ਰਿਆਦ : ਰੂੜੀਵਾਦੀ ਇਸਲਾਮਿਕ ਦੇਸ਼ ਸਾਊਦੀ ਅਰਬ, ਜਿਸ ਨੂੰ ਹੁਣ ਤੱਕ ਇੱਕ ਸਖ਼ਤ 'ਡਰਾਈ' ਦੇਸ਼ ਮੰਨਿਆ ਜਾਂਦਾ ਸੀ, ਨੇ ਆਪਣੇ ਸਮਾਜਿਕ ਨਿਯਮਾਂ ਵਿੱਚ ਵੱਡਾ ਬਦਲਾਅ ਕੀਤਾ ਹੈ। ਕ੍ਰਾਊਨ ਪ੍ਰਿੰਸ ਮੁਹੰਮਦ ਬਿਨ ਸਲਮਾਨ ਦੇ 'ਵਿਜ਼ਨ-2030' ਦੇ ਤਹਿਤ ਦੇਸ਼ ਵਿੱਚ ਸ਼ਰਾਬ ਖਰੀਦਣ ਦੇ ਨਿਯਮਾਂ ਨੂੰ ਢਿੱਲਾ ਕਰ ਦਿੱਤਾ ਗਿਆ ਹੈ।
ਕੌਣ ਖਰੀਦ ਸਕੇਗਾ ਸ਼ਰਾਬ?
ਨਵੇਂ ਨਿਯਮਾਂ ਅਨੁਸਾਰ, ਹੁਣ ਗ਼ੈਰ-ਮੁਸਲਿਮ ਪ੍ਰੀਮੀਅਮ ਰੈਜ਼ੀਡੈਂਸੀ ਧਾਰਕ ਰਿਆਦ ਦੇ ਉਸ ਸਟੋਰ ਤੋਂ ਸ਼ਰਾਬ ਖਰੀਦ ਸਕਣਗੇ ਜੋ ਪਹਿਲਾਂ ਸਿਰਫ਼ ਵਿਦੇਸ਼ੀ ਰਾਜਨੀਤਿਕਾਂ ਲਈ ਖੁੱਲ੍ਹਾ ਸੀ। ਸਾਊਦੀ ਅਰਬ ਨੇ 2019 ਵਿੱਚ ਪ੍ਰੀਮੀਅਮ ਰੈਜ਼ੀਡੈਂਸੀ ਪ੍ਰੋਗਰਾਮ ਸ਼ੁਰੂ ਕੀਤਾ ਸੀ, ਜਿਸ ਦਾ ਉਦੇਸ਼ ਉੱਚ ਆਮਦਨ ਵਾਲੇ ਵਿਦੇਸ਼ੀ ਨਿਵੇਸ਼ਕਾਂ ਅਤੇ ਵਿਸ਼ੇਸ਼ ਪੇਸ਼ੇਵਰਾਂ ਨੂੰ ਆਕਰਸ਼ਿਤ ਕਰਨਾ ਹੈ।
ਇਸ ਸ਼੍ਰੇਣੀ ਵਿੱਚ ਸ਼ਾਮਲ ਹੋਣ ਲਈ 80,000 ਰਿਆਲ (21,000 ਡਾਲਰ) ਤੋਂ ਵੱਧ ਦੀ ਮਾਸਿਕ ਆਮਦਨ ਜਾਂ ਵਿਸ਼ੇਸ਼ ਪੇਸ਼ੇਵਰ ਯੋਗਤਾ ਜ਼ਰੂਰੀ ਹੈ। ਹਾਲਾਂਕਿ ਸਰਕਾਰ ਵੱਲੋਂ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਗਿਆ, ਪਰ ਖਰੀਦਦਾਰੀ ਕਰ ਚੁੱਕੇ ਗਾਹਕਾਂ ਨੇ ਇਸ ਦੀ ਪੁਸ਼ਟੀ ਕੀਤੀ ਹੈ।
ਨੀਤੀ ਬਦਲਣ ਦਾ ਕਾਰਨ
ਮਾਹਰ ਮੰਨਦੇ ਹਨ ਕਿ ਇਹ ਕਦਮ ਸਾਊਦੀ ਅਰਬ ਦੀ 'ਵਿਜ਼ਨ-2030' ਪਹਿਲਕਦਮੀ ਦਾ ਹਿੱਸਾ ਹੈ, ਜਿਸ ਤਹਿਤ ਦੇਸ਼ ਸੈਰ-ਸਪਾਟੇ ਨੂੰ ਤੇਜ਼ੀ ਨਾਲ ਉਤਸ਼ਾਹਿਤ ਕਰਨਾ ਚਾਹੁੰਦਾ ਹੈ। ਸਾਊਦੀ ਅਰਬ, ਦੁਬਈ, ਬਹਿਰੀਨ ਅਤੇ ਅਬੂ ਧਾਬੀ ਵਰਗੇ ਗੁਆਂਢੀ ਖਾੜੀ ਦੇਸ਼ਾਂ ਨਾਲ ਮੁਕਾਬਲਾ ਕਰ ਰਿਹਾ ਹੈ, ਜਿੱਥੇ ਸ਼ਰਾਬ ਅਤੇ ਖੁੱਲ੍ਹੀ ਜੀਵਨ ਸ਼ੈਲੀ ਕਾਰਨ ਉਹ ਵਧੇਰੇ ਆਕਰਸ਼ਕ ਮੰਨੇ ਜਾਂਦੇ ਹਨ। ਵਿਸ਼ਲੇਸ਼ਕਾਂ ਅਨੁਸਾਰ, ਇਸ ਵਿਸ਼ੇਸ਼ ਵਰਗ ਨੂੰ ਸ਼ਰਾਬ ਦੀ ਇਜਾਜ਼ਤ ਦੇ ਕੇ, ਸਾਊਦੀ ਅਰਬ ਇੱਕ ਨਿਯੰਤਰਿਤ ਅਤੇ ਰਣਨੀਤਕ ਬਦਲਾਅ ਅਪਣਾ ਰਿਹਾ ਹੈ ਜੋ ਅੰਤਰਰਾਸ਼ਟਰੀ ਪ੍ਰਤਿਭਾ ਅਤੇ ਨਿਵੇਸ਼ ਦੋਵਾਂ ਨੂੰ ਆਕਰਸ਼ਿਤ ਕਰੇਗਾ।
ਫਰਾਂਸ ਨੇ ਖੋਲੀ ਪਾਕਿ ਦੇ ਝੂਠ ਦੀ ਪੋਲ! 'ਰਾਫੇਲ ਨੁਕਸਾਨ' ਤੇ 'Pak ਏਅਰ ਸੁਪੀਰੀਆਰਿਟੀ' ਦੇ ਦਾਅਵੇ ਨੂੰ ਦੱਸਿਆ ਫਰਜ਼ੀ
NEXT STORY 
