ਇਸਲਾਮਾਬਾਦ (ਵਾਰਤਾ)- ਪਾਕਿਸਤਾਨ ਤਹਿਰੀਕ-ਏ-ਇਨਸਾਫ (ਪੀ.ਟੀ.ਆਈ.) ਦੇ ਨੇਤਾ ਰਊਫ ਹਸਨ ਸਮੇਤ 10 ਲੋਕਾਂ ਨੂੰ ਸੋਸ਼ਲ ਮੀਡੀਆ ‘ਤੇ ਸਰਕਾਰ ਵਿਰੋਧੀ ਪ੍ਰਚਾਰ ਦੇ ਮਾਮਲੇ ‘ਚ 14 ਦਿਨਾਂ ਦੀ ਨਿਆਂਇਕ ਹਿਰਾਸਤ ‘ਚ ਭੇਜ ਦਿੱਤਾ ਗਿਆ ਹੈ। ਪਾਕਿਸਤਾਨੀ ਅਖ਼ਬਾਰ ਡਾਨ ਦੀ ਰਿਪੋਰਟ ਮੁਤਾਬਕ ਇਸਲਾਮਾਬਾਦ ਦੀ ਜ਼ਿਲਾ ਅਦਾਲਤ ਨੇ ਸਰਕਾਰ ਵਿਰੋਧੀ ਡਿਜੀਟਲ ਮੁਹਿੰਮ ਦੇ ਮਾਮਲੇ 'ਚ ਹਸਨ ਅਤੇ ਨੌਂ ਹੋਰਾਂ ਨੂੰ 14 ਦਿਨਾਂ ਲਈ ਨਿਆਂਇਕ ਹਿਰਾਸਤ 'ਚ ਭੇਜ ਦਿੱਤਾ ਹੈ। ਅਦਾਲਤ ਨੇ ਸੁਣਵਾਈ ਦੀ ਅਗਲੀ ਤਰੀਕ 13 ਅਗਸਤ ਤੈਅ ਕੀਤੀ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ- ਹੈਰਾਨੀਜਨਕ! ਇਕ ਸਾਲ 'ਚ ਇੱਥੋਂ ਦੇ ਲੋਕ ਪੀ ਗਏ 556455532 ਲੀਟਰ ਬੀਅਰ
ਇਸਲਾਮਾਬਾਦ ਪੁਲਸ ਅਤੇ ਸੰਘੀ ਜਾਂਚ ਏਜੰਸੀ (ਐਫ.ਆਈ.ਏ) ਨੇ ਇਲੈਕਟ੍ਰਾਨਿਕ ਕ੍ਰਾਈਮਜ਼ ਐਕਟ 2016 (PECA) ਦੇ ਤਹਿਤ ਇੱਕ ਕਥਿਤ ਮਾਮਲੇ ਵਿੱਚ ਪਿਛਲੇ ਹਫ਼ਤੇ ਪਾਰਟੀ ਦੇ ਕੇਂਦਰੀ ਦਫ਼ਤਰ 'ਤੇ ਛਾਪਾ ਮਾਰਿਆ ਸੀ। ਹਸਨ ਨੂੰ ਛਾਪੇਮਾਰੀ ਦੌਰਾਨ ਗ੍ਰਿਫ਼ਤਾਰ ਕੀਤਾ ਗਿਆ। ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਹਸਨ ਦੀ ਗ੍ਰਿਫਤਾਰੀ ਗ੍ਰਹਿ ਮੰਤਰਾਲੇ ਦੇ ਦਾਅਵੇ ਤੋਂ ਬਾਅਦ ਹੋਈ ਹੈ ਕਿ ਪੀ.ਟੀ.ਆਈ ਸਰਕਾਰ ਵਿਰੋਧੀ ਪ੍ਰਚਾਰ 'ਚ ਸ਼ਾਮਲ ਸੀ। ਸਰਕਾਰ ਨੇ ਪਹਿਲਾਂ ਉਨ੍ਹਾਂ ਲੋਕਾਂ ਦੇ ਖ਼ਿਲਾਫ਼ ਜਾਂਚ ਲਈ ਇੱਕ ਸੰਯੁਕਤ ਜਾਂਚ ਕਮੇਟੀ ਦਾ ਗਠਨ ਕੀਤਾ ਸੀ ਜੋ ਕਥਿਤ ਤੌਰ 'ਤੇ ਗਲਤ ਸੋਸ਼ਲ ਮੀਡੀਆ ਮੁਹਿੰਮ ਚਲਾ ਕੇ ਅਰਾਜਕਤਾ ਪੈਦਾ ਕਰ ਰਹੇ ਸਨ। ਹਸਨ ਨੇ ਹਾਲਾਂਕਿ ਦੋਸ਼ਾਂ ਤੋਂ ਇਨਕਾਰ ਕਰਦੇ ਹੋਏ ਕਿਹਾ ਕਿ ਉਹ ਇੱਕ ਥਿੰਕ ਟੈਂਕ ਚਲਾਉਂਦਾ ਹੈ ਅਤੇ ਬ੍ਰਿਟੇਨ ਸਥਿਤ ਰਾਹੁਲ ਨੇ ਉਨ੍ਹਾਂ ਨੂੰ ਬਹਿਰੀਨ ਵਿੱਚ ਇੱਕ ਸਮਾਗਮ ਲਈ ਮਹਿਮਾਨ ਬੁਲਾਰੇ ਵਜੋਂ ਬੁਲਾਇਆ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਹਮਾਸ ਮੁਖੀ ਦੀ ਮੌਤ 'ਤੇ ਭੜਕਿਆ ਤੁਰਕੀ! ਇਜ਼ਰਾਇਲ ਨੂੰ ਦੇ ਦਿੱਤੀ ਚਿਤਾਵਨੀ
NEXT STORY 
