ਮਾਸਕੋ (ਬਿਊਰੋ): ਰੂਸ ਦੇ ਸਾਬਕਾ ਰਾਸ਼ਟਰਪਤੀ ਅਤੇ ਵਲਾਦੀਮੀਰ ਪੁਤਿਨ ਦੇ ਸੱਜੇ ਹੱਥ ਕਹੇ ਜਾਣ ਵਾਲੇ ਦਿਮਿਤਰੀ ਮੇਦਵੇਦੇਵ ਨੇ ਯੂਕ੍ਰੇਨ ਯੁੱਧ ਦੇ ਵਿਚਕਾਰ ਨਾਟੋ ਨੂੰ ਵੱਡੀ ਧਮਕੀ ਦਿੱਤੀ ਹੈ। ਮੇਦਵੇਦੇਵ ਨੇ ਸੋਮਵਾਰ ਨੂੰ ਕਿਹਾ ਕਿ ਜੇਕਰ ਨਾਟੋ ਦੇ ਕਿਸੇ ਵੀ ਮੈਂਬਰ ਦੇਸ਼ ਨੇ ਕ੍ਰੀਮੀਅਨ ਪ੍ਰਾਇਦੀਪ 'ਚ ਘੁਸਪੈਠ ਕੀਤੀ ਤਾਂ ਇਹ ਰੂਸ ਖ਼ਿਲਾਫ਼ ਜੰਗ ਦਾ ਐਲਾਨ ਹੋਵੇਗਾ। ਉਨ੍ਹਾਂ ਨੇ ਚੇਤਾਵਨੀ ਦਿੱਤੀ ਕਿ ਇਸ ਨਾਲ ਤੀਜਾ ਵਿਸ਼ਵ ਯੁੱਧ ਹੋ ਸਕਦਾ ਹੈ। ਜ਼ਿਕਰਯੋਗ ਹੈ ਕਿ ਰੂਸ ਨੇ 2014 ਵਿੱਚ ਯੂਕ੍ਰੇਨ ਦੇ ਕ੍ਰੀਮੀਆ ਖੇਤਰ 'ਤੇ ਜ਼ਬਰਦਸਤੀ ਕਬਜ਼ਾ ਕਰ ਲਿਆ ਸੀ।
ਮੇਦਵੇਦੇਵ ਨੇ ਇਕ ਨਿਊਜ਼ ਵੈੱਬਸਾਈਟ ਨਾਲ ਗੱਲਬਾਤ 'ਚ ਕਿਹਾ ਕਿ ਕ੍ਰੀਮੀਆ ਸਾਡੇ ਲਈ ਰੂਸ ਦਾ ਹਿੱਸਾ ਹੈ ਅਤੇ ਇਸਦਾ ਮਤਲਬ ਹਮੇਸ਼ਾ ਲਈ ਹੈ। ਕ੍ਰੀਮੀਆ ਵਿੱਚ ਘੁਸਪੈਠ ਦੀ ਕਿਸੇ ਵੀ ਕੋਸ਼ਿਸ਼ ਨੂੰ ਸਾਡੇ ਦੇਸ਼ ਵਿਰੁੱਧ ਜੰਗ ਦੇ ਐਲਾਨ ਵਜੋਂ ਦੇਖਿਆ ਜਾਵੇਗਾ। ਸਾਬਕਾ ਰੂਸੀ ਰਾਸ਼ਟਰਪਤੀ ਨੇ ਕਿਹਾ ਕਿ ਅਤੇ ਜੇਕਰ ਇਹ ਨਾਟੋ ਦੇ ਕਿਸੇ ਵੀ ਮੈਂਬਰ ਦੇਸ਼ ਦੁਆਰਾ ਕੀਤਾ ਜਾਂਦਾ ਹੈ ਤਾਂ ਇਸਦਾ ਮਤਲਬ ਇਹ ਹੋਵੇਗਾ ਕਿ ਇਹ ਸੰਘਰਸ਼ ਪੂਰੇ ਨਾਟੋ ਨਾਲ ਹੋਵੇਗਾ। ਇਸ ਨਾਲ ਤੀਜਾ ਵਿਸ਼ਵ ਯੁੱਧ ਸ਼ੁਰੂ ਹੋ ਜਾਵੇਗਾ। ਪੂਰੀ ਤਬਾਹੀ ਹੋਵੇਗੀ।
ਫਿਨਲੈਂਡ ਅਤੇ ਸਵੀਡਨ ਨੇੜੇ ਇਸਕੰਦਰ ਹਾਈਪਰਸੋਨਿਕ ਮਿਜ਼ਾਈਲ ਦੀ ਤਾਇਨਾਤੀ
ਦਮਿਤਰੀ ਮੇਦਵੇਦੇਵ ਹੁਣ ਰੂਸੀ ਸੁਰੱਖਿਆ ਪ੍ਰੀਸ਼ਦ ਦੇ ਉਪ ਚੇਅਰਮੈਨ ਹਨ। ਉਨ੍ਹਾਂ ਨੇ ਕਿਹਾ ਕਿ ਜੇਕਰ ਫਿਨਲੈਂਡ ਅਤੇ ਸਵੀਡਨ ਨਾਟੋ 'ਚ ਸ਼ਾਮਲ ਹੁੰਦੇ ਹਨ ਤਾਂ ਰੂਸ ਆਪਣੀ ਸਰਹੱਦ ਨੂੰ ਹੋਰ ਮਜ਼ਬੂਤ ਬਣਾਏਗਾ। ਇਸ ਦੇ ਨਾਲ ਹੀ ਇਹ ਜਵਾਬੀ ਕਾਰਵਾਈ ਲਈ ਖੁਦ ਨੂੰ ਤਿਆਰ ਕਰੇਗਾ। ਇਸ ਵਿੱਚ ਫਿਨਲੈਂਡ ਅਤੇ ਸਵੀਡਨ ਦੀ ਸਰਹੱਦ ਨੇੜੇ ਇਸਕੰਦਰ ਹਾਈਪਰਸੋਨਿਕ ਮਿਜ਼ਾਈਲ ਦੀ ਤਾਇਨਾਤੀ ਵੀ ਸ਼ਾਮਲ ਹੈ। ਜੀ 7 ਸਿਖਰ ਸੰਮੇਲਨ ਵਿੱਚ ਯੂਕ੍ਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਂਸਕੀ ਨੇ ਸੋਮਵਾਰ ਨੂੰ ਕਿਹਾ ਕਿ ਉਹ ਚਾਹੁੰਦੇ ਹਨ ਕਿ ਉਨ੍ਹਾਂ ਦੇ ਦੇਸ਼ ਦੇ ਖ਼ਿਲਾਫ਼ ਰੂਸ ਦੀ ਚੱਲ ਰਹੀ ਜੰਗ ਸਰਦੀਆਂ ਤੋਂ ਪਹਿਲਾਂ ਖ਼ਤਮ ਹੋ ਜਾਵੇ, ਜਦੋਂ ਕਿ ਰੂਸ ਦੇ ਅਨੁਭਵੀ ਨੇਤਾ ਨਾਟੋ ਨੂੰ ਚੇਤਾਵਨੀ ਦੇ ਰਹੇ ਹਨ।
ਪੜ੍ਹੋ ਇਹ ਅਹਿਮ ਖ਼ਬਰ- ਜਾਰਡਨ : ਬੰਦਰਗਾਹ 'ਤੇ ਜ਼ਹਿਰੀਲੀ ਗੈਸ ਲੀਕ ਹੋਣ ਕਾਰਨ ਦਰਜਨਾਂ ਲੋਕਾਂ ਦੀ ਮੌਤ, 250 ਤੋਂ ਵਧੇਰੇ ਜ਼ਖਮੀ
ਯੂਕ੍ਰੇਨ ਦੇ ਰਾਸ਼ਟਰਪਤੀ ਨੇ ਜੀ 7 ਨੇਤਾਵਾਂ ਨੂੰ ਵਰਚੁਅਲੀ ਸੰਬੋਧਿਤ ਕੀਤਾ। ਜ਼ੇਲੇਂਸਕੀ ਨੇ ਉਹਨਾਂ ਨੂੰ ਪੁਨਰ ਨਿਰਮਾਣ ਸਹਾਇਤਾ, ਐਂਟੀ-ਏਅਰਕ੍ਰਾਫਟ ਡਿਫੈਂਸ ਸਿਸਟਮ, ਅਨਾਜ ਦੀ ਬਰਾਮਦ ਅਤੇ ਸੁਰੱਖਿਆ ਗਾਰੰਟੀ ਲਈ ਮਦਦ ਲਈ ਕਿਹਾ। ਯੂਕ੍ਰੇਨ ਯੁੱਧ G7 ਏਜੰਡੇ ਦੇ ਸਿਖਰ 'ਤੇ ਹੈ। ਉਨ੍ਹਾਂ ਰੂਸ 'ਤੇ ਲਾਈਆਂ ਗਈਆਂ ਪਾਬੰਦੀਆਂ ਨੂੰ ਹੋਰ ਸਖ਼ਤ ਕਰਨ ਦੀ ਮੰਗ ਵੀ ਕੀਤੀ। ਆਪਣੇ ਸੰਬੋਧਨ ਤੋਂ ਇੱਕ ਦਿਨ ਪਹਿਲਾਂ ਜ਼ੇਲੇਂਸਕੀ ਨੇ ਰਾਸ਼ਟਰ ਨੂੰ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਯੂਕ੍ਰੇਨ ਨੂੰ ਹਥਿਆਰਾਂ ਦੀ ਸਪੁਰਦਗੀ ਵਿੱਚ ਦੇਰੀ ਕਰਨਾ ਰੂਸ ਨੂੰ ਦੁਬਾਰਾ ਹਮਲਾ ਕਰਨ ਦਾ ਸੱਦਾ ਸੀ। ਇੱਕ ਹਵਾਈ ਰੱਖਿਆ ਪ੍ਰਣਾਲੀ ਦੀ ਮੰਗ ਕਰਦੇ ਹੋਏ, ਉਹਨਾਂ ਨੇ ਕਿਹਾ ਕਿ ਭਾਗੀਦਾਰਾਂ ਨੂੰ ਤੇਜ਼ੀ ਨਾਲ ਕੰਮ ਕਰਨ ਦੀ ਜ਼ਰੂਰਤ ਹੈ ਜੇਕਰ ਉਹ ਅਸਲ ਵਿੱਚ ਭਾਗੀਦਾਰ ਹਨ, ਨਾ ਕਿ ਨਿਰੀਖਕ।
ਲਵੀਵ 'ਚ ਸਟਾਰੀਚੀ ਜ਼ਿਲ੍ਹੇ 'ਤੇ ਹਮਲਾ
ਬੀਬੀਸੀ ਦੀ ਰਿਪੋਰਟ ਮੁਤਾਬਕ ਪੋਲੈਂਡ ਦੀ ਸਰਹੱਦ ਤੋਂ ਸਿਰਫ਼ 30 ਕਿਲੋਮੀਟਰ ਦੂਰ ਲਵੀਵ ਦੇ ਸਟਾਰੀਚੀ ਜ਼ਿਲ੍ਹੇ ਵਿੱਚ ਵੀਕੈਂਡ ਵਿੱਚ ਹਮਲਾ ਕੀਤਾ ਗਿਆ। ਇਸ ਤੋਂ ਇਲਾਵਾ ਕੀਵ, ਖਾਰਕੀਵ ਖੇਤਰ, ਚੇਰਨੇਹੀਵ ਅਤੇ ਜ਼ਾਇਟੋਮਾਇਰ 'ਤੇ ਵੀ ਮਿਜ਼ਾਈਲ ਹਮਲੇ ਕੀਤੇ ਗਏ। ਜਰਮਨੀ ਦੇ ਚਾਂਸਲਰ ਓਲਾਫ ਸ਼ੋਲਜ਼ ਨੇ ਕਿਹਾ ਹੈ ਕਿ ਰੂਸੀ ਮਿਜ਼ਾਈਲ ਹਮਲਿਆਂ ਨੇ ਦਿਖਾਇਆ ਹੈ ਕਿ ਇਹ ਯੂਕ੍ਰੇਨ ਨੂੰ ਸਮਰਥਨ ਅਤੇ ਇਕਜੁੱਟ ਕਰਨ ਲਈ ਸਹੀ ਸੀ। ਯੂਐਸ ਦੇ ਰਾਸ਼ਟਰਪਤੀ ਜੋਅ ਬਾਈਡੇਨ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਦੇ ਰੂਸੀ ਹਮਰੁਤਬਾ ਵਲਾਦੀਮੀਰ ਪੁਤਿਨ ਨਾਟੋ ਅਤੇ ਜੀ 7 'ਤੇ ਭਰੋਸਾ ਕਰ ਰਹੇ ਹਨ ਕਿ ਉਹ "ਵੱਖ ਹੋਣ... ਪਰ ਅਜਿਹਾ ਨਹੀਂ ਹੋਇਆ ਅਤੇ ਅਜਿਹਾ ਨਹੀਂ ਹੋਵੇਗਾ।" ਇਸ ਹਫ਼ਤੇ ਦੇ ਅੰਤ ਵਿੱਚ,ਜ਼ੇਲੇਂਸਕੀ ਦੇ ਮੈਡ੍ਰਿਡ ਵਿੱਚ ਨਾਟੋ ਸੰਮੇਲਨ ਨੂੰ ਵੀ ਸੰਬੋਧਨ ਕਰਨ ਦੀ ਉਮੀਦ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਅਮਰੀਕਾ 'ਚ ਵੱਡਾ ਰੇਲ ਹਾਦਸਾ, ਟਰੱਕ ਨਾਲ ਟੱਕਰ ਹੋਣ ਕਾਰਨ 3 ਲੋਕਾਂ ਦੀ ਮੌਤ, ਕਈ ਜ਼ਖ਼ਮੀ
NEXT STORY 
