ਢਾਕਾ (ਭਾਸ਼ਾ) – ਬੰਗਲਾਦੇਸ਼ ਦੇ ਚੋਣ ਕਮਿਸ਼ਨ ਨੇ ਕਿਹਾ ਕਿ ਉਸ ਨੇ ਅਹੁਦੇ ਤੋਂ ਹਟਾਈ ਗਈ ਪ੍ਰਧਾਨ ਮੰਤਰੀ ਸ਼ੇਖ ਹਸੀਨਾ ਦੇ ਰਾਸ਼ਟਰੀ ਪਛਾਣ ਪੱਤਰ ਨੂੰ ਬਲਾਕ ਕਰ ਦਿੱਤਾ ਹੈ, ਜਿਸ ਨਾਲ ਉਹ ਅਗਲੇ ਸਾਲ ਫਰਵਰੀ ਵਿਚ ਹੋਣ ਵਾਲੀਆਂ ਆਮ ਚੋਣਾਂ ’ਚ ਵੋਟ ਪਾਉਣ ਤੋਂ ਵਾਂਝੀ ਹੋ ਗਈ ਹੈ।
ਚੋਣ ਕਮਿਸ਼ਨ ਦੇ ਸਕੱਤਰ ਅਖਤਰ ਅਹਿਮਦ ਨੇ ਕਿਹਾ ਕਿ ਜਿਸ ਕਿਸੇ ਦਾ ਰਾਸ਼ਟਰੀ ਪਛਾਣ ਪੱਤਰ (ਐੱਨ. ਆਈ. ਡੀ.) ਬਲਾਕ ਹੈ, ਉਹ ਵਿਦੇਸ਼ ਤੋਂ ਵੋਟ ਨਹੀਂ ਪਾ ਸਕਦਾ। ਉਨ੍ਹਾਂ ਅੱਗੇ ਕਿਹਾ ਕਿ ਉਨ੍ਹਾਂ ਦਾ (ਹਸੀਨਾ ਦਾ) ਐੱਨ. ਆਈ. ਡੀ. ਬਲਾਕ ਹੈ। ਹਾਲਾਂਕਿ ਅਹਿਮਦ ਨੇ ਕਿਸੇ ਹੋਰ ਦਾ ਨਾਂ ਨਹੀਂ ਲਿਆ ਪਰ ਉਨ੍ਹਾਂ ਨੇ ਚੋਣ ਕਮਿਸ਼ਨ ਦੇ ਅਧਿਕਾਰੀਆਂ ਦੇ ਹਵਾਲੇ ਨਾਲ ਕਿਹਾ ਕਿ ਹਸੀਨਾ ਦੀ ਛੋਟੀ ਭੈਣ ਸ਼ੇਖ ਰੇਹਾਨਾ, ਪੁੱਤਰ ਸਜੀਬ ਵਾਜ਼ੇਦ ਜੋਏ ਅਤੇ ਧੀ ਸਾਇਮਾ ਵਾਜ਼ੇਦ ਪੁਤੁਲ ਦੇ ਐੱਨ. ਆਈ. ਡੀ. ਵੀ ਬਲਾਕ ਕਰ ਦਿੱਤੇ ਗਏ ਹਨ।
ਅਜਿਹੀਆਂ ਰਿਪੋਰਟਾਂ ਹਨ ਕਿ ਰੇਹਾਨਾ ਦੀਆਂ ਧੀਆਂ ਟਿਊਲਿਪ ਰਿਜ਼ਵਾਨਾ ਸਿੱਦੀਕ, ਅਜ਼ਮੀਨਾ ਸਿੱਦੀਕ, ਭਤੀਜੇ ਰਦਵਾਨ ਮੁਜੀਬ ਸਿੱਦੀਕ ਬੌਬੀ, ਉਨ੍ਹਾਂ ਦੇ ਰਿਸ਼ਤੇਦਾਰ ਅਤੇ ਹਸੀਨਾ ਦੇ ਸਾਬਕਾ ਸੁਰੱਖਿਆ ਸਲਾਹਕਾਰ ਸੇਵਾਮੁਕਤ ਮੇਜਰ ਜਨਰਲ ਤਾਰਿਕ ਅਹਿਮਦ ਸਿੱਦੀਕ, ਉਨ੍ਹਾਂ ਦੀ ਪਤਨੀ ਸ਼ਾਹੀਨ ਸਿੱਦੀਕ ਅਤੇ ਧੀ ਬੁਸ਼ਰਾ ਸਿੱਦੀਕ ਨੂੰ ਵੀ ਵੋਟ ਪਾਉਣ ਤੋਂ ਰੋਕ ਦਿੱਤਾ ਗਿਆ ਹੈ।
ਨਾਗਰਿਕਾਂ ਨੂੰ ਕੱਢਣ ਮਗਰੋਂ ਇਜ਼ਰਾਈਲ ਨੇ ਦੱਖਣੀ ਲੇਬਨਾਨ 'ਚ ਹਿਜ਼ਬੁੱਲਾ ਦੇ ਟਿਕਾਣਿਆਂ 'ਤੇ ਕਰ ਦਿੱਤਾ ਹਮਲੇ
NEXT STORY 
