ਮਾਂਟਰੀਅਲ- ਕੋਰੋਨਾ ਕਾਰਨ ਕੈਨੇਡਾ ਦੇ ਸੂਬੇ ਕਿਊਬਿਕ ਦੇ ਤਿੰਨ ਇਲਾਕਿਆਂ ਨੂੰ ਰੈੱਡ ਜ਼ੋਨ ਐਲਾਨਿਆ ਗਿਆ ਹੈ। ਜੇਕਰ ਕੋਈ ਇੱਥੇ ਕੋਰੋਨਾ ਪਾਬੰਦੀਆਂ ਦੀ ਉਲੰਘਣਾ ਕਰਦਾ ਫੜਿਆ ਜਾਂਦਾ ਹੈ ਤਾਂ ਉਸ ਨੂੰ 1000 ਡਾਲਰ ਦਾ ਜੁਰਮਾਨਾ ਭਰਨਾ ਪਵੇਗਾ। ਬੀਤੀ ਰਾਤ ਤੋਂ ਗ੍ਰੇਟਰ ਮਾਂਟਰੀਅਲ ਏਰੀਏ ਸਣੇ 3 ਖੇਤਰਾਂ ਨੂੰ ਉੱਚ ਖਤਰੇ ਵਿਚ ਰੱਖਿਆ ਗਿਆ ਹੈ।
ਮੁੱਖ ਮੰਤਰੀ ਫਰੈਂਕੋਇਸ ਲਾਗਾਉਲਟ ਨੇ ਕਿਹਾ ਕਿ ਬੁੱਧਵਾਰ ਤੋਂ ਨਿੱਜੀ ਘਰਾਂ ਵਿਚ ਵੀ ਜ਼ਰੂਰਤ ਤੋਂ ਵੱਧ ਲੋਕ ਇਕੱਠੇ ਨਹੀਂ ਹੋਣਗੇ। ਜੇਕਰ ਕੋਈ ਘਰਾਂ ਵਿਚ ਭੀੜ ਇਕੱਠੀ ਕਰਕੇ ਪਾਰਟੀਆਂ ਕਰਦਾ ਫੜਿਆ ਗਿਆ ਤਾਂ ਪੁਲਸ ਕੋਲ ਇਹ ਤਾਕਤ ਹੈ ਕਿ ਉਹ ਉਨ੍ਹਾਂ ਜੁਰਮਾਨਾ ਠੋਕੇ।
ਮੁੱਖ ਮੰਤਰੀ ਨੇ ਕਿਹਾ ਕਿ ਅਸੀਂ ਬੱਚਿਆਂ ਨੂੰ ਸਕੂਲ ਭੇਜਣ ਤੇ ਸਿਹਤ ਸੁਰੱਖਿਆ ਨੂੰ ਲਾਜ਼ਮੀ ਬਣਾਉਣ ਲਈ ਸਖਤਾਈ ਕਰ ਰਹੇ ਹਾਂ ਤਾਂ ਕਿ ਵਾਇਰਸ ਨੂੰ ਫੈਲਣ ਤੋਂ ਰੋਕਿਆ ਜਾ ਸਕੇ। ਲੋਕਾਂ ਨੂੰ ਪਾਰਕਾਂ ਵਿਚ ਵੀ ਇਕੱਠੇ ਹੋਣ ਦੀ ਇਜ਼ਾਜ਼ਤ ਨਹੀਂ ਹੈ। ਇਸ ਦੇ ਨਾਲ ਹੀ ਰੈੱਡ ਜ਼ੋਨ ਵਿਚ ਰਹਿਣ ਵਾਲੇ ਲੋਕਾਂ ਨੂੰ ਦੂਜੇ ਖੇਤਰਾਂ ਵਿਚ ਘੁੰਮਣ-ਫਿਰਨ ਤੇ ਖਾਣ-ਪੀਣ ਦੀ ਇਜਾਜ਼ਤ ਨਹੀਂ ਕਿਉਂਕਿ ਇਸ ਤਰ੍ਹਾਂ ਲੋਕ ਹੋਰਾਂ ਨੂੰ ਵੀ ਬੀਮਾਰ ਕਰ ਸਕਦੇ ਹਨ। ਹਰੇਕ ਵਿਅਕਤੀ ਨੂੰ ਹਮੇਸ਼ਾ ਮਾਸਕ ਲਗਾ ਕੇ ਹੀ ਘਰੋਂ ਨਿਕਲਣਾ ਪਵੇਗਾ। ਬਾਰ-ਕੈਸੀਨੋ ਵੀ ਬੰਦ ਰਹਿਣਗੇ। ਪੂਜਾ ਘਰਾਂ ਵਿਚ ਵੀ 25 ਤੋਂ ਵੱਧ ਲੋਕ ਇਕੱਠੇ ਨਹੀਂ ਹੋ ਸਕਣਗੇ।
ਦੱਖਣੀ ਆਸਟ੍ਰੇਲੀਆਈ ਲੋਕਾਂ ਨੂੰ ਕੋਵਿਡ-19 ਦੀਆਂ ਇਹਨਾਂ ਪਾਬੰਦੀਆਂ 'ਚ ਮਿਲੇਗੀ ਛੋਟ
NEXT STORY