ਇੰਟਰਨੈਸ਼ਨਲ ਡੈਸਕ - ਦੁਨੀਆ ਭਰ ਵਿੱਚ ਲੱਖਾਂ ਲੋਕ ਹਨ ਜੋ ਜਾਨਵਰਾਂ ਨੂੰ ਪਿਆਰ ਕਰਦੇ ਹਨ। ਇਸ ਤੋਂ ਇਲਾਵਾ ਲੋਕ ਆਪਣੇ ਘਰਾਂ ਵਿੱਚ ਕੁੱਤੇ, ਬਿੱਲੀਆਂ ਅਤੇ ਇੱਥੋਂ ਤੱਕ ਕਿ ਚੂਹੇ ਵੀ ਪਾਲਦੇ ਹਨ। ਅਜਿਹੀ ਸਥਿਤੀ ਵਿੱਚ, ਜੇਕਰ ਤੁਹਾਡਾ ਪਿਆਰਾ ਪਾਲਤੂ ਜਾਨਵਰ ਤੁਹਾਡੀ ਜਾਨ ਦਾ ਦੁਸ਼ਮਣ ਬਣ ਜਾਵੇ ਤਾਂ ਕੀ ਹੋਵੇਗਾ? ਜੀ ਹਾਂ, ਰੂਸ ਤੋਂ ਇਕ ਅਜਿਹੀ ਹੀ ਘਟਨਾ ਸਾਹਮਣੇ ਆਈ ਹੈ, ਜਿਸ ਵਿਚ ਇਕ ਬਿੱਲੀ ਨੇ ਆਪਣੇ ਹੀ ਮਾਲਕ ਨੂੰ ਪੰਜੇ ਮਾਰ ਦਿੱਤੇ, ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ।
ਤੁਹਾਨੂੰ ਦੱਸ ਦੇਈਏ ਕਿ ਇਹ ਘਟਨਾ 22 ਨਵੰਬਰ ਦੀ ਹੈ, ਜਿੱਥੇ ਦਿਮਿਤਰੀ ਉਖਿਨ ਆਪਣੀ ਪਾਲਤੂ ਬਿੱਲੀ ਸਟੋਪਕਾ ਨੂੰ ਮਿਲਣ ਗਿਆ ਸੀ, ਜੋ ਕਿ ਕੁਝ ਦਿਨ ਪਹਿਲਾਂ ਗੁਆਂਢ ਵਿੱਚ ਲਾਪਤਾ ਹੋ ਗਈ ਸੀ। ਉਖਿਨ ਨੇ ਆਪਣੀ ਬਿੱਲੀ ਨੂੰ ਲੱਭਣ ਲਈ ਬਹੁਤ ਕੋਸ਼ਿਸ਼ ਕੀਤੀ ਅਤੇ ਆਖਰਕਾਰ ਕਾਮਯਾਬ ਹੋ ਗਿਆ। 55 ਸਾਲਾ ਉਖਿਨ ਫਿਰ ਆਪਣੀ ਬਿੱਲੀ ਸਟੋਪਕਾ ਨੂੰ ਘਰ ਲੈ ਆਇਆ, ਪਰ ਅਚਾਨਕ ਉਸ ਸ਼ਾਮ, ਉਹ ਹਿੰਸਕ ਹੋ ਗਈ ਅਤੇ ਉਸਨੇ ਆਪਣੇ ਮਾਲਕ ਨੂੰ ਪੰਜੇ ਮਾਰ ਦਿੱਤੇ।
ਮੀਡੀਆ ਰਿਪੋਰਟਾਂ ਵਿੱਚ ਕਿਹਾ ਗਿਆ ਹੈ ਕਿ ਉਖਿਨ ਨੂੰ ਕਈ ਸਿਹਤ ਸਮੱਸਿਆਵਾਂ ਸਨ। ਉਹ ਸ਼ੂਗਰ ਦੇ ਮਰੀਜ਼ ਹੋਣ ਦੇ ਨਾਲ-ਨਾਲ ਹਾਈ ਬਲੱਡ ਪ੍ਰੈਸ਼ਰ ਤੋਂ ਵੀ ਪੀੜਤ ਸਨ। ਜਿਵੇਂ ਹੀ ਉਸਨੂੰ ਸਮੱਸਿਆ ਦੀ ਗੰਭੀਰਤਾ ਦਾ ਅਹਿਸਾਸ ਹੋਇਆ, ਉਸਨੇ ਆਪਣੇ ਇੱਕ ਗੁਆਂਢੀ ਨੂੰ ਮਦਦ ਲਈ ਬੁਲਾਇਆ। ਇਸ ਤੋਂ ਬਾਅਦ ਉਸ ਦੇ ਦੋਸਤ ਨੇ ਰਾਤ ਕਰੀਬ 11 ਵਜੇ ਐਮਰਜੈਂਸੀ ਸੇਵਾ ਨੂੰ ਫੋਨ ਕਰਕੇ ਘਟਨਾ ਬਾਰੇ ਜਾਣਕਾਰੀ ਦਿੱਤੀ ਅਤੇ ਕਿਹਾ ਕਿ ਉਸ ਦੇ ਦੋਸਤ ਦੇ ਪੈਰ ਦੀ ਨਾੜ ਫਟ ਗਈ ਹੈ ਜਿਸ ਕਾਰਨ ਖੂਨ ਵਹਿ ਰਿਹਾ ਹੈ। ਰਿਪੋਰਟਾਂ ਵਿਚ ਕਿਹਾ ਗਿਆ ਹੈ ਕਿ ਦਮਿਤਰੀ ਦੀ ਲੱਤ 'ਤੇ ਜ਼ਖਮ ਇੰਨਾ ਗੰਭੀਰ ਸੀ ਕਿ ਖੂਨ ਜ਼ਿਆਦਾ ਵਗਣ ਕਾਰਨ ਉਸ ਦੀ ਮੌਤ ਹੋ ਗਈ।
5,900 ਲੇਬਨਾਨੀ ਨਾਗਰਿਕ ਸੀਰੀਆ ਤੋਂ ਬਾਰਡਰ ਕਰਾਸਿੰਗ ਰਾਹੀਂ ਪਰਤੇ ਵਾਪਸ
NEXT STORY 
