ਸਿੰਗਾਪੁਰ (ਆਈ.ਏ.ਐੱਨ.ਐੱਸ.): ਸਿੰਗਾਪੁਰ ਦੀ ਸੰਸਦ ਵਿੱਚ ਬੁੱਧਵਾਰ ਨੂੰ ਨੌ ਨਾਮਜ਼ਦ ਮੈਂਬਰਾਂ ਵਿੱਚੋਂ ਭਾਰਤੀ ਮੂਲ ਦੇ ਤਿੰਨ ਸਿੰਗਾਪੁਰੀਆਂ ਨੇ ਸੰਸਦ ਵਿੱਚ ਸਹੁੰ ਚੁੱਕੀ। ਇਸ ਤੋਂ ਇਲਾਵਾ ਸਿੰਗਾਪੁਰ ਵਿਚ ਮਰੀਨ ਪਰੇਡ ਸਮੂਹ ਪ੍ਰਤੀਨਿਧ ਖੇਤਰ ਲਈ ਸੰਸਦ ਮੈਂਬਰ ਸੀਹ ਕੀਆਨ ਪੇਂਗ ਨੂੰ ਬੁੱਧਵਾਰ ਨੂੰ ਸੰਸਦ ਦਾ ਸਪੀਕਰ ਚੁਣਿਆ ਗਿਆ।
ਸਮਾਚਾਰ ਏਜੰਸੀ ਸ਼ਿਨਹੂਆ ਦੀ ਰਿਪੋਰਟ ਮੁਤਾਬਕ ਸਪੀਕਰ ਦੇ ਤੌਰ 'ਤੇ ਆਪਣੇ ਪਹਿਲੇ ਸੰਬੋਧਨ ਦੌਰਾਨ ਸੀਹ ਨੇ ਸੰਸਦ 'ਚ ਆਪਣੇ ਸਹਿਯੋਗੀਆਂ ਨੂੰ ਨਿੱਜੀ ਵਿਵਹਾਰ 'ਚ ਚੌਕਸ ਰਹਿਣ ਅਤੇ ਅਹੁਦੇ ਪ੍ਰਤੀ ਵਚਨਬੱਧਤਾ ਦਿਖਾਉਣ ਲਈ ਕਿਹਾ। ਉਸ ਨੇ ਕਿਹਾ ਕਿ ਸਾਡੀਆਂ ਕਮਜ਼ੋਰੀਆਂ ਕੇਵਲ ਸਰੀਰਕ ਹੀ ਨਹੀਂ, ਸਗੋਂ ਅਧਿਆਤਮਿਕ ਵੀ ਹਨ,"। ਪ੍ਰਧਾਨ ਮੰਤਰੀ ਲੀ ਹਸੀਨ ਲੂਂਗ ਨੇ 21 ਜੁਲਾਈ ਨੂੰ ਤਾਨ ਚੁਆਨ-ਜਿਨ ਦੀ ਥਾਂ ਲੈਣ ਲਈ ਸੀਹ ਨੂੰ 11ਵੇਂ ਸਪੀਕਰ ਵਜੋਂ ਨਾਮਜ਼ਦ ਕੀਤਾ। ਸੀਹ ਕਿਆਨ ਪੇਂਗ ਨੇ ਤਾਨ ਚੁਆਨ-ਜਿਨ ਦੀ ਥਾਂ ਲਈ, ਜਿਸ ਨੇ ਸਾਥੀ ਪੀਪਲਜ਼ ਐਕਸ਼ਨ ਪਾਰਟੀ ਦੇ ਸੰਸਦ ਮੈਂਬਰ ਚੇਂਗ ਲੀ ਹੂਈ ਨਾਲ ਵਿਆਹ ਤੋਂ ਬਾਹਰਲੇ ਸਬੰਧਾਂ ਕਾਰਨ ਅਸਤੀਫਾ ਦੇ ਦਿੱਤਾ ਸੀ।
ਪੜ੍ਹੋ ਇਹ ਅਹਿਮ ਖ਼ਬਰ-UAE 'ਚ ਚਮਕੀ ਭਾਰਤੀ ਵਿਅਕਤੀ ਦੀ ਕਿਸਮਤ, ਜਿੱਤਿਆ ਮਹਿਜ਼ੂਜ਼ ਰੈਫਲ ਡਰਾਅ
ਪਾਰਲੀਮੈਂਟ ਦੇ ਨਾਮਜ਼ਦ ਮੈਂਬਰਾਂ (NMP) ਵਿੱਚੋਂ ਭਾਰਤੀ ਮੂਲ ਦੇ ਵਕੀਲ ਅਤੇ ਸਿੰਗਾਪੁਰ ਦੀ ਸਕਿਓਰਿਟੀਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਰਾਜ ਜੋਸ਼ੂਆ ਥਾਮਸ ਲਈ ਇਹ ਦੂਜਾ ਕਾਰਜਕਾਲ ਹੈ। ਬਾਕੀ ਸਾਰੇ ਅੱਠ NMP ਪਹਿਲੀ ਵਾਰ ਹਨ। NMP ਢਾਈ ਸਾਲਾਂ ਦੇ ਕਾਰਜਕਾਲ ਲਈ ਨਿਯੁਕਤ ਕੀਤੇ ਜਾਂਦੇ ਹਨ। ਸੰਸਦ ਵਿੱਚ ਭਾਈਚਾਰੇ ਦੇ ਵਿਚਾਰਾਂ ਦੀ ਵਿਆਪਕ ਪ੍ਰਤੀਨਿਧਤਾ ਨੂੰ ਯਕੀਨੀ ਬਣਾਉਣ ਲਈ NMP ਸਕੀਮ 1990 ਵਿੱਚ ਪੇਸ਼ ਕੀਤੀ ਗਈ ਸੀ। ਹਰੇਕ ਸੰਸਦ ਵਿੱਚ ਵੱਧ ਤੋਂ ਵੱਧ ਨੌਂ NMP ਨਿਯੁਕਤ ਕੀਤੇ ਜਾ ਸਕਦੇ ਹਨ। ਹੋਰ ਦੋ ਭਾਰਤੀ ਮੂਲ ਦੇ NMP ਵਿਚ ਸਿੰਗਾਪੁਰ ਇੰਡੀਅਨ ਚੈਂਬਰ ਆਫ ਕਾਮਰਸ ਐਂਡ ਇੰਡਸਟਰੀ ਦੇ ਪ੍ਰਧਾਨ ਅਤੇ ਪ੍ਰਾਪਤੀ ਫਰਮ ਪੈਗਾਸਸ ਏਸ਼ੀਆ ਦੇ ਸੀਈਓ ਪਾਰੇਖ ਨਿਮਿਲ ਰਜਨੀਕਾਂਤ ਹਨ। ਇਸ ਤੋਂ ਇਲਾਵਾ ਚੰਦਰਦਾਸ ਊਸ਼ਾ ਰਾਣੀ ਹੈ, ਜੋ ਇੱਕ ਕਲਾ ਇਤਿਹਾਸਕਾਰ, ਟੈਕਸ ਵਕੀਲ ਅਤੇ ਪਲੁਰਲ ਆਰਟ ਮੈਗਜ਼ੀਨ ਦੀ ਸਹਿ-ਸੰਸਥਾਪਕ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
UAE 'ਚ ਚਮਕੀ ਭਾਰਤੀ ਵਿਅਕਤੀ ਦੀ ਕਿਸਮਤ, ਜਿੱਤਿਆ ਮਹਿਜ਼ੂਜ਼ ਰੈਫਲ ਡਰਾਅ
NEXT STORY 
