ਸਰੀ (ਏਜੰਸੀ)— ਕੈਨੇਡਾ ਦੇ ਸ਼ਹਿਰ ਸਰੀ 'ਚ ਸ਼ਨੀਵਾਰ ਨੂੰ ਇਕ ਸੜਕ ਹਾਦਸਾ ਵਾਪਰ ਗਿਆ, ਜਿਸ ਕਾਰਨ 68 ਸਾਲਾ ਔਰਤ ਦੀ ਮੌਤ ਹੋ ਗਈ। ਪੁਲਸ ਨੇ ਕਿਹਾ ਕਿ ਇਹ ਹਾਦਸਾ ਸਰੀ ਦੇ 40ਵੇਂ ਐਵੇਨਿਊ ਅਤੇ 184ਵੀਂ ਸਟਰੀਟ 'ਤੇ ਵਾਪਰਿਆ। ਸ਼ੁਰੂਆਤੀ ਜਾਂਚ ਵਿਚ ਪਤਾ ਲੱਗਾ ਹੈ ਕਿ 'ਰੁਕੋ' ਸਾਈਨ ਨੂੰ ਦੇਖਣ ਕੇ ਵੀ ਉਸ ਦੀ ਅਣਦੇਖੀ ਕਰਨ ਕਰ ਕੇ ਇਹ ਹਾਦਸਾ ਵਾਪਰਿਆ ਹੈ। ਇਹ ਹਾਦਸਾ ਸਥਾਨਕ ਸਮੇਂ ਅਨੁਸਾਰ ਸਵੇਰੇ ਲੱਗਭਗ 10.30 ਵਜੇ ਵਾਪਰਿਆ।
ਪੁਲਸ ਮੁਤਾਬਕ 184ਵੀਂ ਸਟਰੀਟ 'ਤੇ ਇਕ ਕਾਰ ਨੂੰ 68 ਸਾਲਾ ਔਰਤ ਡਰਾਈਵ ਕਰ ਰਹੀ ਸੀ, ਜਦਕਿ 73 ਸਾਲਾ ਵਿਅਕਤੀ ਦੂਜੀ ਕਾਰ ਨੂੰ ਡਰਾਈਵ ਕਰ ਰਿਹਾ ਸੀ। ਦੋਹਾਂ ਕਾਰਾਂ ਦੀ 40ਵੇ ਐਵੇਨਿਊ 'ਤੇ ਟੱਕਰ ਹੋ ਗਈ ਅਤੇ ਇਕ ਕਾਰ ਲਪੇਟ 'ਚ ਆ ਗਈ, ਜਿਸ 'ਚ 37 ਸਾਲਾ ਵਿਅਕਤੀ ਸਵਾਰ ਸੀ।
ਪੁਲਸ ਨੇ ਦੱਸਿਆ ਕਿ ਇਸ ਟੱਕਰ ਕਾਰਨ 68 ਸਾਲਾ ਔਰਤ ਦੀ ਮੌਤ ਹੋ ਗਈ, ਜਦਕਿ ਦੋਹਾਂ ਜ਼ਖਮੀ ਵਿਅਕਤੀਆਂ ਨੂੰ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ। ਕੈਨੇਡੀਅਨ ਪੁਲਸ ਮੁਤਾਬਕ ਹਾਦਸੇ ਦੇ ਕਾਰਨਾਂ ਦੀ ਜਾਂਚ ਜਾਰੀ ਹੈ। ਸ਼ਨੀਵਾਰ ਦੀ ਦੁਪਹਿਰ ਤਕ 40ਵੇਂ ਐਵੇਨਿਊ ਅਤੇ 184ਵੀਂ ਸਟਰੀਟ ਨੂੰ ਬੰਦ ਰੱਖਿਆ ਗਿਆ।
ਪੀ.ਟੀ.ਆਈ. ਵੱਲੋਂ ਗਠਜੋੜ ਬਨਾਉਣ ਦੀਆਂ ਕੋਸ਼ਿਸ਼ਾਂ ਤੇਜ਼
NEXT STORY