੀ ਅਸਾਧਾਰਨ ਅਤੇ ਗੰਭੀਰ ਲੱਛਣਾਂ ਦਾ ਅਨੁਭਵ ਕਰਦਾ ਹੈ, ਉਸਨੂੰ ਨਜ਼ਦੀਕੀ ਐਮਰਜੈਂਸੀ ਵਿਭਾਗ ਵਿੱਚ ਜਾ ਕੇ ਤੁਰੰਤ ਡਾਕਟਰੀ ਸਹਾਇਤਾ ਲੈਣੀ ਚਾਹੀਦੀ ਹੈ।ਵਿਕਟੋਰੀਆ ਰਾਜ ਦੇ ਸਿਹਤ ਵਿਭਾਗ ਨੇ ਸਿਹਤ ਪੇਸ਼ੇਵਰਾਂ ਨੂੰ ਵੀ ਸਲਾਹ ਦਿੱਤੀ ਹੈ ਕਿ ਉਹ ਸੰਬੰਧਿਤ ਸਮੱਸਿਆ ਨਾਲ ਆਉਣ ਵਾਲੇ ਮਰੀਜ਼ਾਂ ਤੋਂ ਸੁਚੇਤ ਰਹਿਣ ਅਤੇ ਵਿਭਾਗ ਨੂੰ ਸੂਚਿਤ ਕਰਨ। ਗਾਰਡੀਅਨ ਦੀ ਰਿਪੋਰਟ ਵਿਚ ਕਿਹਾ ਗਿਆ ਕਿ ਵਿਕਟੋਰੀਆ ਦੇ ਘੱਟੋ-ਘੱਟ 11 ਨਿਵਾਸੀ ਬੇਬੀ ਪਾਲਕ ਦਾ ਸੇਵਨ ਕਰਨ ਤੋਂ ਬਾਅਦ ਐਮਰਜੈਂਸੀ ਵਿਭਾਗਾਂ ਵਿਚ ਗਏ ਹਨ।ਕੁਈਨਜ਼ਲੈਂਡ ਵਿੱਚ ਜ਼ਹਿਰ ਸੂਚਨਾ ਕੇਂਦਰ ਨੂੰ ਸਥਾਨਕ ਨਿਵਾਸੀਆਂ ਦੁਆਰਾ ਕਈ ਤਰ੍ਹਾਂ ਦੇ ਲੱਛਣਾਂ ਦਾ ਅਨੁਭਵ ਕਰਨ ਵਾਲੀਆਂ 26 ਕਾਲਾਂ ਪ੍ਰਾਪਤ ਹੋਈਆਂ ਹਨ।
ਨੋਟ-ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਖੂਬਸੂਰਤੀ ਲਈ ਔਰਤ ਨੇ ਕਰਾਈ ਸਰਜਰੀ, ਖਰਚ ਕਰ ਚੁੱਕੀ 1 ਕਰੋੜ!
NEXT STORY 
