ਪੱਟੀ (ਸੌਰਭ,ਪਾਠਕ)- ਪੱਟੀ ਦੇ ਬਲਾਕ ਸਿੱਖਿਆ ਦਫਤਰ ਜੋ ਸਰਕਾਰੀ ਐਲੀਮੈਂਟਰੀ ਸਕੂਲ ਨੰਬਰ-5 ਪੱਟੀ ਵਿਖੇ ਸਥਿਤ ਹੈ, ਵਿਚ ਗੱਡੀ ਖੜ੍ਹਾਉਣ ਨੂੰ ਲੈ ਕੇ ਬਲਾਕ ਅਫਸਰ ਅਤੇ ਇਕ ਠੇਕੇਦਾਰ ਵਿਚਾਲੇ ਤਕਰਾਰ ਹੋ ਗਿਆ। ਜਾਣਕਾਰੀ ਅਨੁਸਾਰ ਸਰਕਾਰੀ ਸੜਕਾਂ ਦਾ ਠੇਕੇਦਾਰ ਚੰਦਨ ਭਾਰਦਵਾਜ ਵਾਸੀ ਗਲੀ ਪਟਵਾਰੀ ਰਾਮ ਜੈਸ਼ੀ ਵਾਲੀ ਪੱਟੀ ਨੇ ਦੱਸਿਆ ਕਿ ਇਸ ਬਲਾਕ ਦਫਤਰ ਵਿਚ ਰੋਜ਼ਾਨਾ 20 ਤੋਂ 25 ਗੱਡੀਆਂ ਖੜ੍ਹੀਆਂ ਹੁੰਦੀਆਂ ਹਨ ਅਤੇ ਉਹ ਵੀ ਹਮੇਸ਼ਾਂ ਆਪਣੀ ਗੱਡੀ ਇਥੇ ਹੀ ਖੜ੍ਹਾਉਂਦਾ ਆ ਰਿਹਾ ਹੈ।
ਇਹ ਵੀ ਪੜ੍ਹੋ- ਪੰਜਾਬ 'ਚ 15 ਅਪ੍ਰੈਲ ਤੋਂ ਬਾਅਦ ਬਦਲ ਸਕਦੈ ਮੌਸਮ ਦਾ ਮਿਜਾਜ਼, ਵਿਭਾਗ ਨੇ ਦਿੱਤੀ ਅਹਿਮ ਜਾਣਕਾਰੀ
ਸਵੇਰੇ ਜਦੋਂ ਉਸਦਾ ਡਰਾਈਵਰ ਗੱਡੀ ਕੱਢਣ ਲਈ ਆਇਆ ਤਾਂ ਅੱਗੇ ਹੋਰ ਗੱਡੀ ਖੜ੍ਹੀ ਹੋਣ ਕਾਰਨ ਰਸਤਾ ਬੰਦ ਸੀ। ਉਸਦੇ ਗੰਨਮੈਨ ਵੱਲੋਂ ਦਫਤਰ ਵਿਚ ਜਾ ਕੇ ਗੱਡੀ ਪਾਸੇ ਕਰਨ ਲਈ ਕਿਹਾ ਗਿਆ ਪਰ ਦਫਤਰ ਵੱਲੋਂ ਤੁਰੰਤ ਕੋਈ ਕਾਰਵਾਈ ਨਾ ਹੋਣ ਕਾਰਨ ਗੱਲ ਵੱਧ ਗਈ ਅਤੇ ਠੇਕੇਦਾਰ ਦੀ ਬਲਾਕ ਸਿੱਖਿਆ ਅਫਸਰ ਨਾਲ ਤਕਰਾਰ ਹੋ ਗਈ। ਉਸ ਸਮੇਂ ਦਫਤਰ ਵਿਚ ਵੱਖ-ਵੱਖ ਸਕੂਲਾਂ ਦੇ ਮੁਖੀਆਂ ਅਤੇ ਅਧਿਆਪਕਾਂ ਦੀ ਮੀਟਿੰਗ ਚੱਲ ਰਹੀ ਸੀ, ਜਿਸ ਕਰਕੇ ਕਈ ਗੱਡੀਆਂ ਦਫਤਰ ਅੰਦਰ ਖੜ੍ਹੀਆਂ ਸਨ।
ਇਹ ਵੀ ਪੜ੍ਹੋ- ਪੰਜਾਬ 'ਚ ਫੜੇ ਗਏ 2 ਅੱਤਵਾਦੀ, ਕਰਨਾ ਸੀ ਵੱਡਾ ਧਮਾਕਾ
ਠੇਕੇਦਾਰ ਨੇ ਕਿਹਾ ਕਿ ਉਸ ਨੂੰ ਫਿਰੌਤੀ ਦੀ ਕਾਲ ਆਈ ਹੋਈ ਹੈ, ਜਿਸ ਲਈ ਉਸ ਨੂੰ ਪੁਲਸ ਵੱਲੋਂ ਗੰਨਮੈਨ ਮਿਲੇ ਹਨ ਅਤੇ ਉਹ ਗੱਡੀ ਦੇ ਨੁਕਸਾਨ ਦੇ ਡਰ ਤੋਂ ਬਲਾਕ ਵਿਚ ਆਪਣੀ ਕਾਰ ਪਾਰਕ ਕਰ ਲੈਂਦੇ ਹਨ। ਉਨ੍ਹਾਂ ਕਿਹਾ ਕਿ ਪਿਛਲੇ ਕਾਫੀ ਸਮੇਂ ਤੋਂ ਇਥੇ ਗੱਡੀ ਲਗਾਉਂਦੇ ਹਨ, ਜੇ ਅਧਿਆਪਕਾਂ ਨੂੰ ਗੱਡੀਆਂ ਖੜ੍ਹਾਉਣ ਦੀ ਆਗਿਆ ਹੈ ਤਾਂ ਫਿਰ ਹੋਰ ਲੋਕਾਂ ਨਾਲ ਭੇਦਭਾਵ ਨਹੀਂ ਹੋਣਾ ਚਾਹੀਦਾ। ਦੂਜੇ ਪਾਸੇ ਨਵ-ਨਿਯੁਕਤ ਬਲਾਕ ਸਿੱਖਿਆ ਅਫਸਰ ਪੱਟੀ ਜਸਵਿੰਦਰ ਸਿੰਘ ਸੰਧੂ ਨੇ ਦੱਸਿਆ ਕਿ ਉਨ੍ਹਾਂ ਨੇ ਹਾਲ ਹੀ ਵਿਚ ਚਾਰਜ ਸੰਭਾਲਿਆ ਹੈ ਅਤੇ ਅੱਜ ਵੱਖ-ਵੱਖ ਸਕੂਲਾਂ ਦੇ ਮੁਖੀਆਂ ਨਾਲ ਪਹਿਲੀ ਮੀਟਿੰਗ ਸੀ। ਇਸ ਕਾਰਨ ਅਧਿਆਪਕਾਂ ਦੀਆਂ ਗੱਡੀਆਂ ਦਫਤਰ ਵਿਚ ਖੜ੍ਹੀਆਂ ਹੋਈਆਂ ਸਨ। ਉਨ੍ਹਾਂ ਕਿਹਾ ਕਿ ਠੇਕੇਦਾਰ ਨੂੰ ਸਿਰਫ਼ 10 ਮਿੰਟ ਉਡੀਕ ਕਰਨ ਲਈ ਕਿਹਾ ਗਿਆ ਸੀ ਪਰ ਉਹ ਤੁਰੰਤ ਗੱਡੀ ਕੱਢਣ ’ਤੇ ਅੜ ਗਿਆ, ਜਿਸ ਕਾਰਨ ਗੱਲ ਤਕਰਾਰ ਵਿਚ ਬਦਲ ਗਈ। ਬਲਾਕ ਅਫਸਰ ਨੇ ਇਹ ਵੀ ਸਪੱਸ਼ਟ ਕੀਤਾ ਕਿ ਦਫਤਰ ਦੇ ਨਿਯਮਾਂ ਅਨੁਸਾਰ ਪ੍ਰਾਈਵੇਟ ਗੱਡੀਆਂ ਨੂੰ ਅੰਦਰ ਖੜ੍ਹਾਉਣ ਦੀ ਆਗਿਆ ਨਹੀਂ ਦਿੱਤੀ ਜਾਵੇਗੀ ਅਤੇ ਇਸ ਸਬੰਧੀ ਜਲਦ ਹੀ ਕੜੇ ਨਿਯਮ ਲਾਗੂ ਕੀਤੇ ਜਾਣਗੇ। ਉਨ੍ਹਾਂ ਕਿਹਾ ਕਿ ਦਫਤਰ ਵਿਚ ਵੱਖ-ਵੱਖ ਸਕੂਲਾਂ ਦੀਆਂ ਕਿਤਾਬਾਂ ਇੱਥੋਂ ਮੁਹੱਈਆ ਹੁੰਦੀਆਂ ਹਨ, ਜਿਸ ਲਈ ਅਧਿਆਪਕ ਆਪਣੇ ਗੱਡੀਆਂ ਲੈ ਕੇ ਇਥੇ ਆਉਂਦੇ ਹਨ। ਇਹ ਇਕ ਸਰਕਾਰੀ ਬਿਲਡਿੰਗ ਹੈ, ਜਿਸ ਵਿਚ ਛੋਟੇ ਬੱਚੇ ਪੜ੍ਹਨ ਲਈ ਆਉਂਦੇ ਹਨ, ਇਸ ਲਈ ਪ੍ਰਾਈਵੇਟ ਗੱਡੀਆਂ ਇਥੇ ਲਾਉਣ ਦੀ ਮਨਾਹੀ ਕੀਤੀ ਜਾਵੇਗੀ।
ਇਹ ਵੀ ਪੜ੍ਹੋ- DM ਰੰਧਾਵਾ ਦੇ ਪਰਿਵਾਰ ਨੇ ਚੁੱਕਿਆ ਵੱਡਾ ਮੁੱਦਾ, ਕੀਤੀ ਇਹ ਮੰਗ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
ਗੁਰਦਾਸਪੁਰ ਜ਼ਿਲ੍ਹੇ ’ਚ 5 ਜੂਨ ਤੱਕ ਕਣਕ ਦੀ ਵਾਢੀ ਸਬੰਧੀ ਕਈ ਪਾਬੰਦੀਆਂ ਦੇ ਹੁਕਮ ਜਾਰੀ
NEXT STORY 
