ਯੇਰੁਸ਼ਲਮ- ਯੁੱਧ ਦੀ ਸਥਿਤੀ ਦੇ ਵਿਚਕਾਰ, ਇਜ਼ਰਾਈਲ ਦੀ ਕਰੰਸੀ ਸ਼ੇਕੇਲ ਵਿਚ ਸੋਮਵਾਰ ਨੂੰ ਤਗੜੀ ਗਿਰਾਵਟ ਆਈ। ਬੈਂਕ ਆਫ ਇਜ਼ਰਾਈਲ ਨੇ ਕਿਹਾ ਸੀ ਕਿ ਉਹ ਆਪਣੀ ਕਰੰਸੀ ਦੀ ਗਿਰਾਵਟ ਨੂੰ ਰੋਕਣ ਲਈ 30 ਅਰਬ ਡਾਲਰ ਤੋਂ ਵੱਧ ਦੀ ਵਿਦੇਸ਼ੀ ਕਰੰਸੀ ਵੇਚਣ ਲਈ ਤਿਆਰ ਹੈ। ਹਾਲਾਂਕਿ, ਇਸ ਬਿਆਨ ਦਾ ਵੀ ਉਸਦੀ ਕਰੰਸੀ 'ਤੇ ਕੋਈ ਪ੍ਰਭਾਵ ਨਹੀਂ ਪਿਆ। ਦਰਅਸਲ ਗਾਜ਼ਾ ਪੱਟੀ 'ਤੇ ਕੰਟਰੋਲ ਕਰਨ ਵਾਲੇ ਹਮਾਸ ਨੇ ਸ਼ਨੀਵਾਰ ਨੂੰ ਅਚਾਨਕ ਇਜ਼ਰਾਈਲ 'ਤੇ ਹਮਲਾ ਕਰ ਦਿੱਤਾ। ਇਸ ਤੋਂ ਬਾਅਦ ਇਜ਼ਰਾਈਲ ਨੇ ਹਮਾਸ ਵਿਰੁੱਧ ਜੰਗ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਸੀ। ਬੈਂਕ ਆਫ਼ ਇਜ਼ਰਾਈਲ ਨੇ ਸੋਮਵਾਰ ਨੂੰ ਇੱਕ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਉਹ ਇਸ ਸੰਕਟਕਾਲੀਨ ਸਥਿਤੀ ਵਿੱਚ ਆਪਣੀ ਕਰੰਸੀ ਦੀ ਸਪੋਰਟ ਕਰਨ ਲਈ 30 ਅਰਬ ਡਾਲਰ ਦੀ ਵਿਦੇਸ਼ੀ ਕਰੰਸੀ ਵੇਚੇਗਾ ਅਤੇ ਜੇਕਰ ਲੋੜ ਪਈ ਤਾਂ 15 ਅਰਬ ਡਾਲਰ ਤੱਕ ਦੀ ਹੋਰ ਵਿਦੇਸ਼ੀ ਕਰੰਸੀ ਕਢਵਾਈ ਜਾ ਸਕਦੀ ਹੈ। ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਮਾਰਕੀਟ ਵਪਾਰ ਦਾ ਉਦੇਸ਼ ਸ਼ੇਕੇਲ ਦੀ ਐਕਸਚੇਂਜ ਦਰ ਵਿੱਚ ਅਸਥਿਰਤਾ ਨੂੰ ਘਟਾਉਣਾ ਅਤੇ ਲੋੜੀਂਦੀ ਤਰਲਤਾ ਪ੍ਰਦਾਨ ਕਰਨਾ ਹੈ।
ਇਹ ਵੀ ਪੜ੍ਹੋ : ਇਜ਼ਰਾਈਲ-ਹਮਾਸ ਟਕਰਾਅ ਵਧਣ 'ਤੇ ਬੋਲੇ ਕਰਾਊਨ ਪ੍ਰਿੰਸ, ਫਲਸਤੀਨੀਆਂ ਨਾਲ ਖੜ੍ਹਾ ਹੈ ਸਾਊਦੀ ਅਰਬ
ਬੈਂਕ ਆਫ਼ ਇਜ਼ਰਾਈਲ ਵੱਲੋਂ ਇਹ ਦਖ਼ਲ ਅਸਾਧਾਰਣ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਉਹ ਸ਼ੇਕੇਲ ਨੂੰ ਵਧਾਉਣ ਲਈ ਵਿਦੇਸ਼ੀ ਕਰੰਸੀ ਵੇਚ ਰਿਹਾ ਹੈ। ਅਜਿਹਾ ਇਸ ਲਈ ਵੀ ਹੈ ਕਿਉਂਕਿ ਬੈਂਕ ਨੂੰ ਸੁਤੰਤਰ ਤੌਰ 'ਤੇ ਫੈਸਲੇ ਲੈਣ ਦੀ ਇਜਾਜ਼ਤ ਦਿੱਤੀ ਗਈ ਹੈ। ਕੇਂਦਰੀ ਬੈਂਕ ਨੇ ਇਹ ਕਦਮ ਅਜਿਹੇ ਸਮੇਂ ਵਿੱਚ ਚੁੱਕਿਆ ਹੈ, ਜਦੋਂ ਇਜ਼ਰਾਈਲ ਪਿਛਲੇ ਕਈ ਦਹਾਕਿਆਂ ਦੇ ਸਭ ਤੋਂ ਘਾਤਕ ਹਮਲੇ ਦਾ ਸਾਹਮਣਾ ਕਰ ਰਿਹਾ ਹੈ। ਇਸ ਹਮਲੇ 'ਚ ਸੈਂਕੜੇ ਲੋਕ ਮਾਰੇ ਗਏ ਹਨ। ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਕਿਹਾ ਹੈ ਕਿ ਗਾਜ਼ਾ ਪੱਟੀ ਵਿੱਚ ਹਮਾਸ ਵਿਰੁੱਧ ਲੜਾਈ ਲੰਬੀ ਅਤੇ ਮੁਸ਼ਕਲ ਦੋਵੇਂ ਤਰ੍ਹਾਂ ਦੀ ਹੋਵੇਗੀ। ਹਾਲਾਂਕਿ, ਕੇਂਦਰੀ ਬੈਂਕ ਦੇ ਦਖ਼ਲ ਦੇ ਬਾਵਜੂਦ, ਇਜ਼ਰਾਈਲ ਦੀ ਕਰੰਸੀ ਵਪਾਰ ਵਿੱਚ ਆਪਣੇ ਸਭ ਤੋਂ ਹੇਠਲੇ ਪੱਧਰ 'ਤੇ ਆ ਗਈ। ਇਸ ਐਲਾਨ ਤੋਂ ਬਾਅਦ ਕੁਝ ਸਮੇਂ ਲਈ ਨੁਕਸਾਨ ਜ਼ਰੂਰ ਘਟਿਆ ਪਰ ਬਾਅਦ 'ਚ ਇਹ ਫਿਰ ਫਿਸਲ ਗਈ। ਸਥਾਨਕ ਸਮੇਂ ਅਨੁਸਾਰ ਦੁਪਹਿਰ 1 ਵਜੇ, ਡਾਲਰ ਦੇ ਮੁਕਾਬਲੇ ਸ਼ੇਕੇਲ 2 ਫ਼ੀਸਦੀ ਡਿੱਗ ਕੇ 3.9235 'ਤੇ ਸੀ। ਇਹ 2016 ਤੋਂ ਬਾਅਦ ਸਭ ਤੋਂ ਨੀਵਾਂ ਪੱਧਰ ਹੈ। ਦੇਸ਼ ਦਾ ਬੈਂਚਮਾਰਕ TA-35 ਸਟਾਕ ਸੂਚਕਾਂਕ ਸੋਮਵਾਰ ਦੀ ਸ਼ੁਰੂਆਤ ਵਿੱਚ 1.3 ਫ਼ੀਸਦੀ ਦੀ ਗਿਰਾਵਟ ਦੀ ਭਰਪਾਈ ਤੋਂ ਬਾਅਦ 0.2 ਫ਼ੀਸਦੀ ਵਧਿਆ। ਐਤਵਾਰ ਨੂੰ ਇਹ ਸੂਚਕਾਂਕ 6.5 ਫ਼ੀਸਦੀ ਡਿੱਗ ਗਿਆ ਸੀ। ਜੰਗ ਦੀਆਂ ਚਿੰਤਾਵਾਂ ਦੇ ਵਿਚਕਾਰ ਸਾਰੇ ਖਾੜੀ ਦੇਸ਼ਾਂ ਦੇ ਸਟਾਕ ਬਾਜ਼ਾਰਾਂ ਵਿਚ ਗਿਰਾਵਟ ਆਈ। ਦੁਬਈ ਦੇ ਬੈਂਚਮਾਰਕ ਗੇਜ ਵਿਚ 2.9 ਫ਼ੀਸਦੀ ਦੀ ਗਿਰਾਵਟ ਆਈ।
ਇਹ ਵੀ ਪੜ੍ਹੋ: ਈ.ਯੂ. ਨੇ ਹਮਾਸ ਦੇ ਹਮਲੇ ਮਗਰੋਂ ਫਲਸਤੀਨ ਲਈ ਸਾਰੇ ਭੁਗਤਾਨ ਮੁਅੱਤਲ ਕੀਤੇ ਜਾਣ ਦੇ ਐਲਾਨ ਨੂੰ ਪਲਟਿਆ
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ।
ਪਾਕਿ ਸਿੱਖ ਭਾਈਚਾਰੇ ਨੇ ਲਾਹੌਰ ਅਤੇ ਪੰਜਾਬ ’ਚ ਸਥਿਤ ਆਪਣੇ ਗੁਰੂਧਾਮਾਂ ਦੀ ਅਣਦੇਖੀ ’ਤੇ ਪ੍ਰਗਟਾਈ ਚਿੰਤਾ
NEXT STORY 
