ਐਬਟਸਫੋਰਡ (ਏਜੰਸੀ)— ਕੈਨੇਡਾ ਦੇ ਸ਼ਹਿਰ ਐਬਟਸਫੋਰਡ ਪੁਲਸ ਵਿਭਾਗ ਨੇ 19 ਸਾਲਾ ਇਕ ਨੌਜਵਾਨ ਦੀ ਤਸਵੀਰ ਜਾਰੀ ਕਰਦਿਆਂ ਜਨਤਕ ਚਿਤਾਵਨੀ ਦਿੱਤੀ ਹੈ। ਪੁਲਸ ਦਾ ਮੰਨਣਾ ਹੈ ਕਿ ਜਨਤਾ ਨੂੰ ਉਸ ਤੋਂ ਗੰਭੀਰ ਖਤਰਾ ਹੈ ਅਤੇ ਉਸ ਤੋਂ ਬਚ ਕੇ ਰਿਹਾ ਜਾਵੇ। ਪੁਲਸ ਨੇ ਇਕ ਬਿਆਨ ਜਾਰੀ ਕਰ ਕੇ ਕਿਹਾ ਕਿ 19 ਸਾਲਾ ਵਰਿੰਦਰਪਾਲ ਸਿੰਘ ਗਿੱਲ ਨਾਂ ਦਾ ਇਹ ਨੌਜਵਾਨ ਐਬਟਸਫੋਰਡ ਅਤੇ ਲੋਅਰ ਮੇਨਲੈਂਡ 'ਚ ਸਮੂਹ ਗੈਂਗ ਹਿੰਸਾ ਦਾ ਹਿੱਸਾ ਹੈ। ਪੁਲਸ ਦਾ ਕਹਿਣਾ ਹੈ ਕਿ ਬਹੁਤ ਸਾਰੇ ਗੈਂਗ ਹਿੰਸਕ ਵਾਰਦਾਤਾਂ ਨੂੰ ਅੰਜਾਮ ਦੇਣ ਲਈ ਜਨਤਕ ਥਾਵਾਂ 'ਤੇ ਗੋਲੀਬਾਰੀ ਕਰਦੇ ਹਨ, ਇਸ ਦਾ ਮਤਲਬ ਹੈ ਕਿ ਜੇਕਰ ਵਰਿੰਦਰਪਾਲ ਗਿੱਲ ਕਿਸੇ ਜਨਤਕ ਥਾਂ 'ਤੇ ਜਾਂਦਾ ਹੈ ਤਾਂ ਉਹ ਜਨਤਕ ਸੁਰੱਖਿਆ ਲਈ ਗੰਭੀਰ ਖਤਰਾ ਹੈ।
ਪੁਲਸ ਦਾ ਮੰਨਣਾ ਹੈ ਕਿ ਗਿੱਲ ਗੈਂਗ ਦੇ ਹੋਰ ਮੈਂਬਰਾਂ ਲਈ ਗੰਭੀਰ ਖਤਰਾ ਪੈਦਾ ਕਰ ਰਿਹਾ ਹੈ ਅਤੇ ਖੁਦ ਨੂੰ ਵੀ ਜੋਖਮ ਵਿਚ ਪਾ ਰਿਹਾ ਹੈ। ਪੁਲਸ ਨੇ ਉਸ ਦਾ ਹੁਲੀਆ ਬਿਆਨ ਕਰਦੇ ਹੋਏ ਦੱਸਿਆ ਕਿ ਉਹ 19 ਸਾਲ ਦਾ ਹੈ ਅਤੇ 6 ਫੁੱਟ 2 ਇੰਚ ਲੰਬਾ ਅਤੇ ਪਤਲਾ ਹੈ। ਉਸ ਨੂੰ 'ਵੀਪੀ' ਦੇ ਨਾਂ ਨਾਲ ਜਾਣਿਆ ਜਾਂਦਾ ਹੈ। ਪੁਲਸ ਨੇ ਆਮ ਜਨਤਾ ਤੋਂ ਮਦਦ ਮੰਗਦਿਆਂ ਅਪੀਲ ਕੀਤੀ ਹੈ ਕਿ ਜਿਸ ਕਿਸੇ ਨੂੰ ਵੀ ਵੀਪੀ ਗਿੱਲ ਜਨਤਕ ਇਲਾਕੇ ਜਾਂ ਜਨਤਕ ਥਾਂ 'ਤੇ ਮਿਲੇ ਤਾਂ ਉਹ ਪੁਲਸ ਨਾਲ 911 'ਤੇ ਸੰਪਰਕ ਕਰਨ।
ਆਸਟ੍ਰੇਲੀਆ : ਟਰੱਕ ਨੇ ਕਾਰ ਨੂੰ ਮਾਰੀ ਟੱਕਰ, ਮਹਿਲਾ ਦੀ ਮੌਤ
NEXT STORY 
