ਅੰਕਾਰਾ: ਅਮਰੀਕਾ ਦੇ ਸਿਆਟਲ ਤੋਂ ਤੁਰਕੀ ਦੇ ਇਸਤਾਂਬੁਲ ਜਾ ਰਹੀ ਇੱਕ ਫਲਾਈਟ ਦੇ ਪਾਇਲਟ ਦੀ ਹਵਾ ਵਿੱਚ ਹੀ ਮੌਤ ਹੋ ਗਈ। ਪਾਇਲਟ ਦੀ ਮੌਤ ਦੇ ਸਮੇਂ ਜਹਾਜ਼ 34000 ਫੁੱਟ ਦੀ ਉਚਾਈ 'ਤੇ ਸੀ। ਇਹ ਜਹਾਜ਼ ਤੁਰਕੀ ਏਅਰਲਾਈਨਜ਼ ਦਾ ਸੀ। ਪਾਇਲਟ ਦੀ ਮੌਤ ਨੇ ਤੁਰਕੀਏ ਦੀ ਰਾਸ਼ਟਰੀ ਏਅਰਲਾਈਨ ਨੂੰ ਨਿਊਯਾਰਕ ਵਿੱਚ ਐਮਰਜੈਂਸੀ ਲੈਂਡਿੰਗ ਕਰਨ ਲਈ ਮਜਬੂਰ ਕੀਤਾ। ਤੁਰਕੀ ਏਅਰਲਾਈਨਜ਼ ਨੇ ਬੁੱਧਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।
ਤੁਰਕੀ ਏਅਰਲਾਈਨਜ਼ ਨੇ ਕਹੀ ਇਹ ਗੱਲ
ਏਅਰਲਾਈਨ ਦੇ ਬੁਲਾਰੇ ਯਾਹਿਆ ਉਸਤੂਨ ਨੇ ਟਵਿੱਟਰ 'ਤੇ ਲਿਖਿਆ ਕਿ ਜਹਾਜ਼ ਨੇ ਮੰਗਲਵਾਰ ਸ਼ਾਮ ਨੂੰ ਪੱਛਮੀ ਅਮਰੀਕਾ ਦੇ ਤੱਟਵਰਤੀ ਸ਼ਹਿਰ ਸੀਏਟਲ ਤੋਂ ਉਡਾਣ ਭਰੀ। ਉਸ ਨੇ ਲਿਖਿਆ, "ਸਾਡੀ ਏਅਰਬੱਸ 350... ਫਲਾਈਟ TK204 ਦਾ ਇੱਕ ਪਾਇਲਟ ਸੀਏਟਲ ਤੋਂ ਇਸਤਾਂਬੁਲ ਲਈ ਉਡਾਣ ਦੌਰਾਨ ਬੇਹੋਸ਼ ਹੋ ਗਿਆ।" ਉਸ ਨੇ ਅੱਗੇ ਕਿਹਾ, "ਫਸਟ ਏਡ ਪ੍ਰਦਾਨ ਕਰਨ ਦੀ ਅਸਫਲ ਕੋਸ਼ਿਸ਼ ਤੋਂ ਬਾਅਦ ਦੂਜੇ ਪਾਇਲਟ ਅਤੇ ਸਹਿ-ਪਾਇਲਟ ਦੇ ਜਹਾਜ਼ ਦੇ ਅਮਲੇ ਨੇ ਐਮਰਜੈਂਸੀ ਲੈਂਡਿੰਗ ਕਰਨ ਦਾ ਫ਼ੈਸਲਾ ਕੀਤਾ, ਪਰ ਲੈਂਡਿੰਗ ਤੋਂ ਪਹਿਲਾਂ ਹੀ ਉਸਦੀ ਮੌਤ ਹੋ ਗਈ।"
ਪੜ੍ਹੋ ਇਹ ਅਹਿਮ ਖ਼ਬਰ-ਭਾਰਤੀ ਅਮਰੀਕੀਆਂ ਨੇ ਉੱਘੇ ਉਦਯੋਗਪਤੀ ਰਤਨ ਟਾਟਾ ਦੀ ਮੌਤ 'ਤੇ ਪ੍ਰਗਟਾਇਆ ਸੋਗ
ਪਾਇਲਟ ਨੂੰ ਕੋਈ ਸਿਹਤ ਸਮੱਸਿਆ ਨਹੀਂ ਸੀ
ਉਸਤੂਨ ਨੇ ਲਿਖਿਆ,"ਮ੍ਰਿਤਕ ਪਾਇਲਟ ਦੀ ਉਮਰ 59 ਸਾਲ ਸੀ। ਉਹ 2007 ਤੋਂ ਤੁਰਕੀ ਏਅਰਲਾਈਨਜ਼ ਲਈ ਕੰਮ ਕਰ ਰਿਹਾ ਸੀ। ਉਸਨੇ ਮਾਰਚ ਵਿੱਚ ਇੱਕ ਡਾਕਟਰੀ ਜਾਂਚ ਪਾਸ ਕੀਤੀ, ਜਿਸ ਵਿੱਚ ਕਿਸੇ ਵੀ ਸਿਹਤ ਸਮੱਸਿਆ ਦੇ ਕੋਈ ਸੰਕੇਤ ਨਹੀਂ ਮਿਲੇ।" ਇਸ ਪੂਰੀ ਘਟਨਾ 'ਚ ਫਲਾਈਟ 'ਚ ਮੌਜੂਦ ਯਾਤਰੀਆਂ ਨੂੰ ਕੋਈ ਨੁਕਸਾਨ ਨਹੀਂ ਹੋਇਆ। ਐਮਰਜੈਂਸੀ ਲੈਂਡਿੰਗ ਤੋਂ ਬਾਅਦ ਜਹਾਜ਼ ਨੂੰ ਦੂਜੇ ਪਾਇਲਟ ਦੀ ਮਦਦ ਨਾਲ ਇਸਤਾਂਬੁਲ, ਤੁਰਕੀ ਲਈ ਉਡਾਇਆ ਗਿਆ। ਇਸ ਦੌਰਾਨ ਫਲਾਈਟ ਨੂੰ ਨਿਊਯਾਰਕ ਏਅਰਪੋਰਟ 'ਤੇ ਘੰਟਿਆਂ ਤੱਕ ਇੰਤਜ਼ਾਰ ਕਰਨਾ ਪਿਆ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=88
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਭਾਰਤੀ ਅਮਰੀਕੀਆਂ ਨੇ ਉੱਘੇ ਉਦਯੋਗਪਤੀ ਰਤਨ ਟਾਟਾ ਦੀ ਮੌਤ 'ਤੇ ਪ੍ਰਗਟਾਇਆ ਸੋਗ
NEXT STORY 
